منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


عركة بين سليمان وعمار بفيس بوك

اذهب الى الأسفل

عركة بين سليمان وعمار بفيس بوك

مُساهمة من طرف عمار البراضعي في 8/18/2013, 9:46 pm

Steven Boudrgham‎‏
داعيكن ساعي خير هههه
بما انو سليمان طراد محضور من هون,
حب يشارك بقصيده تكون عركه شعريه, بين الاسمر وبحر .
بشرط يللي بيخسر بسامح التاني وبيبوسو بصنديحتو ويلااااا
---------------------------------------
الى اعز اصحاب

ليش الحكي..ما البحر قلتوا خان
وغدّار عنّو دوم بتقولوا
بحر الزجل عندو الوفا عنوان
وبغير شعرو ما عرض طولو

بساحة المنبر عرّج خيولو

فكّرت عندي رفيق ..حبيّتو
ما شك مرّة برفقتي وشكيّت
تروقّت زعتر طيب ببيتو
وفكّرت عندي صار تاني بيت

تاري هجاني ...!! وكم بيت وبيت؟؟؟

وتاني صديق ..شواربو ناتف
عا الخير بتزكّر سوى حلفنا
كنا سوى نحكي على الهاتف
ولا يوم في انسان يخلفنا

بلّش بلا اسباب..!! يقصفنا

لا تزعلو من البحر قلبو كبير
وشاعر ما ممكن بالشعر يجرح
بس التهّجم ..بالزجل عا الزير
بقاموس بحري ما الو مطرح

تا نجمع حسابتنا ...!! ونطرح

بحر الزجل
=================



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: عركة بين سليمان وعمار بفيس بوك

مُساهمة من طرف عمار البراضعي في 8/18/2013, 9:55 pm

عمار
وصلّو ولاتكون مرسال
=============

ضيعتني من عهرك المفضوح
ياخاين العشرة بل نهاية
وخيط الأمل صفا ع آخر روح
وروتشت لونك متل حربايي

كشفناك حاجي تعمل مشاوير
وتبعث إلي مراسيل بيقدي
كنت بحر كبير عندي كثير
والراء شلت وحطيت شدة

وصفيت نقعة المي فيها بح
ومبحوح متل البرعط بتحكي
وكرمال ارجع لعبك بالدح
حط العذر لاتهرب بضحكة

ولما الخيانة سمعتها عنك
حكيتك هربت بجلقتك مهروق
وحاولت كذبة تمرّق بفنك
ورجعت قلت حسابك المسروق

الرجّال مابيخاف من غلطة
لوما اعترف مشطوب بحسابي
تحجج بجلطة بإصبعو يلطى
وعمرو يقضي خلف سبابة

انت القلت أسمر لقب عمار
حاجي مخبى طل لاقيني
وجسر الحياة بيجهلو الغدار
المن دون موقف مابيعنيني

بُعد الصداقة ماانحكى بلقمة
ملح الوفا ما انكان بحروفو
حرف السيف بيهز ع النقمة
ماقبلت ليش تواجه وهربان
تاعلّمت ع خدودك كفوفو
=============

Steven Boudrgham
ههههه... ولك كبحر انت فليت بخاطرك... شرف رجاع عمول اضافه يلا عالسريع.... بدنا نحضر معركة العصر بين سليمان وعمار يلااااا
=====================
ألشاعر سليمان طراد كذّاب كل القلّك ومتني
حامل بوارج ضو بالمقلوب
واللي معوّد يزرع الفتنة
ما اعتاد يزرع ورد يا حبّوب

راسك انت لا تفتكر مطلوب

شيل الكلام الجارح بترتاح
وانطار مني بالشعر ساعر
وخلّي الحرف بقصايدك فوّاح
ولاتسب ضدي بعرفك شاعر

من اول العركات من سنتين
بعدو دماغك بالزجل شاعر

كل الوراك وناقل الاخبار
همّو الوحيد يشوفني راكع
انتي بتعرفني اذا غدّار
في سر بعدو بهوّتي قابع

وكل الكتبتوا اليوم...في تابع؟؟؟

تا اعتزر غلطان ..منّك ليش
شو عملت حتى اخجل وعزرو
الشاعر ..بيهجوم متل قائد جيش
وما بينحني قدّام جيش زغير
اعتزروا بقا عا الوقحنة اعتزروا
====================
الشاعر ياسر حجار طلعت من الخبي ما انا ناطرك

سنانك فزع عالخوف بيتكو
واجريك تحتك رعب بيلكو
ونيعك اذا اتشدقت مرة فيه
وحكيك غلط نيعك رج بفكو
عندك شنب لشريط مستحليه
للبوط دمع عيونك يبكوا
ما عاد قلبي ضعفك يلوّيه
الديك البيقشع فرخ بي يبكو
كنت اشفق قبل عامربيه
ومن كل عركي طاحنة فكو
ووصيه كنت وعلمو واهديه
عقلو قبل ماينطق يحكّو
بطلت ساعات الغضب داريه
وعاشيش حامي قررت شكو
ونصين بدي بالحرب خليه
تاعلّم وحرّم سوا الشعار
بهجوم شاعر يوم يحتكوا
===============
Elhazamr Sugar اعتذر وبلا لتلتي احسنلك شو جاي دلعك هون
========================
اشرحلي ليش تاتقلقل اشرحلي
كفاك تهوشل وتهرب برحلة
العدل سكين حاطط ع المفاصل
نقي الأهون ودربو استحلي

شو عندك سر إشهرلي النواصل
فضحلي كل اسراري فضحلي
ماشايف فيك غير الدم ماصل
وقول السر مش خايف وضحلي

عن لسانك بحقي صار واصل
حكي مابرغبو وصّل ع زحلي
حكيتك قبل ماالخلان خاصل
ماكنت ترد لاتفنّص اسمحلي

طلبنا عذر مش أكثر الحاصل
رفضتو بسمّ وبرك صار يحلي
مابدك انت صحبتنا نواصل
هربت والفيك صرت تحط فيي
يانقعة موحلي بأفكار مَحلة

=============
ألشاعر سليمان طراد
يا الف عيب الشوم حرصّتوا
الشعّار بحري ما بقا بدّو
تعطي عزر يا صاحبي نقصتوا
من عين بحر بيحسبك قدّو

وهدوا بقا عا الوقحني هدّوا

زعلان منّك ما كنت فكّرت
انتي وصديقي الكنت بحترمو
بسكوت موج قصايدي واسكرت
تا يموت عا شطّي اجى ترمو

احترموا البحر تا تكبرو ...احترموا

وانتي يا ياسر نادر ندورة
تا صالحك مفروض ايدي تبوس
باعت عا انترنيت بدّورة
يحكي معي مش عارفو منجوس

بحر الزجل جايي يكسّر روس

هربوا احلالكن هههههههه
==================

الشاعر عمار البراضعي
خلقت بالشعر ع دروب القويمي
سالك منهجي بخطة سليمي
مابتعدّى وإذا شاعر تعدى
بدها تحرقو ناري وجحيمي

انت مش خصم بقبالي تحدى
ولو انك خصم عديتك غريمي
تهدّى قبل ماتوقع تهدّى
وبطّل إحسبك خلّي ونديمي

فيي الأرتجالي الرب ودى
آلة وصب نغمتها رخيمة
مافي بحر ياسليمان قدّى
وكفـّى قبالها بعركي حميمة

مكنتي مابيحمل بحر ردّا
ووصية بقول من قلبي وصميمي
المواقع كلها فوقك بهدّى
إذا مابتتعذر عمار جايي
يخطف روحك وينهي الجريمي
==============
ألشاعر سليمان طراد لا تجبروني سيف شعري سن
وحرقص بموقع ها الغروب العنّ
انتوا ولاد وما بيعتبروا
بحر الزجل عملاق متل الجن
ياما فوارس قبلك انقبروا
وديوك دبّحتا بقلب القن
والبحر انتوا بتعرفو نبرو
بيكتوب شعر اميال ما بيكن
وعمّار بعدو ما لحم جبرو
وياسر تحت مزراب شعري يأن
والبحر لما بينفقد صبرو
ما بيرحم الصيصان بالموقع
تا تركعوا قدام نسر الفن

اعتزرو
===============
Elhazamr Sugar الموقع بيشهد مين بيهرب
ولك حاج تتبوهر يانقعة
============
ان مابتعـتذر ع غلطتك مني
استجمـع قواك تحضّر لفني
هايي المافيا بسرعة يابَعدي
أنا مابغـدرك معروف عنـــي

ولأنو ما خلق قبلي وبعدي
انتبه عم حذّرك بهجوم مني
وجنابك بالهرب حبيت بُعدي
معوّد إضربك من زغر سني

بتعرف إرتجالي بحظ سعدي
فدغتك فيك خايب صار ظني
حملتك ع الخصر حملان فردي
السلاح بإيدك بيجرح تأني

يالاحق بالغدر رفقة بتعدي
انعديت وصرت بتحب التجني
وع جنية انتبهوا قسمت وعدي
جحيم جهنم الحمرا بشعري
وبدون العذر لاتحلم بجنة
================
اوعك تمحيني راجع دمرك بموقعك
==================

ألشاعر سليمان طراد بحر القصايد شاعر مهذّب
من مرجتو شوك الحكي شذّب
وهوّي بيرقص عا قبر خصمو
ولا يوم الا للحلا تحزّب
انتوا ما بدي يوم تنفسمو
وما بحب منك شخص يتعزّب
قبالي بساحة جربوا اعتصموا
بتجمعو تلاتي من الصيصان
وبنشوف مين الخرّف وكذّب
================
الشاعر ياسر حجار من بعد ما تعتذر والوفي والصجيق عمار
حسابي معك بتركع وبتعتذر

ولك سد بوزك حاج تتبهور
لو كنت بحر العذر ما تجوهر
بالطبع خاين منهجو غدار
بدل العذر بيعود يتعوهر
بدك قضيب بيحملو الحجار
بتخاف منو ليش تتدهور
ياما بقضيبو لاسعك عمار
ومن بعد ما ايدي كنت بتبوس
خايف عرفتك فارغ الجوهر
==============
ألشاعر سليمان طراد يا بو لسان بنظم ما خصّو
بيضل قاعد يلعب بعصّو
كلما قصيدة كتبت بتهستر
وعيونك على النت ببيبصّوا
حبيّت جبلك شي صحن كستر
ومنكغو طبيعي قرّب ومصّو
بحر الزجل ملكوت يا مستر
ويحرق سماك بشعر مش مكتوب
وحتى لسانك جيت تا قصّو

اعتزروا مني
===============
Elhazamr Sugar خاين وستين اعتزر احسنلك
===============
لما دعيتك ليش تتهرب
وضليت دون تواجه مورّب
موج الخياني وصلك ع الشط
وخلاّ الغدر بي طبعك مشرّب
قبال السبع مهما ينوّي القط
من الخوف خلا الفكر يتخرب
لاتهرب وعرفان عندي محط
اللون اللي صار بيشبهك قرّب
خليك عم تمشي الخط الخط
وإياك تلعب ضلك مسرب
بطحن جماجم بحر غدرو نط
وقالوا المجرب نقص بالتجريب
وبيكون متلو العادها وجرب
===============
ألشاعر سليمان طراد عمّار انتي بتعرف سليمان
لما بيهرب ..كنت قدّامو
يما ببربيتا عدمت فرسان
وبالقبر ياما اللي هجوا ناموا
لكن بعركة شعر مع اخوان
بتضل تقطر مرحمة قلامو
اعتزروا بقا ولا تتعبوا منشان
اهرب بعركة ويبصر منامو
حجّار انو بيغلب الفنان
وعارف انا ما بخاف من انسان
تعاموا عن البيكسّر تعاموا

اعتزروا عن كل حرف
===============
ألشاعر سليمان طراد ما قبلت اني فوت ..في اسباب
حجّار عارفها يا تقبرني
عا هيك خدعة البحر ما بينجاب
وعارف انا عا الكوع ناطرني
منشان اغلط والبحر سنجاب
بيعرف يبكّي موت بالقرني
بتعرف الهاتف يا بطلنا وخاب
ظنّي بزكاك ولا تعبّرني
وعارف انا عايش مع الغياب
ومشتاق قبري يوم يغمرني
احكوا معي من اليوم بآداب
بحر الزجل ما بيركع لجلبوط
وانتي بمواقف عز قافرني

اعتزروا
==============
Elhazamr Sugar فشرت ياخاين
========
مزبوط بعرف بحرك الرنان
ومخدوع فيه مفكرك فنان
ع الصيد تدعيني وانا بالحرب
فوت قبلك كنت ياسليمان
وبالدور صف الأعديا ع الدرب
وإبطش وقطّع روس مين ماكان
وتفوت بعدي انت تكرب كرب
شو في غنايم تسرق العدوان
لكن ولما زرت ارض الغرب
وذينيك سمعو فلان وفليتان
خنت المودي وصرت آكل ضرب
كل شي عرفتو فيك وانغشيت
بالآخرة لما طلعت خوّان
==============
ألشاعر سليمان طراد رايح
هلق لا تستغيبوني بس ارجع بتردو لا تقولو هرب تركت شغلي تا صفي حسابي معكن والخير القدام
منذ ‏21‏ ساعة · أعجبني · 1
ألشاعر سليمان طراد استيف وقف العركة بلا غدر ياسر وعمار الاسمر غدارين وهاينين الصداقة ما بسامح تا تعتزروا
منذ ‏21‏ ساعة · أعجبني · 1
================
Elhazamr Sugar قول انسحبت متل كل مرة ياجبان وخلص خرطوشك
منذ ‏21‏ ساعة · أعجبني · 1
=====================
Elhazamr Sugar سليمان اذا فليت وهربت انا وعمار مابقا بحياتي رد عليك
منذ ‏21‏ ساعة · أعجبني ·



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: عركة بين سليمان وعمار بفيس بوك

مُساهمة من طرف عمار البراضعي في 8/19/2013, 3:21 am

الى ساعي الخير الاخ ستيف ابو درغم
=====================
الذي كتب Steven Boudrgham
داعيكن ساعي خير هههه
بشرط يللي بيخسر بسامح التاني وبيبوسو بصنديحتو ويلااااا
==================================
==================================

ياستيف وينك ؟وين وعدك وين؟
انت وعدت والحر وعدو دين
قلت البيطلع بالحرب خسران
رح يعتذر ويبوّس الإيدين

مبارح شَوف عينك إجا سليمان
ع فرد إيد يشيل بطيخين
انكسروا ياذلي بعجقةّ القصدان
والعذر ماقدّم على الميلين

وكرمال تعدل كفةّ الميزان
منطالبك بالحق تشرع بين
الصان الأمانة وصاحبو الخوّان
وبعدو عم بيلعب على الحبلين

البيخيخن وبيكابر بينهان
بغدرو طعني وخان غيري تنين
وعنو لهلّق عم بهدّي لسان
انحلو وفلت من أسمر وعمار
وئد وهجا مافي غير حلين
===============



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: عركة بين سليمان وعمار بفيس بوك

مُساهمة من طرف عمار البراضعي في 8/21/2013, 3:17 am

مافي حدا قدك بيهوى الغش
بالوهم عايش حلم ماتفسّر
واللي بيعمر حارتو ع القش
بتنهار ياسليمان وبيخسر

ومافي حدا عليها بيتحسر

واللي بشعرو مهاجم النسوان
ثعلب ضعيف وقلبها ملوّي
شاف القمر فوق الدني سهران
قضى الليل هوي وعم يعوي

مابيقدر يطالو وشو بيسوي؟

قناديل بحرك متلك مساطيل
سهام الغدر مهما توجهها
الضدك عم تجندلك اساطيل
لو كنت زلمي طل واجهها

مذمةّ من الناقص ماشوهها

ومابيعتذر وبيحلف البيخون
وحب المرا يدنس كرامتها
وروما بتبقى من بعد نيرون
من حجار طهر انشاد عفتها

ولفتّك مش قد لفتها

بيتك قزاز منعرفك وركيك
علينا الحجارة لاتشربقها
وخليك مع حوريتك هونيك
احلا مافوقك روح طربقها
===============



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: عركة بين سليمان وعمار بفيس بوك

مُساهمة من طرف عمار البراضعي في 8/21/2013, 3:19 am


ياسح الدفل سح الكحل ميلو
وعيون الموهبة كحّل بجيلو
ع مِرّوَد ميل عيين الاصيلة
ميل الكحل طولك قد ميلو
ليش زعلان قلي ياهبيلي
إذا الحلوين صوبك مايميلوا
ماشايف سحنتك بولاد جيلي
شبيه القرد والزايد عويلو
وتايربح دق بشواط النبيلة
حكاها وكان فارغ مع زميلو
وهيي اكتشفت الروح الذليلة
الصديقو خاين بيغدر مثيلو
وتعا تافهمك آخر مثيلة
النصر بالحلم هيذا وهم شيلو
طويلة كتير ع دقنك طويلة
المابيشبع بذيل الفيل قتلة
صار بيشبعو خرطوم فيلو
================



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: عركة بين سليمان وعمار بفيس بوك

مُساهمة من طرف عمار البراضعي في 8/21/2013, 3:20 am


بحر الذوق يسلملي عبيرو
وبحر الغدر ماخوف هديرو
وبحرالمرتجل ضليت وحدي
بشعري بدولةّ الكلمة سفيرو
اتحدي يا أمم ضدي اتحدي
المنبر بالزجل عارف أميرو
انجحد فضلي ولد شرشوح جحدي
عجينو تقرّص سمعتو جعيرو
وإذا بكذبو قصد ع ديك محدي
وبدي الإلهام منها يستعيرو
افتكر حالو بيعشق أي وحدة
وبظنو الناس من عجنةّ خميرو
بموجو قبل مايغني ويحدي
وعوا الجيران تايوعوا ضميرو
ضدوا اتوحدوا بصفوف وحدة
تاكعب الكندرة علّم ع راسو
وتقديرو شطب آخر مصيرو
===================


صار الامل بيناتنا مفقود
وعينيك ليش مبلّق العوصة
خيط التباعد بيننا معقود
وصارت العقدة بتشبه الحمصة

خاين صديقك عيب تتغنج
وتلحق حكيم بلاد منزوعة
بأبرة زغيرة بعدك مبنج
مطووش منها ماقدرت توعى
لاتعتذر أو بعد بابي تدق
ولهيك رفقة ماعدت طامح
عمار اللي علمك ع الطق

وتاتطق روحك يمكن يسامح
نحنا الوفا من دمنا مجبول
ومعجون فينا لمستها بيدك
لما حدا بحقك شي كلمة يقول
ماتشوفني إلا كنت حدك
إحكي بأصالة وانت ابن اصول
وع دروب بييك إسلك وجدك
كب الغرور وطل صول وجول
تاحاورك نقي شوما بدك
لكن بدون العذر مش مقبول
ترجع لعندي ومابقى بودك
غير العذر ماضل عندي حلول
يابتعتذر قدام كل الناس
يما انقبر الله لايردك
===============



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 50
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى