مشتاق طق كفوف

ي براضعي مشتاق تا طقك كفوف***اشتاقوا المنابر للأكابر والدفوف
مداميك شعري جاهزة تا ترفعك***تا تصير يا عمار عالي عا الرفوف

امتين كنا بفيتك نرتاح حاج***تحكي مع الأوهام وتضّوي السراج
المدماك هوّي بيرفع اساس البنا***وعا السطح بس بينقشع صوص الدجاج

لوما السهر ما في حبيبي ولا حبيب***وشو نفع بدر البسما المانو قريب
نور القمر عا الأرض دلفي ونازلي***والليل بحر العاطفة وموجو رهيب

ما بين فوق وتحت حددت البنود***ونسيت تحت لسانك بتقطع عهود
فكرّت حالك صرت من بين الأسود***وفوق المنابر ديك يا بو عيون سود
عا الطاولة من فوقها بيعطوا وعود***والشعب تحت وضل مؤمن بالصمود
ظروف السياسي فوق ومصالح دول***وتحت القيادة جنود بتصون الحدود

قبل الحكي بلا معرفي يا افلطون*** شرشف الصفرة بينوضع تحت الصحون
ومن تحت يا عمار ما اندكت حصون***وان كنت شمس وفوقنا تحتك أزون
واقف حرس يحمي الطبيعة والعيون*** من شر تاريخ التقدم والجنون
وتحت الجفن موجود ببو يا حلو***ومن دون ببو العين شو نفع الجفون

بعدك بنظم القافية وتحليلها***فوق النقد تاتضل راعي جيلها
شوف الحكومي من تحت تشكيلها***ومن فوق بوش وريس عم توميلها
وان كنت متل القنبلة بتعطيلها ***من تحت مش من فوق قص فتيلها
وما زال در القافية ب بحر العقول***مجبور تغطس من تحت تا تشيلها

ما زال عارف بالسياسي واجبك ***ليش الشعب من تحت قلي شاجبك
رح ضل متل البدر تحتك حاجبك***ان عاجبك يا شمس او مش عاجبك
ولو كنت ملك وتاج در محجبك***بيضل عرشك تحت اسأل حاجبك
لسان السفاهة ضل فوق القاعدة***وعين الحيا بتضل تحت حواجبك

من فوق حاجي تشبّر وتعمل رقيب***مفروض تنزل ل تحت تا نستجيب
تحت الأشعة بيفحص المرضا الطبيب***وفوق المعدل ان طلع ضغطك عجيب
وعا الدين فوق وتحت أفهم يا لبيب***شو صار هيكي قال يوحنا الحبيب
لمّا اتمسمر ربّنا فوق الخشب *** كانت العدرا واقفي تحت الصليب

من دون درجة سلّمي مالك وصول***من تحت لازم تطلع وهيك الأصول
ومن تحت ايد الواسطة بتطلع خجول***وعا الراس فوق بيطلع بسرعة الكحول
كانو بزمان اللي مضا فوق الفحول***واليوم صار الفحل مخصي والعجول
فوق العروش كروش وهروش الشرف***وتحت اللفافي البيض في شيوخ العقول

لوما ل موسى تنزل وصايا العشر***,والشعب تحت يضل علمو ما انتشر
ويا ما عا كعب الأرز أسماء انحفر***ومن تحت مش من فوق بيقصّوا الشجر
وتحت الصدف بالبحر بتلاقي الدرر***وفوق الطبيعة جنون وعواصف ضرر
نزول الوحي عا الراس شرقط موهبي***وغيمة شباط الفوق كذبت عا البشر

يا فوق العا سطح الله وغيومو***نزلوا من فوق بالواجب وقوموا
مرقوا عا مغارة المولود مرقة***ل مجوس من الفضا سحبت نجوموا

انا تحت الليالي متل برقة***عصرت الضو للفجر وقدومو
وانت فوق المنابر متل قرقة***عليها الديك رح يعلن هجومو

ويا عمار ن عملنا يوم فرقة***الدفّ التحت ايدك لا تلومو
لووم الفوق منبر صار خرقة***وبتمّ القافيي قطّر سمومو

طبشواالحاكمين اليوم سرقة***الكراسي فوقها وما عد يقوموا
وضهرالشعب تحتن طق برقة***حكمو وما قدر يحمل همومو

القلم من فوق جسم روح ورقة***البشر من تحت للخالق بيصوموا
ان كنت متل النسورة بقرص زرقة***انا صيّاد حامل جفت تحتك
منعت نسور اوهامك يحوموا

شكرا عا المحاورة الرائعة
وللتنويه هذه المحاورة غير محضرة
هيك طلع عا بالي طق كفوف انشالله تكونوا استمتعتوا

يا براضعي قديش مشتقلك انا***طلمس دماغي بالتحدي والغنا
صرلك شي خمس شهور مش كاتب غزل***وبالكاد حتى تحط ردة ميجنا


بحر الزجل

لا تعقصي حرّوف بتموتي
سمّو بيإذي صنوبرة وتوتي
ما كل عمرو بعرفو دجال
ولحد هلق شايفو نوتي
ههههههه
قالوا البشر عا النت شو محتال
وحيّات شعرو بيوت مفلوتي
وما بيفهم يحبّك يا بنت حلال
مشي معي عا أوضتي فوتي
بحر الزجل بيحبك ونيّال
يلّي بيغفا بأجمل تخوتي
بيجن فيه الحب والآمال
ميلي دهب ميلات ياقوتي
يلا معي روحي انا رجّال
وشعري ببحر الفن لاهوتي
كلما طلع من واقعي موال
بتصير ترقص بالحلا بيوتي
وحرف الما عندو بالشعر رسمال
بالكاد قادر يسعدك مسكين
ما في معو بالبيت بسكوتي




بحر الزجل

مسكين بعدك بالغزل مسكين
حامل بيوتك متل كيس طحين
ههههه
ورايح مطقّم لابس الأصفر
وناوي تا تخطب بنت بالسبعين
ههههه
ضحكت بوجّك صرت تتمختر
وتقول شوفوا حرف خاطب مين
ههه
وصدّقت حالك شاعر واكتر
بلّشت تنظملا غزل تخمين
انبسطت بخفة عقلك الأعجر
وقالت ما بدي غير حرف الجر
وتنينكن بالحب شو حلوين

ههههههههههه

بحر الزجل

هلّلي خطبها الحرف ختيارة
وتمّا كبير بيشبه مغارة
ههههههه
من ميل هرو سنانها ومن ميل
شفاتيرها عا شكل سيارة

ههههه
بتدخّن وموتارها بلا حيل
وبتضل تشرب مية سيكارة
ههههه نيالك
ومتعلمي ببيروت ركب الخيل
وما بتقعد بها البيت دوّارة
هههههه
وبتسيهر الحرف على نجم سهيل
ولو تعرفوا قديش ثرثارة
ههههههه
بتجيب ضغط وسكري يا ويل
حرف العا هيكي ست عم يلفي
يا ألف حسرة عليك وخسارة


بحر الزجل

هههههههههههههههههههههه
تتباركلك

حطيتّ بمروج الزجل حجّة
وبالكاد حرف القافية تهجّي
ومسكنت حالك قلت في تقنين
وضليّت تشرب متّك مجي
تصوّر انا بالشغل والحلوين
عم يشتروا ويفرغو القجّة
ومع كل هيدا بطقك وما بلين
وبعمول عا راسك بالزجل عجّة
ههههههه
تخمين ناسي المرتجل تخمين
ونجيّت حالك مرقت اللجة
وفكّرتني هربان يا مسكين
وما عرفت بو شربل متل عزريل
نجّي حياك شوف المنجّي


بحر الزجل

صرلي شي ساعة فاتح وما جيت
طقّك شعر عا النت رحت فريت
هههههه فريتو بالسبنيولي قلي ههههه
وبعدك بتطلب عا التحدي البحر
يمكن بعد بالمنتدى ما قريت
لا تفتكرني بحب اعمول سحر
وقصايدي عا النت أخدت صيت
بالصدر بدي طقّك بلا نحر
وخليّك ترقص تشبه براجيت
ههههههه هي عبدة شفافا سود هههه
ولو جبت جيشك رح بيرجع دحر
عا شطوط بو شربول يا حرّوف
جمرك قبل ما تقطع ترانزيت

بحر الزجل