أهلا وسهلا بجورج

من طرف **عمار البراضعي** 9/27/2008, 2:58 am

ياميت أهلا بشـاعر وشعرو صفي
وحامل قوافي نورهــــا مابينطفي
ياجورج شعرك نبع زايــد فلسفي
شعـشع بجو المنتدى ومابيـخــتفي
نحــنا بتشرفيك لعنـا منـكــــتـفـي
بأهلا وسهلا بيـن أهلك ياوفـــي
معنا نشالله رح تـفـــيــد وتستفـيـد
وإلنا الشــــرف منقلك بهالمعرفة
=============

من طرف salomon 9/27/2008, 4:58 am

ضليّت تسرق من حلا الكلمات
تا فاح عطر الموهبة وردات
أسأل عا شاعر موهبة...!!!حقّي
متل الحلم عا قلب طاهر فات
وبين الورود ...؟المذوق ينقّي

موقع زجل ...!!1للموهبة رسمال
وبيوت ...؟من مقلع وحي بتنشال
وابيات...!!! فيها دروب حريّة
وأوزان ميّة...!!!صح....؟ عا ميّة
هيكي الوزن بيكون يا زجّال
والقمح وحدو ...؟ضل بالغربال
وتكريم شاعر....؟؟واجب عليي

وعمّار قبلي تأهل ومعليش
بشاعر كتب عا صفحة الأيام
ونام الهوا والريح ما بتنام
قديش بدنا منّك وقديش
تعطي البلاغة من حلا الألهام

من طرف **7arf** 9/27/2008, 10:08 pm

ياجورج منحييك وبشعرك بــــدوخ = وأهلا وسهـــلا فيك مش تمسيح جـــوخ
حرف العبي بيهديك مابين الشيـوخ = النثــروا القوافي ع الكبار وع الفـــروخ
ولون العبي بهالمنتدى صعبة يـبوخ = خيوط المواهب فصّلو حروف الشمـوخ
كتافك سما وعندي العباية مفصـــلة = وضو القمر طربوش ع قد المــخـــوخ
==============================
اهلا وسهلا فيك جورج ويلا هات وخوذ تانشوف !

أهلا وسهلا بجورج

أهلا وسهلا بجورج

رد: أهلا وسهلا بجورج

رد: أهلا وسهلا بجورج