رحيل شاعر المهجرين عوني سبيت

[رحيل الشاعر عوني سبيت بتاريخ 08/10/23 عن عمر يناهز ال 79 عام وتم دفن مثواه الاخير في اقرث (قريته المهجر منها)

يا بنت الشعر منديلي اسمحيلو ---------يمسح خدك ويشرب سبيلو
وحي عن خدك المبلول ينهل --------- ع بيّك كل ما دموعك يسيلو

بيّك كان فارس شعر فطحل ----------مهرو مطبعو لجامو طويلو
ثمان عقود كل ما سبق ينزل --------- الطليعه تحط تاج على اصيلو

ابن سبيت عن مهرو ترجّل ----------ونوى ع جنة الخلد برحيلو
عن الخيّال صار المهر يسأل --------طق ومات ع غيبة خليلو

بو نبيل بالمبدأ ترسمل ------------ سيفو ما حدا بيجهل صليلو
فنا عمرو لقضيه وشو تحّمل -------- الرواسي حملها صعبه يشيلو

وقدر ما غاب يا اقرث وطوّل ------- ابنك عاد قلبك افتحيلو
فيكي مدفنو , قولي لا يزعل ------- حما الجليل ع فقدان شاعر
------------ عوني سبيت باقي في جليلو-------------

مقاطع من اشعار الشاعر عوني سبيت:

انا الحفلات فيها ما بغني -------------متل غيري لأجل حب الماليه
انا بغني باشعاري تـ مني ------------ بشعري نوّر عقول البريه
انا لو ملكوني قصور جنه ------------ ما برضى بالخيانه تكون ليّ
وما بنسى محبة بلادي لأني ----------- قطعت العهد بالغالي اضحي
-------------بنضالي من اجل اشرف قضيه---------------

انا شاعر ما بفسد عطر كمي----------- من حرار العرب بيّي وامي
واوعو تفكرو مهما حاولتو ------------ بجسمي تغيّرو عروقي ودمي
وتماثيل التي انتم صنعتو ------------ضماير خاينه ما بريد سمي
اراضيها قبل ارضي سلبتو -----------وارض بيّي وارض خالي وعمي
وبعد ما انعصرت ومنها اخذتو --------- هدف مقصودكم صارت مخمي
الذين برسانكم انتم رسنتو ----------- تهنو واركبو واوعو تظنو
-------------- بظلو مثلين الشعب همِ -----------------