وينك رواد

دلّلتك الهءئه معك م بينفعو = فروض الحلم ت الشعر قاعد تنزعو

حقل الدعابه ما طلبنا تزرعو = يا جهل مقصدنا لـ قدرك نرفعو

وبحيثك مرمّد وفكرك موقعو = بخربه بمنفى وخمر محلك تجرعو

ال متلك مطلمس كنز عقلو مضيّعو = ما خوّف اللي أبدعو تا شعشعو

الحقني ان كنت للمجد حالم بالوصول = بنور القليل فضايلي ع البدمعو

بالشعر يا عاقل على جنوني اهتدي = تا علّمك تنظم قصايد خالده

وقتو قليل الحلم بعيوني هدي = وقلّه ع فرج الزهر هديان الندي

وساعات نومك بالخمول معمّده = شوك اللي كتّر دلعتو والبغدده

مش قصّة البخل بحناني وموردي = نوعيّة الإلهام قلّه مأبّده

وكمّيّة بيوتك شحار الموقده = ونار الفكر فيي الشموع بمقصدي

وبرغم قلّه مبيّنه الجوهر أصيل = بحرق حياتي من وفايي السرمدي

راجع حكي تكتّر بهلوستك تضيف = دخلك سخافة منطقك يا شب عيف

وقلّة الحيل بحضرتي وذوقي لطيف = وحيلك انت مخفي ي بو الدمّ الخفيف

دمّي هدرتو تا صبح عرقي ضعيف = وفهمت ما في عدل يستاهل نزيف

بكتر الطمع من قلبك انضاق الحفيف = مش بس ورد ونحلك الممروض كيف

م بيعمل وبيجول رح يلقى الخريف = بوجّك عواصف تكتر الضرب العنيف

شحارك الرحمه صعب ي مكتّر يزيف = وشمعي القليل بسر ايماني النظيف

مكتّر صلا وعامل على ربّك إمام = وقلبك بكفرو ما بيقرب للرغيف

عطيتك متيله ع القليل من الثبات = شو صابك ردعت الوفا والتضحيات

عقلي قليل وقد عمرك بيّنات = حاوي وانت بكتيرك بتطلع فتات

وقلّه القمح للخير من بيدر سماة = وكترة زوان الشر بعيوب الوشاة

كفر وصلا لا تقلب الموضوع هات = حدّي دلايل من كتير المعطيات

وبكرا بعد م تودّع جروحي الحياة = بكترة دعاوي المتلك وإصبح رفات

م بينذكر كفري كتير ولا الصفات = وقلّة م ينسو فعايلك والزعبرات

قاعد تحاسبني وتكتر فلسفات = وراجع تصنّف كفر قلبي بخطابات

ويا عامل عْلى قلّة الإيمان رب = من غلبتك كتّرت حتّى الطهر مات

آآسف على التأخير اخي رواد انشغلت شوي

ما بين قلّه وبين كتره يا رواد = الواضح مضيّع لهفك بأبعد بلاد

بترجع تكرّر فكرتك كترة عناد = بجهل وتدنّي وصفصفه متل الولاد

هروبي ع درب الحب نسمه للوهاد = بنعمه قليل يصير متلا ع العباد

وانت بعواصف كترت وازعاج حاد = الغبره م بتطيقك ولا حتّى الرماد

بيتي تركت ع حراش أرضي وكل واد = تا إقرب من تراب طهرو خير زاد

وقت ل شفت كترو الأعادي وبالمزاد = معهن ضميرك بعت وقبضت المراد

كتير الدهب حقّ الخيانه الغدر صاد = قلب المناضل والفقير ل ع الحياد

وعمري انجبل والحال بالقلّه وانت =بعت الوفا وكتّرت شحتار الفؤاد