منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


اشتباك وتصعيد زجلي على جبهات شادي وسليمان !

اذهب الى الأسفل

اشتباك وتصعيد زجلي على جبهات شادي وسليمان !

مُساهمة من طرف عمار البراضعي في 1/17/2009, 1:39 am


نسرين عزفوا بالسما إيـقــــاع = وكل نســر بمنطـــقـــــــــو العلمي
حامل حوار الشعر والابـــداع = يدحر جيوش العـتـــــــــــم بالكلمة

وهالمنتدى محطة ومتل مذياع = بيحضن الحربي وحاضن السلمي
بدو بشريعة غاب بين سبـــاع = يحكم مــــــــابين تنين نالوا النصر
ومين البيحقق بالزجـــــل حلمي

* * * * * * * * * *

يعني الأقــــــــوى لو غدي بكير = رح قلّكن من قبل مايـــــــهـدوا
لوحـــــــــــات شادي كلها تعبير = فكرو رسمها وخطها بــــــيـدو

النحلة عليها بتعمل مشاويــــــــر = ومنها قوافي الشهـــــد يتــغدوا
من جنينةّ الإلهــــــــــام والتفكير = الجايـــــع بيطعم قد مابــــــــدو

أما بو شربل في إلو تقديـــــــــر = الماضي بيشهد ع فعل غـــــدو
حامل بشعرو مكنةّ التصويــــــر = طبق الأصل عن والدو وجـدو

والحرب مش لعبة معو وتنظـــير = بعدو لهلق مــــــــــــاحــدا قـدو
وتانشوف بالآخر شو رح بيصير = الربحان باقي المنتدى والفكر
بيقرا قوافي بكر ما انعدو

* * * * * * * * * *

بزجل لبنان هالنسر الطرادي = حلّق بالفضا العالي زيادي
كثار الشنّكوا ووقعوا طرايـــد = ولـــحد اليوم ماغيّر العادة

صديقي وبعرفو لابس قلايــد = قلبو ملحفة وشعرو مبــادي
وشادي بعرفو للحرب قايــد = زميل المنتدى وبلبل الشادي

بعد ماتبتدوا بفتح القصـــايد = عطونا كمشةّ معنى اعتيادي
وعتابا وميجنا وقلاب رايـد = بأجمـــــل شعر بدنا تتحفونا
منكم نقشعو بخط الايادي

* * * * * * * * * *


أهلا وسهلا بالشاعرين والزميلين

سليمان طراد و شادي موسى

ننتظر اشعاركم الجميلة والمليئة بالحب
وبالعمق الفلسفي والعنفوان بالتحدي
متمنيين لكما التوفيق
والمنبر لكما و المتابعة لنا



----------------------------------------------
" كرمالكم ع النت تابعــنـــــــا = نسقي القوافي من منابعنا "
" بوجودكم معنا امتلت بالذوق  = ومندونكم مافي لها معـنا "
----------------------------------------------
avatar
عمار البراضعي
المدير العام

عدد الرسائل : 1125
العمر : 51
Localisation : لبنان - ضهر الاحمر
تاريخ التسجيل : 22/01/2007

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/18/2009, 11:01 pm

اوووف اووووووف اووووووووووف اووووووووف اووووف
يلا يا شادي


تبسّم يا ليل وفرفشي يا هموم***جايي أبو شربل بأنوارو
يعمل عا بوميّاس أحلا هجوم***وأفكار مع أفكار يتباروا

بيخبروني بالزجل مغروم***ومتل النسر معكوف منقارو
وطافي عا منبر بالتحدي نجوم***وعا أصول ماشي بقلب مضمارو

وغيرك خلط ملفوف شعرو بتوم***ولحن السخافي باس أوتارو
وصفصف حكي بالشعر ما لو لزوم***زعلو البلابل دشّروا وطارو

يمكن عا صدر الشعر مش مفطوم***تا صار يطلق عا الوحي نارو
لستين عمرو بالزجل لا يقوم***ويضل بووم ونقطع خبارو

وتا يصير شعرو مهذّب ومفهوم***يسمع اليوم محاورة بدارو
بيني وبينك يا دهب الكروم***كلما بنعتق يوم يا شادي
كلما الخمربيطيب ب جرارو
******


تسلم ..!!على التقديم يا عمّار****يا رفيق عمري الما احترق بالنار
قديش عندك عاطفة وألهام****بس اللي قلتون عن الشادي كتار

حاجي تكبّر حجم شادي فهام***المتليك مش رح يلحق الدولار
ومن خلف ايد ..؟؟وايد من قدّام***رح رجّعوا مجلّخ على البيكار

وانتا يا موسى ضعيف ما بتنلام***البطيخ ما بيطّعم من خيار
لا تفتكرنا هون جوق الشام***وترووح تطلع عا السطح ارجووك
تخبّى يا روحي بلش الأعصار

حسيّت أنو الشعر نادالي***والروح شهقت عاطفة قبالي
ولحن الموسيقى وصوتك المبحوح***لبسو تياب الذوق كرمالي

عطر الحبق بيجن كلما يفوح***والشعر متل الجوهرة غالي
وصف الحكي بالشعر مش مسموح***ان حبيّت يا شادي تعا لالي

الشاعر اذا ما كان عندو طموح***بيضل شعرو من الحلا خالي
وتا يصير عا المنبر يعلّي صروح***مفروض يدخل يوم بمجالي

بعد المسافي بيجبر ال بيروح***يسرق وقت من عمرنا البالي
لكن يا شاعر أنت متل الروح***كلما بتبعد عن جسد بتصير
نجمة صباح الخير بالعالي
****
*****
طقيّت قبلك زينة الشعّار ***وما ضل شاعر منتدى يهدّي
توقّى يا بو ميّاس في أعصار ***ريحي قصيد وردّتي مهدّة

وسيفي مبولد من شفاف النار***بيحرق خدود الورد لمنّدي
بتعرف بمشتاوي أنت شو صار***أعمار قبلك قاصف بيدّي

وبموقع سليمان أو عمّار***ولا نهار شاعر حطّني بشدّي
وما زالني صاير متل منشار***يا لوح لولح رايتك تا تعيش
يا بعات غيرك بالزجل ضدّي
***
ما خبروك قصايدي مهمّي***والشعر ديني والوفا بدمّي
وياما عزمت الورد عا مشاوير***وغير الشهد ما طل من تمّي

وكسّرت روس بمنتدى التفكير ***بتعرف انت...؟؟ من هيك ما بسمّي
وما بحب أبني مجد عا التشهير***وبحكي بعدل ما بحمّل الذمي

خليّك قاسي بس ...!!بالك دير***مغارة عريني بوابها مغمّي
ولا تفتكر قلبي حنون كتير***قلوب الحنونة أمّك وأمّي

وما زالك معوّد على التبخير***وبين الورود بتحلم بشمّي
جايي خصوصي فرفك مناخير***وتا تصير شاعر بالزجل معروف
مفروض فيك تشد بالهمّي

****************
وهلق يا بو ميّاس...!! دق الكاس***تا يفوح عطر الذوق والأحساس
ولا تضل غافي عا المجد وتقول***شادي قصيدة مطعّمي بألماس

ان ضليّت طيّب...؟ بعد منها جول***وحمول مبخرة الوحي بقدّاس
وقلّن عا بو شربل تا سجّل كوول***حسيّت عا المرمى سبع حرّاس

التاريخ يا شادي انكتب عا أصول***وفهمان صعبي تبدلو بدرباس
سليمان متل النسر مش معقول***ما فيك توصل للسما بقواس

ويا شعر بدنا بمنتدانا عقول***عا شكل نص وربع بو ميّاس
يلّي بيغنّي بجوقة الزغلول***بيكون شاعر جد يا شادي
ونحنا بنعرف بالزجل بو الياس

**********
قبلك شفيق الذوق طقيّتو***ومني فزع ...!!!ما طلع من بيتو
وبدوّر قلنالك ب بريتا***وبزكر انا ...!!عا الحيط صفيّتو

موقع بو شربل جبهتو عيتا***ومارون راس براس دقيّتو
عيّط يا رووحي وينها التيّتا****وأمك يا شادي تجهّز غيارات
كتر الحكي منّك ما حبيّتو ههههههههه


حاجي يا شادي بالقوافي تزتّ***ولا تضل ضايع بالزجل وتشتّ
خليّك معنا رايق وهادي***ولا تخاف وضعك...!! بالشعر رح بتّ

قبالي اذا ب بتضل...؟؟ عا حيادي***أفضل ما تحكي...!! هيك شعر...؟ مرتّ
معناتها ...!!بتكـــــون يا شادي***غنيّت ..مع بو شربل ..؟وما متّ

ومنشان منّي تاخد شهادي***لا تروح تتنمرد بقا وتوّت
ولولا يا شادي جبت بو شادي***رح ضلّ أوّل شاعر ولا تخاف
وملكوت من غنّى الزجل عا النتّ
**************

اووووف اووووف اوووف

يا شعّار ...!!الزجل عا النت عيدو***اسمعو بو شربل ومنّو استفيدو
وبلاما تقرّبوا لمجدي و عزّي***بموقع للزجل صرنا رصيدو

انا ما جيت بالأموات عزّي***ولا قدّم دمع من قلبي وونهيدو
وبشرب الدم ما عندّي ملزّة***لا تفزع دمّك المضروب حيدو

براسك جيت غزّ السيف غزّة***وجسمّك قطّعو واسحب وريدو
ومتل ما صار من جمعة بغزّة***صواريخ المقوام رح يزيدو

انا بالشعر كل ما بفزّ فزّة ***جبال
المعرفة بجبر يميدو
ولولا بنبعت جمعة عا مزّة***ما برضا للزجل ألّه عبيدو

واذا عليي...!! انت مدزوز دزّة***وقلت بو شربل بيرحم قصيدو
سبع الغاب ما بيفطر عا وزّة***اذا بيعلق...؟ سبع تاني بايدو

واذا خدّاج زاتو وز وزّة***يطلع عا الهوا ...!!يفتح بريدو
تا طقّو بيوت شعريي..؟ بمعزّة***وليــــــخو بالزجل ضربات جيدو

انا بالشعر كلما بشك رزّه***الفضا عا الأرض بيهبّط رعيدو
ومتل ما بتسمعو بإيران هزّة***بدك بالزجل تسمع موسيقى
وملاك الموت يعزفلك نشيدو
اوخ اوخ اخ


بيخبّروني..."؟ بحفلة الزغلول***عادل فرط لا تقولها عيبي
عادل وحي وأبداع عرض وطول***لا تهين ...!يا شادي استحي...؟ الشيبي

رافق طليع وجهّز الأسطول***وحصّن قلاعي مجد لزغيبي
وبعدو مع الزغلول ..يا مسطول***أول سبب ...؟تا تنتلي الجيبي

شو مفتكر مشتاق للمريول***بعرف يا شادي بيحسبك بيبي
لكن عا منبر نت بو شربول***ايّاك تغلط بالحكي بخليّك
علينا يا شادي تطوّل الغيبي



سليمان شاعر فلسفة بدّو***عا النت يطلع بالزجل حدّو
بدو عا شادي..!! يشدّ بالعركات***وكل الي بدّو يشدّ عا مشدّو

الزغلول غلّط ..كتّر الحفلات***وجمّع ولاد...؟ ومنبرو هدّو
انتي وشفيق تنين والبركات***ما تعيّطولو ..!!غير يا جدّو

روووحوا استحو عن جد يا وليدات***وهدّو بمشلح فروتو هدّوا
ولا تنزعوا...؟ صيتو بالمسبّات***تصدّو لكلام الجارحو ...!!تصدّوا

وانتا يا شادي أرفع الرايات***وبوّس ايادي...؟ ما بينعدّوا
تا يخلّصوك اليوم من ديّات***شاعر ما في عملاق من قدّو

يمكن يقولوا قسيت شادي مات***واربع خمس ابيات بيقدّوا
قلتلهم بو الياس لو بالزات***ما بينرحم من طق بو شربول
محمّل عابيتو بالوحي بردّو
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 1/20/2009, 11:13 pm



اووووووووووووووووف اووووف



++++++++++++++++++++++++++++++++++++++

همْس الوحي بالروح ناداني ..... طِل!! وع برحليون وداني
وبدل ماناجيه بالأشعار ..... بلوحة سحر هالأرض ناجاني
ووصفي عجز تايجود بالأفكار ..... وسَكتِت قوافي صنوج رنانهِ
وقلي: ( الصمت ) ياشاعر الشعار ...... بيصير أبلغ وصف بالمعيار
...................... قبال لوحة فن ربّاني ................


************


وياشعر شو بحكيك عن غزة؟ ....... وصمت العرب نز الجرح نزة
وصوت المدافع داير التدمير ....... ورصاص وز بأرضها وزة
وحكّام فيها مبنّج التفكير ...... بيصحا عكاسة ْ خمرها المزة
ريت الحروف تحوّلو مسامير ...... بمجلس عروش الفخفخة تايصير
.................. كلما قعد يصحا ن أكل ( غزة ) .................

****************



الشعر روضة ْ زنبق ومنتور ....... واللحن همسة وترغلةْ عصفور
وشادي بحضورو الناس ما ملّت ...... عامنبرو شعر ولحن وحضور
مرّة هْجرت فيروز تاصلّت ...... إرجع ياشادي بصوتها المقهور
وع غياب عاصي حزنها علّت ...... ولمّا رحل منصور راح النور
الآجسام راحو وروحهن ضلّت ...... تلاتة أقانيم اللحن والشعر
.................... شادي وعاصي وبعدهن منصور ..........

***********************


واليوم نحنا لهون ماجينا ....... نتفاخر بشمخة قوافينا

نحنا ن قلنا بالشعر بيتين ....... بيت الشعر رح يفتخر فينا
نحن جوق الشام مَنّا تنين ! ....... نحنا تلاتة وعالوفا بقينا
شادي وشقيق العين حد العين ........ وعَنا عمر لوغاب م نْسينا
بجيشك ياسوريا مسهّر عين ....... وعاسهر عينو جفون خلينا
وشادي و( شفيق ) ب ( شين ) هالإسمين ..... كلمة ( شعر ) بحروفها بدينا
ومن (عَمْر ) جبنا ( الراء ) بعد ال ( عين ) ..... ولل شعر اسم ومنبر صفينا
الفشخة الفشخناها بقدر سنتين ....... من فوق روس كبار ومشينا
ومهما بدو تايرفرفو جناحين ........ مش رح بيعلو قد ماعلينا
وين صرنا !! والبقايا وين؟ ....... ولو بعدنا بيمشو عذات الدرب
.................. مابيلحقونا لو سنة غفينا ...............

**********************


وقت شعري بتصويري تأنا ....... من قوس السما ألوان جنّا
بريشة نور روتشت القصيدة ....... ونام الليل عالشعر المغنى
الشمس سِمعِت قصيدي .. ومن نهيدي ...... تلوّن خدها نبيدي وتحنا
وسكب حالو بحضن كاسة نبيدي ........ شْربت وقلت: كااااسك ياوطنا
نحنا بسوريا الجوقة الوحيدة ....... ال ع لعْتابا وع لمعنّى ائتمنّا
وانت( ياديب ) خيي بالعقيدة ...... وخيالك عن خيالي ماتدنا
انا سليمان مابعدّو طريدة ....... وتركتو انت قبلي مش مهنّا
وإذا الشعار بيحمّو الحديدة ....... بكل مكان عنا وغير عنا
مازالوا يدك انجبلت بإيدي ...... تعا ندقّ الحديدة بزند بنّا
حتى تصير منجل للحصيدة ....... وانت احصد بشعّار العتابا
......................... وانا بحصد بشعار المعنى ...................


****************************

سليمان ياهاجم بلا تفكير ......... من وهلتي شلّيت تفكيرك
قللت شعرك والبيوت كتير ...... وضاع القليل ب زحمةْ كتيرك
جايي بحقي تزغّر التقدير ....... وزَغّر بحقك زغر تقديرك
ن جيت بقوافي تالبيوت تدير ....... ثقل القوافي نزول ب يديرك
وان كنت جايب بالحكي تصوير ...... نيّة سوادك لون تصويرك
وان كنت جايي تفرفك مناخير ....... مش لايمك لومي ل نظر عينيك
............. الماشاف أبعد من مناخيرك ..............

***********************************

وإذا عمار بالإعلان فخّم ...... بإسمك كبّر وعظّم وضخّم
هيدا رفيقك وضعفك وصلّو ...... وقصدو يبرهج الإسم المسخّم
وحكي عني بضميرو ... ول حصلّو ...... ملامةْ ردّك ال بالبغض متخم
عرفني شاعر الأبيات صلو ....بهيكل مطلعي وترتيل أرخم
وعرفك فاشل ال بيت ال خصلّو ....... شطر موخّم عْلى شطر أوخم
وتايحلا مشهد الفصل ال فصلّو ....... وضعلك اسمك قبالي تاتشحد
.................... قداسةْ هيكل الشعر المرخّم .....................

*****************************


شو بدك بشعّار مشتاوي؟ ...... إلهن ل متلك دافع الخوّة
لاتظن انك مجدهن طاوي !! ...... طاوي انت من جوعك ب هوّة
شعّار خلقو سحرهن ضاوي ....... بورقات دلبتهن عم يضوّي
المنهن بشعرو بينحسب هاوي ....... بميزان منبر قوةْ الشعّار
........................ قدك عشر مرات بالقوة ..................

**********************


انا شاعر بكلماتي ونشيدي ........ سلاحي بمنبري الفكرة الفريدة
ع نول الروح كل جيي وروحة ...... بنسج للشعر لوحة جديدة
خيالي بالقصيدة ن شاح شوحة ........ عصرها نبيد من حرقة نهيدي
وبصوتي فوّحت عالناس فوحة ........ وسكرو بفوحةْ وطعمة نبيدي
وانت ع المنتدى بتبوح بوحة ....... لأنك شاطر بصف الجريدة
ولأنك مش خرج تلوين لوحة ......... بكلمات القصيدة هالزهيدة
وتاتوهمنا بأنها زهور دوحة ........ بتقعد ساعتين ونص ساعة
......................... تلوّن خط كلمات القصيدة ...................

******************************

وعن الزغلول والجوقة ال رهنها ......... بدهب شعري وشعر ديب الفتنها
عزمنا لجوقتو ... قبلنا العزيمة ...... ودخلنا بابها وعا لي سكنها
مارح لومك إذا النفس اللئيمة ...... ظهرها لسانك .. الباطل دفنها
كتار ال قبلك بحقد ونميمة ....... وحسد ب عيون ... أحقادن دهنها
وإذا طلعنا بجوقو ياغريمي ....... جوهرتين والوزنة وزنها
ب وزن وعيار هالشعرا العظيمة ....... الجنح زغلولنا حن وحضنها

روكز كان فيها يانديمي ........ وجان واسعد الزادو بثمنها
وطليع البعشقو بروحي وصميمي ........ وحزن إدوار حزنّا وحزنها
وعادل شاعر الكلمة الحكيمة ....... وزين الدحرج الروس وطحنها
وحِكي الزغلول ل نفوس السقيمة ...... وأسامينا على المنبر علنها
كلمة حق بالنغمة الرخيمة ........ إذا من جوانحي ريشة بتطلع
........................... بيطلع شاعرين كبار منها ...................

********************************


ومدحت بعادل بكلمات لانو ....... وقصدك بالمدح تكسب حنانو ؟
وقلت عني بحقو صرت إقدح ....... ب منطق للفتن واضح بَيَانو
ب زرع حبوب للفتنة لاتطمح ...... مارح يعقد بشوكك بيلسانو
عادل اعمق وأكبر واوضح ....... وساعة ماوضعني بإمتحانو
عشعري راهن وبالحق صرّح ....... وكسب فيي وبأشعاري رهانو
انت مينك تاتتحدا وتشلح؟ ...... بحقو بيوت مابتقلق أمانو
ان نفخ نفخة لعضماتك بيكسح ....... ويمكن يعملك حشوةْ سنانو
إلك أكبر مجد عاكل مسرح ...... ان مرق اسمك ب ردة عالسانو
انت مشرشح وفكرك مكرسح ...... لاتقرب تاج شعرو وصولجانو
يعني المتلك بشعرو المشرشح ........ مارح يعلا مع الشعار شانو
لأنو المنبر محدد المطرح ........ انا المتلي مكانو حد عادل

..................... والمتلك مع المتلك مكانو ...................

********************************


اوووووووف فوووووف
الشعر انوجع ب جروح ب إنو ......... وشعار عم بيخبرو عنّو
شاعر بيشقع بالحكي كلمات ....... دبابير جوا جرارها زنّو
وشاعر ب هِمّو تنتلي الورقات ....... وبالفن فاضي الفن من فنّو
وشاعر بيكتب أوقح مسبات ....... وقانون جهلو بلاوعي سَنّو
لكن انا معروف بالأبيات ....... من مطلعي الفجر ابتسم سِنّو
بسْكب قصيدي من وحي الأيات ....... وكتار عاترتيلها تمنّو
مزجت الشعر مع حرقة النهدات ....... متل مزج الهال عابنّو
قولو ل هالشعار بالحفلات ....... يمّا يغنّو متل مابغنّي
............................ يمّا نصيحة لابقى يغنّو ...........................



******************************

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 1/22/2009, 11:59 am

------------------------------
رجعنا ياسليمان ........

أوووووووووووووووووووووف

شـــعر المنبر متردي ....... وتايرجع مرج مندّي

جينا نزرع فيه ورود ....... الردّة مقابيل الردة..

---------

شعري تفكير وتصوير ...... وصيّاد الوحي الشارد

وطراد بجو التفكير ....... بعدو للفكرة مطارد

شفتو مرّة بحفل كبير ...... مع غيري قد المارد

وجيت بقمقم رد زغير ...... إحبس هالمارد حدّي..


------------------


.......................................

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/22/2009, 11:03 pm

ب
اووووف اوووف اووووف


بين الردّه والردّة***جايي وبعرف شو بدّي
بدي شادي موسى اليوم***بالموقع بوّس يدّي
***************
حبسني درّة بقلب التاج***ومارد نفّز شو بدّك
مشعوذ بنععدّك محتاج***لكن شاعر ما بعدّك
جايي طقّك بالكرباج***والبيشدّ على مشدك
تا خلّي رفيقك خدّاج ***يقلّي ورّم بيقدّي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 1/24/2009, 10:41 am

--------------------------------------

جاي وعارف شو بدك ..... وحتى تعرف شو بدي
بدي بوّسلك يدك ...... بشفاف الشفرة الحدةِ

--------

ن سمعك عادل ياسليمان ...... ب هالرد ال بتردّو هيك!
مأكد بيقلك ( يافلان ) ..... الله يكسرلك إيديك

جلدني بكرباج القصدان ...... تاتطرطش دماتي عليك
وينبت شقيّق النعمان ...... بأبياتك هالمسودةِ


------------------------

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/24/2009, 9:21 pm

اووف اوووف اووووف اوف

بين الردّة والردّة***جايي وعارف شو بدّي
بدّي شادي موسى اليوم***بالموقع بوّس يدّي

**************
لو أنك وردة بتنشمّ***كنت بقرّب وبشمّك

لـــــــــكن يا شادي من السمّ***شفاتيرك..! فاتوا بتمّك

بخلّي القتلى الجرحى تلمّ***وخدّاج بزاتو يلّمك

وكلما تنزل نقطة دمّ***يقولوا ...يمكن ما يهدّي

اوووف اووف اووف


طوّلت...!! علينا يا عمّ***طقّ الردة ...وما يهمّك

ولمّا عليّي تصفّي هم***متل العلّيقة بجمّك

لوأنك وردة ...
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/25/2009, 12:24 am

يلا يا شادي ما معي فرامات



تحضّر يا شادي وحك جمجمتك وهات***وخلّي البلاغة تكون فلسفة الحياة
ما في ولا شاعر بالزجل عا النت فات***الا وطلع من حرب بو شربل فتات
التصعيد عا الجبهات بدّو راجمات***تقصف مواقع ناطرة هجوم المشاة
لكن بموقع رب ملكوت الزجل***نادي الصليب الأحمر يلم الرفاة
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 1/25/2009, 3:05 pm



ااسحا تفوت بالحيط خيي بلا فرامات..

--------------------------

كتار شعّار الدنةِ ب منبر هَني ...... ال عم يقصفو بيوت الشِعر بالغشمنة
وبرجع انا ع المنبر ... وتاينبني ..... بعمّر بيوتي ب سَكْب صورة ملونة
بنادي الصليب الأحمر .. بقلّو : اعتني ...... يلملم رفاة بيوت كل منبر فِني
ويلِم من أبيات أشعاري شعور ...... ويبعت إعانة ل ْ كل منبر بالدنةِ

---------------------------------------------------

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/25/2009, 9:25 pm


لا تخاف انا عارف لوين رايح عا صراء ما فيش حيطان ههههههههههههههه


ألله يرحم تربتك يا بو علي***ما قبلت مرّة ..!!!ب متل شادي تبتلي
نادي الصليب الأحمر ان دمّك شلي***يلملم قصايد متل وشّك للبلي
ومنشان تعرف ليش منبرنا خلي***وصار الفنا عنوان آخر مرحلة
المنبر فني من بعد ما الزغلول جاب***شعّار نيلون عا المنابر تعتلي
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 1/30/2009, 12:56 pm

----------------------

اي اسحك تدوخ او تطقك عين الشمس حبيبي سلامة قلبك... cyclops

------------------------



لساناتكن لِ الذل رابي بغّلها ..... بتنضح من جرار الحسيدة وخلها
ولو تِذِكْرو شّعار عالي مطلها ..... مابتشمخو ! بتبقو عفن في ظلها
الزغلول حط بجوقتو ل مألهة ...... شعّار نايلون ( ناي ) ( لون ) وقلها :
يا ناي إعزف للشعر لحن الحياة ..... ويا لون لوّن هالمنابر كلها



--------------------------------------

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 1/30/2009, 10:04 pm




شادي كتب
اي اسحك تدوخ أو تطقك عين الشمس حبيبي سلامة قلبك ..... :
-----------------------------
سليمان

عين الشمس بتطق من نوري***ووهج البلاغة بيحرق شعوري
ووتا تحل عقدة منبرك لا تخاف***وحياة عينك بسأل الخوري
ههههههههههههههههههههههههههههههههههههههههههههههههههههههههههD




سحّب خيوط الشمس..؟ لحّن للفضا***ولوّن عباية شعر... وعليك الرضا
الزغلول حطّك عن يمينو منفضة*** وخدّاج راسك قص متل الحامضة
تطلّع معي لقدّام وانسى الّي مضى***ولا تضل ماشي والعيون مغمّضة
وعارض يا أبني بالزجل ما في بلاد***بتعمر..!! اذا ما كـــــان ..فيها معارضة
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف nawef في 2/2/2009, 3:08 am

شادي ياشاعر ناي لونك بررو***سمحلي تاقلك ني ناوي قدرو
لما الفطاحل عالتحدي قررو***قلنا القوافي بربع ساعة تجوهرو
متل النمل ليش الردود تأخرو***مابتعرف سليمان سرعةّ خاطرو
متل الصاروخ بيقدر يطال القمر***والنمل متعوّد عا سفرة بيدرو

nawef
عضو

عدد الرسائل : 27
تاريخ التسجيل : 22/01/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/2/2009, 10:02 pm

----------------------------------------------------
بطلب من الشاعر شادي لضعف النت هيدا ردو



شادي موسى

ال كرر بأفكارو وعاد روايتو ........ الإفلاس بدو يظهر عْلى مرايتو
لوم بو الياس ال نفض مصفايتو ........ وزتّكن تاشالني تنقايتو
ل معارض التهديم أول غايتو ......... بدلّك ع شخص حكايتك ع حكايتو
ابليس اللي عارض ربنا ومتلك كفر ........ عمِّر بلادك وانت حامل رايتو!!


----------------------------------------------------------------------

حاج تتمرجل حبيبي وتطق ليقوم يطقلك عرق بدنا نكمل العركة.....
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/2/2009, 10:03 pm

الكافر بأمر الله...!!! خدعة ومش صحيح***أنّو الأله بيقبل الفعل القبيح

التصحّيح لازم ينّنشر قبل المديح***حــــــتى الي حاكم يحكم ويعدل منيح

يوضاس متلك كان طايع يا فصيح***وما يوم خالف ربّنا بقولو الصريح

تا صار بالأنجيل عبرة للبشر***رمز الخيانة ...؟وباع سيّدنا المســيح


شادي كتب
حاج تتمرجل حبيبي وتطق ليقوم يطقلك عرق بدنا نكمل العركة


الرد

طقيّت عنق السبع بالغابي احترق***قلب الشجاعة وشربت دمّو عرق
والنت متل الجفت يا شادي معي***ويا ويل ويلو طير لو فوقي مرق
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف شادي موسى في 2/7/2009, 12:31 am

--------------------------------
يوداس لو طاع المسيح بموقـــــعــــــو ..... كان وزّع الإنجيل متل الوزّعــــــو
شوف الدهب طايع لصــــايغ نوّعـــــو ..... محبس وقونة وتاج در مرصعـــــو
الشيطان خدعة؟ وعارَض اللي أبدعــو ..... ل كل شخص بفخوخ الخطايا وقعو
وانت ال من جنودو وقطعت ب مقطعو ..... بلآخــــــــــرة الله الحساب بيجمعو
بنار الجحيم الل بيمينو طايــــــــــــعة ..... رح تحرق الشيطان ورفـــاقو معــو


.....

شادي موسى
شاعر

عدد الرسائل : 10
العمر : 43
تاريخ التسجيل : 17/01/2009

http://7arf.editboard.com

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/7/2009, 12:36 am

تفلسف يا شادي بس حك الجمجمة***ولا تروح تشطح بالزجل يا ادمي

نــــار التحدّي عا المنابر هاجمي***تا تشيل أقزام المعنى المعدمي

قرّب لعندي بوس ايدي واحتمي***وشوف البلاغة بدوش شعري محمّمي

ولا تضل نايـــــــــم عا المنابر مع شفيق***نومة أهالي الكهف عنّا محرّمي
ههههههههههههههههههههههههههههههههههههههه
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/13/2009, 10:18 pm

-----------------------------------------

شادي موسى


براسك عقل؟ يما عجين وقرص ( كيك ) ....... حتى ع زوقك عم ترد ردود هيك!!
شفت البلاغة محممة بدوشك " وليك ....... تشتشتها وصارت متل رخوة جريك
تركلي شفيق ال فك عقدة حاجبيك ..... وحَطّها بلسانك وكبَّل يديك
نسرين جلنا بالتحدي يادويك ..... ونمنا على منابر قمم ناخد ( بريك ) .
رجعنا نهدّ كهوف عاروس الغبا ....... تفضل ع كهفك فوت تانهدّو عليك ...



-------------------------------------------------------------
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/13/2009, 10:20 pm




اوووووف اوووووف اوووف اوف


دعسي عا الغيم يا ريح الشمالي***وشيلي ها المطلمس من قبالي
عصري بالجو غيمات المجرّة***متل ما بتعصري نبيد الدوالي

يا شادي مفهميّنك ألف مرّة***ما لازم تجرح الشعر الخيالي
لأنو الشعر حالة مستقرّة***وسهر مسروق من بنك الليالي

انا فلشت الكواكب متل غرّة***وحملت الشعر بالمهجر رسالة
وانت نايم على بيدر مدرّى***متل زيز الحصايد...أتّكالي

انت دبّور عاش بقلب جرّة***ما داق الشهد ألّا بالوكالي
ومع الزغلول طعمة شعر مرّة***وسخافي منبريي مع سآلي

انا كلما صغت بالذوق درّة***بحس النت معرض للآلي
وخيالي عن سما الكلمة تحرّى***وبشمس القافية بطارد خيالي

عزمتك عا الشنق فريّت فرّة***وفتحتلك مجالي ولا مبالي
المرمى قبالك وبتشوط برّا***متل لعيّب ما بيلعب...؟وغالي

انا بجنوبنا ابطال حرّة****تغطّوا بالسما فرشوا الحقالي
وما تركوا يمر جيش الغدر مرّا***وبوقفة عز ربحوا عا العمالي

وشفيق الفات معنا بر برّة***شلختو بيوت كانت ارتجالي
وبدّي فجّمو ان عاود الكرّة***وما بقبل غير ما يركع قبالي

يا شادي ليش عا شاشة الحرّه***عرضت مواهبك متل الغزالة
وصرت بحرب فوسفوري وذرّة***تحكي عا العدالة... بلا عدالي

وقلت عا مقوامتك شو مضرّة***وحنون كتير ...؟وصلتنا الرسالة
استحي عا كبرتك تشتوش عرّة**ما عندك متل ما عنا بسالة

وعن الزغلول لوشعري موّرّى***ما فيك تقول عم خون الزمالي
انا الزغلول بعتبرو تعرّا***من الأبداع والشعر المثالي

وعا عادل قلت رح طقّو بمسرّة***وانا ما رجعت مرّة عن مقالي
يا ريتن يسمعوني بنفس حرّة***ويلقوا نظرة الموت الأخيرة
قبل ما تصير تحت الأرض بالي



العوض بسلامتكن الله يرحمو ههههههههههه
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

رد: اشتباك وتصعيد زجلي على جبهات شادي وسليمان !

مُساهمة من طرف salomon في 2/21/2009, 4:26 am

-----------------------------------------

شادي موسى



الله لايسلم فيك ولا عضمة
هههههههههههههههه


------------------------------------------------------------

اعصري ياكروم موهبتي الملانة .... ب قناني قصايدي خمر المعاني
وكلما الناس تشرب من غناها .... ب عيد وزيد منعبّي القناني

أنا شادي ال بوادي التلج لااها .... تركت فيروز عفراقي تعاني
وحناني داب عالجرح بنداها .... وصخب صوتك جرح روحي وحناني
خيالي دغدغ الغيمة بسماها .... بشعري ب بحّتي ب عنة كماني
وخيالك بالدبابير وأذاها .... وب زيز وبيدر ونملة وزوانة

انا دبور؟لو لسانك حكاها .... ياريتي سم حية وناب جاني
كنت عقصتك وريّح الجاها .... من أشكالك بمنبر غناني

انا وحيي بأفكري تناهى .... سكب حالو بأشعاري وكياني
انرسم عالشمس ... مالت من حياها ...... وصَبْغِت خدها من ارجواني
وانت مقعد وأفكارك تفاهة .... ب حكي بخجل ت احكيه ب لساني
بقصايد افتتاحك ل ابتداها ..... وبقراديتك تشقع اهانة
للمعنى وردودك ل بعماها .... معمي قلبك بحيلة جبانة
ول هالختمة الل فاضي محتواها .... متل راسك ياقرقيع الصواني
بالزغلول وب عادل رواها .... وشفيق بترجع تعيد الخيانة
انذكرو كتير وعْلقت بمتاهة ..... وهلكت الناس ذات الإسطوانة

يابو شربل بهالساحة وحماها .... شبحت ب حصانك وشابح حصاني
خبر أهلك العركة وراها .... روحي وروحك بذات المكانة
وكل شاعر لأبياتو رواها .... ب فكر وشعر وسيول وعيانة
وهندسها وعلى المنبر بناها .... وكل الناس عطيتنا التهاني
وقلبي وقلبك الأبيض صفاها ...... نحنا تنينّا أول طلعنا
................. ومش معقول انو نكون تاني ..............
__________________
بيكفي اسمي ....شادي...



-------------------------------------------------------------
avatar
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى