حرفي انا

من طرف علي عامر 7/4/2010, 6:15 am

حرف الوحي شعله بكلامي المرتجل
بدرب الادب والعلمنه زاح الوجل
وخلاّ سمع كون الجهل آخر وقت
بخمر الزجل يسكر على قبر الدجل

تحيّاتي للجميع

من طرف **7arf** 7/4/2010, 6:49 am

شو الفرق مابين النحو والصـرف = يمكن شبيه طموحك وحلمي
وحرفك انت حرف الأنا والحرف = همو الوحيد يوصّل الكلـمي
=========================
تحيات حرف

من طرف علي عامر 7/4/2010, 7:17 am

طموحي وحلمك عندما زفّو الخبر
عرّب ضمير الحق شعر شموخ روس
وحروفنا بالتضحيه صاغو العبر
الجمله عبايه ملفلفه اطهر عروس

من طرف **7arf** 7/4/2010, 5:01 pm

حلمي مابعرف ليش فوق المستوى
ويقظةّ طموحك متل تفسير المــنـام
صاغوا العبر وتأقلموا بعد النـــــوا
تاتوجوا بالموهبـــي حروف الكلام
==============

من طرف علي عامر 7/4/2010, 6:03 pm

يا حرف بتحيّر حروفك بالوعي
كلّ المعاجم يا خليف الأصمعي
ومتلك نبوغي بحد سرّو ع الهدا
بجرّة حلم بيشيل راس المدّعي

من طرف **7arf** 7/4/2010, 6:16 pm

لاتخاف ياخربان تتـحـــيــــــــر معي
مخير مش مسير وعي حرف الوعي
بيمنـع الواعد مدعي بنهايــتـــــــــــو
تايسلم نبوغ اللي متلك مدعــــــــــي
==============

من طرف علي عامر 7/4/2010, 8:54 pm

م قصدت جرّح فيك يا باع القصير
بسّ الحيا بشعرك ي حرّوف انقرض
البادي بشرع الحق اظلم للمصير
شو حاوجك ت ترد عكس اللي انفرض

من طرف **7arf** 7/4/2010, 11:27 pm

حرف القمر من دون حاجي هـــــل
بالإرتجــــــــالي يكحّل عـــيــــونــو
بتعرف لوحدو حرف قــــــــد الكل
والأبجديي صفر من دونـــــــــــــو
ولما علي عامر قبالـــــــــــــو طل
عن ذمتو يوفي عن ديونـــــــــــــو
مقامك مـقـــــــــــــام البـاء مابيقل
عن راء حرف المعرفـي وحرفين
فينا تجسد رب بفنونـــــــــــــــــــو

=============

من طرف علي عامر 7/5/2010, 9:16 pm

اعذرني خيي اشتغلت بالسهره امبارح
تأخرت عليك شوي

طل الحرف من خلف غيمو هون
ع المنتدى وبقلب شو أنزه
من نسمة الفجر اللي فرضت عون
ع الشاعر الموهوب لو تأوّه
كل ما نبي بيطل عا هـ الكون
ل دين التسامح هـ الخلق ينده
بيصحى العقل عا كوكب مشوّه
لكن نبي الافكار سحر ولون
كل ما بعين الشعر خيرو عم
بيوعى الضمير الحر المزهزه

من طرف rabeaa 7/6/2010, 11:50 pm

7arf كتب:

حلمي مابعرف ليش فوق المستوى
ويقظةّ طموحك متل تفسير المــنـام
صاغوا العبر وتأقلموا بعد النـــــوا
تاتوجوا بالموهبـــي حروف الكلام
==============

حلو يا معلمممم

حرفي انا

حرفي انا

رد: حرفي انا

رد: حرفي انا

رد: حرفي انا

رد: حرفي انا

رد: حرفي انا

رد: حرفي انا

رد: حرفي انا

رد: حرفي انا

رد: حرفي انا