سمعت

من طرف علي عامر 10/25/2010, 9:03 pm

سمعت عن شاعر مقنّع بموقع = قناعو ساتر الوجه المرقّع

وخايف حضرتو قناعو ان زحّط = ضمير الشعر ع عيوبو يوقّع

بدربو عا عتيق الشعر شحّط = افتكر بالعجرفه امجاد يشقع

وم بيعرف الموتورو مقحّط = م بيهدّي مع الشعرو بيومض

وبحضن جهنّم الكلمه تقوقع

من طرف **عمار البراضعي** 10/25/2010, 9:21 pm

سمعت بشويعر مغفي ضمـيرو = وثوب الشعر عيرة بيستعيــــرو

لانغمة حامل بصوتو ولاكلمــة = وبدو للزجل يعمل أميــــــــــرو

حمل شمعة ونذر شفتو بحلـمي = وقبل مالريح يعصف زمهريرو

انطفى بشعاع معهد نور علمي = ومن جهلو افتكر مجهول صفا

كثر مانهز بالموقع سريرو

* * * * * * * * * * * * * * * * *

من طرف علي عامر 10/25/2010, 10:07 pm

م مرّه قصد شعري الخصم حوّق = ع درب العقل خطّو كثير لوّق

وبدل م يركّز يحاول يدقّق = بجهلنتو عذابو القلب طوّق

مش عارف انا اكبر محقّق = بقضيّة شعر صيبي ما تعوّق

وم فيه الحلم بمجالي يحقّق = لأنّو قاصر بشرع المعاني

وبشرع الموهبه مكرسح معوّق

من طرف **7arf** 10/27/2010, 3:00 am

العمى العمى مين هيذا؟ مبلشين فيه طق ههههههههههههههههههه

نقيق سمعت ماعندو عياقـــــة = وسماكةّ دم مجبولي بهراقــــــة
ومن إفريقيا عجنت المهلهـــل = تاإطعم كل من عندو رشـــــاقة
خبزتو وسألت ياناس هل هل = ع إسمو بتفتحو من النور طاقة
ووعد بالدم بدي الدقن بِل بَـل = وبحرف الموس إحلقلو حلاقــة
ولأنو بتعرفوا حرف السمؤال = بولاد الوفا عندو علاقـــــــــــة
بيقول بحكمتو لكل مين قـلـقل = الإعاقة بالجسم بكثير أفضـــــل
من البلعقل في عندو إعاقة
= = = = = = =

من طرف salomon 10/29/2010, 5:09 am

فقير مهستر مهرهر مكركب
ما عندو بيت شعر يصح معنا
وكلما عا دروب الشعر دركب
بيكتوب شعر ما لو أي معنى
يمكن مفتكر عا النت كوكب
وهوّي نازع النت ونزعنا
لازم سفّرو عا ضهر مركب
بركي بيرجع مهفهف منضف
ويكبر فيها مرة مجتمعنا

العمى عن مين عم تحكو ههههههههههههههههههههههه

من طرف **7arf** 10/30/2010, 1:02 am

خفنا ان كتبنا شخص ينقدنـــــــــــا
ويهجي ويمدح مدح قائدنــــــــــــا
الصيف انتهى وكلما عبس تشرين
منحاربو بجمرةّ مواقدنـــــــــــــــا
عن مين عن تحكوا قولولي ميــن
ومافي خوف عصفور ينقدنــــــــا
دخلنا بشهر تشرين يامحبـــــيـــــن
وليش الغلا بلّش يهددنـــــــــــــــا
عنو اذا بتوشوشوا الحلويــــــــــن
بهمس القوافي ماتعودنــــــــــــــا
تخمين منو بينقزوا تخميـــــــــــن
يما لأنو الخوف بلّدنــــــــــــــــــا
وان كان عن تحكوا بسياسـيــــــن
تمديد إلهن ليش مددنــــــــــــــــا
أمّا اذا عن ناس مخفيــيـــــــــــن
الماضي مضا والعهد جددنـــــــا
يا كلنا منكون متحديـــــــــــــــــن
يابجرن حرف منجبر الغلطـــــان
ينادي ياحرف الشعر عمّـــدنـــــا
==============

من طرف علي عامر 12/19/2010, 9:08 am

اوف اوووووووووووووووووووووووف

يا اوف روحي من وعي جنوني = طلقتك سهم افكار موزونه

كرمال هذب شاعر من شهور = بموقع المشتى جرّب ظنوني

ومن بعد ما وقفو شهود الزور = يصفّو ومن الجهّال عدّوني

بدمّ الندامه عمّد المغرور = ذوقي وع تهذيبو م لاموني

ومن بعد ما صدّوه والديجور = خيّم ع قلبو بروح مسكونه

عاود الكرّه باسم كلّو فجور = بيترجم خلاقو اللي بتهوّي

وشاحط معو منحط بيعوّي = لكن انا باشعار المروّه

عالجتهن من سل العفونه

من طرف bilal 12/23/2010, 12:58 am

والله حلو ياعلي بس عن مين عم تحكوا

من طرف علي عامر 1/1/2011, 12:06 am

في الواقع اخي بلال انا حكيت عن اكثر من شخص بهـ الصفحه

تحيّاتي للجميع

من طرف **عمار البراضعي** 4/26/2011, 3:29 am

نحـنا عالجنـا بقلب موقعنـــــــا
قصة بحقيقةّ قلب توجــعنـــــــا
العطشان حتى يرتوي بفنــــــو
يدلّي جرارو بّـير منبعنـــــــــا

عامقولو كلما كرز سنــــــــــو
بفعل الندامة كثير وقعنــــــــــا
التوّاب ماخيّب حدا ظنـــــــــو
وتانتوب الله مابـيـمنــــــعـــنــا

في كثار غاروا من البشر منو
بنغمات بلبل لحن سمّــعنــــــا
وبألآخرة كل شي انكـتب عنو
صار كافي بعتقد ودعيـــــــت
مانعود نسمع متل ماسمـعنـــا

* * * * * * * * *

سمعت

سمعت

رد: سمعت

رد: سمعت

رد: سمعت

رد: سمعت

رد: سمعت

رد: سمعت

رد: سمعت

رد: سمعت

رد: سمعت