ردّه للبحر

من طرف علي عامر 1/2/2011, 9:19 pm

هاي الردّه مش قاصد فيا حدا مجرّد مخاطبه للبحر

يا بحر يا ختيار كلّك انقباض = وصاير على الشعّار بتهوج امتعاض
كان العزم عندك شديد اليوم آض = يشكي بمحكمة الوعي ان فاحو الحواض
الشعّار نحنا كمام احساس وبياض = خلقنا وفا من الحلم من بعد المخاض
وانت بسواد عبابك تعبّو مراض = دمّك تخثّر قرّبت ع الانقراض
مدري بصيبة عين من بعض البشر = مدري غرورك مع نوايا القهر فاض

من طرف **7arf** 1/20/2011, 11:37 pm

البحر تنـشّـف يـوم السحر = لمــا العــامر غنالو

واللي ملقب حــالو بحــر = يبقى يدافع عن حالو
===================
وينك ياحبر ههههههههههههههههه

من طرف علي عامر 1/21/2011, 1:52 am

حوّلت الموجه خيرات = من الغيمه تسقي المنهوك
متل العم يتلي الآيات = بهيكل اخلاصو المبروك
وياحرف بصومعة الذات = حبراتي والله حبّوك
وباروك باجمل اوقات = وهلّق ما في خصم يجود
تا نحفظ من اقوالو

من طرف **7arf** 1/21/2011, 3:37 am

كاسك لو مرو من الصبر = بيحلى والهـــــم يغـفي
ومن أيوب بيحمـــل صبر = بيـنـسجـــك تانـي قفي

وتانمحي الأيام الغبــــــــر = وكاسات الحب نقفـــي
الأموات نرد من القــــــبر = وعينين الحقد نطفـــي

وبالشعر وهندسةّ الجــــبر = تاحساب الكون نصفي
غلطة البحر كتبتو حبــــر = تانهـــر الأقلام يصـب
وحبر يدفق شلالو
=======

من طرف علي عامر 1/25/2011, 7:47 am

بالماضي من إلفة زين = غبّ الخمره بو شادي
وخمرة حرف باصفى عين = دفق بجرد القرّادي
بسرّ القلب وروح وعين = منها بشرب وبنادي
الحرف جبينو رمح الزين = م بيقدر يخذل انسان
ولا بتتخيّب آمالو

اسف ع التأخير ما بيلحق الواحد يخلّص شغلو ت ينشغل بامور البيت والناس

تحيّاتي

ردّه للبحر

ردّه للبحر

رد: ردّه للبحر

رد: ردّه للبحر

رد: ردّه للبحر

رد: ردّه للبحر