ميدان التحدي بين الهزمر والفارس

من طرف **7arf** 5/18/2011, 4:13 am

شوفوا شو صار وحكموا

تهجم شاعر اسمو فارس الميدان على أحد غروبات الزجل قائلا لأصحابها

فارس الميدان:

عا مين بدي سيوف شعري سلّـها

ومع مـيـن بدي الـمـعـركـة انـزلّـها

أعلى الـقـمم بالمـرجـلـة بحـتـلّـها

وأعتى الأعادي ان واجهتني بذلّها

وهـيـفـا الأبـدت لـلـفـوارس غـلّـها

ان ودّتـلـنـا سلـيمـان رح مـنـقـلّـها

سلـيمان وحدو مضحكة بالـمعركة

يا ريـت بـتـودّي الـشبـيـبـي كـلّـها

الجمعة · إبلاغ

==================

Elhazamr Sugar

*اهلا فارس :يلا انا لحالي وشو بدك بالشبيبي*

سل السيوف وحاج تحكي بشرشـحك

خوفك منعرف من شــفارو تجـرحك

بأرض وفضا ع النت بقدر إمسـحـك

و بلبسك تاج الملوك وشلـــــحـــــــك

ولم جيت حتى بهيك موقع اطرحــك

او إقسمك او إجمعك أو إطرحــــــك

لقيناك رايح طرح تحت خيولنـــــــــا

وعضم وكوارع ما بتحرز ندبحــــك

==============

فارس الميدان

مـيـنـك انت يا طـفـل صـرلـو ثـانـية

خـلقـان من رحـم الجـهالـة الزانــــية

طلبنا على الساحـة فـوارس قانــــــية

مش أغلـمـة حتى بصـغـرها فانــــية

وهالمهزلة اللي حكيتها شو عانـــــية

لا فهمـتها ولا عرفـتـها شو جـانــية

وكرمال هيفا بس رح بشفق علــيك

و إتـكـرّم وأعـطـيـك فـرصـة ثـانية

ما تضيّعها للفرصة
===================

Elhazamr Sugar

*هههههه الفرصة نقشعلك أخ *

هيـفا تركها بالزجل عالي الشـــــــــــان

خليك عم تحكي بهداوي وإتـــــــــــزان

لوما الطفل بمغارته ياســــــــوع بــــان

كان الطهر والعدل مابيعرف ميــــزان

ومنشان رحم الزانية نقدم بيـــــــــــــان

عاليمن مابوديك تايقصو اللســـــــــــان

من زمان قبلك بييك العجزان كـــــــان

مرة بيكلفني تاجبتك ع الزمـــــــــــــان

ان كرمتني مش بس فارس رح نشوق

منصير نقشع فارسين بهالمـــــــــــيدان

===============

هون اعتزر فارس الميدان وهرب
مدعيا مافي تناغم هههههههههههه

وقامت جميعة ملهمين المحي بحذف التوبيك
وبما انو انا حذرت الهزمر مايكتب لأني مجربهون
ومحولي حسابي مرتين حبيت انقل شو صار
وانتوا حكموا هلق

من طرف علي عامر 5/18/2011, 4:53 am

استغفر اله الشعر من هيك ردّات خيي حرف

يلا بسيطه

من طرف **7arf** 5/18/2011, 9:36 pm

بتذكر كان في قرادي كان محوها جماعة المح بتقول
هههههههههههههه يعني متلي انا يا بلاها

الشاعر لما بأسمو يفوت = غصبا عنو بيتجمل
ولما بالألقاب يـــــــفوت = لازم غيرو يتحمّل
==================

ميدان التحدي بين الهزمر والفارس

ميدان التحدي بين الهزمر والفارس

رد: ميدان التحدي بين الهزمر والفارس

رد: ميدان التحدي بين الهزمر والفارس