ت نشوف

من طرف علي عامر 5/23/2011, 12:46 am

خلقان شاعر للتحدّي وللغزل = بيوتي على مغزل ضميري بتنغزل

بلمسة يميني ريح تحكم ع الوقت = بضربة شمالي ليل يحكم ع الازل

من طرف **عمار البراضعي** 5/23/2011, 5:39 am

ياحامل الإعصار والقلب العطــوف
الترحيـب عنا والمجالس للضــيـوف
بلمسة وضربة اختار كيف نــعاملك
منشان نعرف انت شو ناوي تشوف

* * * * * * * * * * *

من طرف علي عامر 5/23/2011, 11:33 am

ما فيه عا لمسه الشعر يسأل حدا = ي مجرّحينو بايد جهل وادّعا

وضربة ع طبل اللو ما عرفت صدا = مش متل ضربة حق وقت المعمعه

من طرف **عمار البراضعي** 5/24/2011, 12:16 am

لمــا فلحنا البحر بفنــــون الأدب
نلــنا الكمال من المذمة الناقصة
باللمس علمنا الدنـي! أما الدبب
ماتعلموا عالرقص إلا بالعصــا

* * * * * * * * * * *

من طرف علي عامر 5/24/2011, 5:01 am

فلحتو وفلحتو بالوهم ع الحالتين = يللي (الضرب) آكل بخبز العجرفه

الهيئه دخت يا صاحبي من ردّتين = وملموس صاير والعصاب مرجّفه

من طرف **عمار البراضعي** 5/24/2011, 9:39 pm

دايـخ تركتني بأرز لبنــــــــان الحبيب
ان ربك بلاك بضربتي برجـــــع بلاك
وبالعجرفة من حرف نسّاك الحلــــيب
تحرّم على الشيطــان لمسات المـلاك

* * * * * * * * * * * *
بالفعل معك حق يا حرف هههههه

من طرف علي عامر 5/24/2011, 10:34 pm

اترك حرف يا مبتلي بداء الطفر = بعدك ربع كسره مدهدك بالحروف

وشيطان شعري باللمس وعّى السفر = وما بيفهم المتلك ع وحي الفيلسوف

تحيّاتي الك ولحرف

من طرف **عمار البراضعي** 5/24/2011, 11:03 pm

بعرف علي عامر أدب مــــــا بينقصو
إلا بسكب الشعر نقصــــــــــانــو كبير
بلمس وضرب مابريد إقسى ورقّصو
البيكـون جلدو سميك مابيشعـــــر كثير

* * * * * * * * * * * *
ياهلا فيك

من طرف علي عامر 5/25/2011, 1:03 am

ع النقص يا راجع رجوع الماجنه = بفجر التمرّد ع الأصاله والوفا

مضروب غادي كالطيور الداجنه = ال بتفرفر بلمسه بعد طول الجفا

من طرف **7arf** 5/25/2011, 1:07 am

عمار جيـت بلمس يدّك إقنـــــعـــــك
البي يجرّك على المشكلي مابينفـــعك
معربط عبيط بضرب بيحب الخــبيط
وشاشات تاتش الخليوي خربت معك
===============
هههههههههههههههههههه
وتحياتي إلكون كفوا انا متابعكون

من طرف **عمار البراضعي** 5/25/2011, 1:13 am

الى حرف :

بلمس وضرب مش مشكل بقلب الودود
المشـــكل إذا في حقد عالضرب انتشــر
ولمـــــــــس الموز أكبر شريعة للقرود
بتــــــعــــــلـّم السعـدان من لمس البشـر
* * * * * * * * * * * * *
الى علي :

بشعري القمر لو بلمــــس قبال الألوف
ببيدخل عاراسـك عالمخـــيــــخ بلاجدال
بوديك عـاضــــرب الخلايـا تاتشــــوف
لمسةّ مــــــوت بين الحقيقة والخيــــال

* * * * * * * * * * * *

من طرف علي عامر 5/25/2011, 1:26 am

7arf كتب:
عمار جيـت بلمس يدّك إقنـــــعـــــك
البي يجرّك على المشكلي مابينفـــعك
معربط عبيط بضرب بيحب الخــبيط
وشاشات تاتش الخليوي خربت معك
===============
هههههههههههههههههههه
وتحياتي إلكون كفوا انا متابعكون

حرف اللي بعدو شاطر بصنع الفتن = في موقعو بأحلى شعر منّا انفتن

عا لمسة الخدّين وعّينا العطور = وعا ضربة الحدّين وعّينا الوطن

من طرف **7arf** 5/25/2011, 1:53 am

وحيي ان لمسك بالزجل بتعوفنـــي
ملووق خلاّ نيعك ان شافك عبيـــط
غير ديك عالمنبر مافيك تشوفنــــي
فتش عاغيري انكنت بتحب الخبيط
==============
شوبدكون فيي كفوا بلايي بيكون أحسن

من طرف **عمار البراضعي** 5/25/2011, 1:58 am

الأخلاق نقطة بإرتـكــــــــــاز الدائــرة
البيضل فيهـــا بيرفــض الرد الوضيع
بلمس الكرة فلسفت لعبة الطائـــــــرة
والضرب أحبط أجر عا الوجه البديع

* * * * * * * * * * * *

من طرف **7arf** 5/25/2011, 2:22 am

غيــــــــر اللمس بنت الحلا مافادها
ومحبوبتـــــك مابظن عم تفهم عليك
الضربة عاشاشةّ لوكس هر رمادها
خلاّك بالعتمات أعمـــــــــى بعينتيك
==============

من طرف **7arf** 5/25/2011, 2:33 am

ليش البيحب الضرب من دربي هرب
وخاف البيحب اللمس بقدر إخلعـــــــو
تنياتكون بالحرب مانلتـــــــــوا الأرب
بضرب ولمس تاتعالجو مابتــنـفـعـــو

==============

من طرف علي عامر 5/25/2011, 4:06 am

بشعري القمر لو بلمــــس قبال الألوف
ببيدخل عاراسـك عالمخـــيــــخ بلاجدال
بوديك عـاضــــرب الخلايـا تاتشــــوف
لمسةّ مــــــوت بين الحقيقة والخيــــال

حيثو ع كتف اللو تنظيمك تكي = من الصعب يا عمّار باللمسه تجود

والموت لمّا بتضربو بالمشركه = روحك رح بتنعد كافر بالوجود

من طرف علي عامر 5/25/2011, 4:19 am

7arf كتب:

ليش البيحب الضرب من دربي هرب
وخاف البيحب اللمس بقدر إخلعـــــــو
تنياتكون بالحرب مانلتـــــــــوا الأرب
بضرب ولمس تاتعالجو مابتــنـفـعـــو

==============

خلّيك عاقل يا حرف لا تعتدي = ت نضل عا ضعفك متل حب الندي

منسقيك شهد المعرفه من بيوتنا = لا تعربد على الماس يا نقطة صدي

من طرف **عمار البراضعي** 5/25/2011, 11:27 am

باللمس إلنــــــــــــــــــا حق نلمس والغرض
بأهداف علم وطب بيقـــــــــــــــــول الطبيب
بضرب الحماقة من الصعب كشف المرض
وماكان في إنســــــــــــــان من دائو بيطيب

* * * * * * * * * * * * * *

من طرف علي عامر 5/26/2011, 1:36 am

تذكّر ي غالي عندما الابره تجيب = بالشك بعد اللمس تضرب للعصب

هيك الجراحه ومش حلو بحقّ الطبيب = ما يضرب الرقم القياسي بالنصب

من طرف **عمار البراضعي** 5/26/2011, 2:28 am

حلو ياعلي
بذوق وسمع والشم وعيون النعـــــاس
زدنا الإبــر لمسات حب نشكهـــــــــــا
ورقم القياسي اللمس بالخمسة حواس
من الصعب عن أربع حواس نفكهــا

* * * * * * * * * * * *

من طرف علي عامر 5/27/2011, 12:20 am

مش باللمس يا خال عم توعى الحواس = بضرب الشكوك الفالته بصحرا الظنون

حتّى اليقين يحل بحراش الأساس = بجرأه بتشبه ضربة سهام المنون

من طرف **عمار البراضعي** 5/27/2011, 2:18 am

بصحرا الظنون انــتاه منــّـا ذوقـــنــــــا
لمس الموت أفضل من ضروب الجنان
ولانعيش عــــــــــم نكـّـفـر بالله الفوقنـا
تانقـول جرأة نعارضــــــــو أو عنفوان

* * * * * * * * * * * * * *

من طرف علي عامر 5/27/2011, 11:28 pm

م دقّت ضربت الساعه قيامه = يا عمّار اوعا من الندامه
اله الشعر طلّ بثوب خزو = ت تلمس هيبتو ونور السلامه
نطر ياما سنين وسر عزو = مدّلك حبل درب التعامي
وصبّلك شهد حتّى تمزو = من جرّة حبر عطفو بشهامه
وجهلك للحلم ناوي يجزو = على مذبح تفلّت انعدامي
بلمس الموت لحظه ما انهزو = حواسي ولا ضمير الاستقامه
لاني مؤمن وفيي اعتزو = الشجاعه والطهاره والكرامه
وانت ع جروحك النابات كزو = فجورك شرّبك سمّ الملامه
نكرت الدين والكنز البعزو = التهيت بلمس ريشات النعامه
البطر لمسك بسيفو القلب حزو = وتوضح فيك جرح كثير دامي
وت تقنع بالضرب يللي تعزو = المناقب فيك عا وضع التزامي
النبي سيفو ضرب اصنام فزو = فتفتهن وعبره للتسامي
ترك من ضربة الحق وم هزو = وقت اللي لمس كفر ولآمه
وضرب امثال بمجالات مزو = خمر المعرفه الناس بكلامي
لمس المنجّم الكذبو بدزو = بشيطنتو خرب كون بنمامه
ولمس نار الخطيّه ما تعزو = بتدفع عمرك بضرب الرجامه
وبآخر جولة الفكر اللي حزو = حان وطاب دمعه وابتسامه
بعرس الشعر رش الكيف رزو = انت اضرب سلامك يا خليلي
وانا بهديك حبّي واحترامي

من طرف **عمار البراضعي** 5/28/2011, 12:03 am

تعا يالحن تانذيع الحقيقـــــــــــــــة
وننعي الضرب في أرقى طريقـة
بغيتار وعود عن قــــانون ناجــم
لمس بيكون عا وتـار الموسيقــى

بقـــــانون الضرب مالقينا معاجـم
وشــرع يحللو بين الخليــــــــــقـة
وبجيش الشعر بين جندي وملازم
بلمســــــةّ زر تشعيل الحريقـــــة

وياجايي بالضرب لمسي تفـــاجـم
الأساطيل بتجي بترجع غريقــــة
عا جــنّ الشعر لو تبقى مهاجـــم
بيلوق خدك بلمسة دقيقـــــــــــــة

أنـا باللمس جيش الشر هــــــازم
بطيـارة الفضا الأرحب طريـــقـة
ولاتنسى العالضرب بيكون عازم
بيرجـع لاصدى وبحّة أنيقـــــــــة

وإذا اللمسـات مابترضــى تلازم
وعاهاتف خليوي نسيـت الصديقة
الرسائل مش متل شـــد الملازم
على الخشبات مابتعلق عشــــيقة

اللمس معروف بزهور وبراعـم
عطر فواّح بمروج الحديقــــــــة
ولمسةّ عطف من رجّال ناعــــم
زاد شعور بالمرأة الرقيقـــــــــة

وإذا بقيت الضرب بالجهل داعم
بدون اللـمس عــــايش عالسليقة
ضد النــــــــــوم مابتعيش زاعم
إذا مابيلمســـوا بــّـعضن جفونك
مافــــــــــــيك تنام بالآخر دقيقة

* * * * * * *

من طرف ghazi saraya 5/28/2011, 12:54 am

عمار يا شــــــاعر وقدرك معتلي
وياابن عامر يا شــــموخ المرجلة
عمار فارس منبري ويا علي انت
بينت بشـــــعرك مـــــراية بوعلي

***************

يسلم تمكم وحوار كتير حلو يا قمار الشعر

من طرف **عمار البراضعي** 5/29/2011, 12:01 am

تسلم ياغالي من لطفك

من طرف علي عامر 5/31/2011, 2:52 am

منوّر خيي غازي هلا بيك

من طرف **7arf** 7/9/2011, 9:38 pm

يعطيكون العافية روعة

من طرف علي عامر 7/10/2011, 5:34 am

تسلم خيي حرف

ت نشوف

ت نشوف

رد: ت نشوف

حلوه يا خيي

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف

رد: ت نشوف