طباعة ديوان - شروقي

من طرف **عمار البراضعي** 1/25/2012, 4:35 am

قمت القيامة بزجل ورجعت صفّي حـســـاب
كفار ورد الشعر مابينشقــــــوا عطــــــورو
الرجّال كلمة معي يحكي تاقص رقـــــــاب
المشتاق روحو إلي والجسم لقبـــــــــــورو

شقيت غيم الفضا حاسب وأعطي عقـــــاب
وقاصص بـّسمة رضـا المنبـــر ومغـرورو
وشاعر انشفت فرحت كـلما يرد جـــــواب
وبحزن وعيني صرفت ع ضعيف بقصورو

بحياة الله اسمعوا شـــــو تكوثروا الكتــّـاب
وشويـــــــعرية افتروا ع الشعر وشــعورو
كل فـــــرد ع منظرو بيضحك بلا أسباب
ونسيــــــــــــان في دفترو شو قلل سرورو

صار البيكتب سطــــــــر بالشعـر والأداب
بيظن وعّى الفجر أو ديـــــــــــك بفجـورو
صبحو مغفـّي الخطر لو يحضرو الأقطاب
وطابع كتابو ونسي التحويـــــــر وكسورو

الموهوب شاعر زكي ومن أوليــا الإلباب
مخصوص رب السما زادو بوحـي نــورو
مأهب بشعرو نطق مع كل دقــــــــةّ باب
الإلهام إبن الوحي مجــــــــبــور تايزورو

الزارع بيحصد فرح نول الثقة بإعجــــاب
بيفرض وجودو فرض وين حل بحضـورو
بعكس البـيآخذ قرض ومجمّع الأصــحاب
يقولوا كلامو حلو ويضحك ع جمهــــورو

وكل مين جملة ســــرق والحق فكّر ساب
وحقــــــــوق غيرو طرق تايكمّل ســـرور
المفـــــروض فينا فرق ننشر إسم مانهاب
بسمـــــعة تكدو العرق تايعيش مـــأسورو

والبعض متل النهب حبوا القرش بجـياب
وبدّل صباحو ووهب للخير بونجــــــورو
وهالعصر يمكن ذهب حطوا بمسكـةّ باب
وع كتـــــــــاب للمنوهب مابيدفعوا يورو

وشاعر النال النصر سيفـو خلـــع القراب
ومزّق قشاط الخصــــر ع اللب وقشورو
وللنشر أو للحصـــــــر لولا طبعلو كتاب
مابظن في هالعصـــــــر بيعيش بسطورو

* * * * * * * * * * * * * *