شروقي -الى صديق مهاجر بعيد ميلاده

من طرف **عمار البراضعي** 3/3/2012, 5:34 am

يارفيق وينك تعا اشتقلك أرز لبنــــــــان
وطير المحبة شرد والهجر غنــــــــــالو
إرجع اشتقنا إلك حاجي بقا هجـــــــران
بدها الرعية الملك يرجعلها لحالــــــــو

تمنيت لينا تجي ونقشع ســــــوا العـدّان
بجمر القلوب انبهــــــر ع التلـج وتلالو
كرمال عيدك صرت ناجي أنا الرحمان
بخير وسلامة الهجرنا يعود لعيــــــالـو

بنيماص طب الزجل فتشــت ياخـــلان
عبّر الإبرة بشعر جبران وخـــــيـــالو
مرقت ذيل الخيط فصّل ثوب إخــوان
ما انحاك متلو بعد وبطرز مودالـــــو

وكركر الخيطو فلش اخلاق بالوجدان
قطّب الكلمة وركض تايشـاقط خيالـو
ينقي كلام الحلو وينقح القصـــــــدان
وعقبال ميّة سنة يغزل ع مغزالـــــو

* * * * * * * * * * * *
العمر كلو يارب