منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================


جولة معنّى بيني وبين الشاعر كمال أبو فراّج

اذهب الى الأسفل

جولة معنّى بيني وبين الشاعر كمال أبو فراّج

مُساهمة من طرف ghazi saraya في 3/17/2012, 12:38 am

جولة معنّى بيني وبين الشاعر كمال أبو فرّاج على صفحة غروب الزجل اللبناني
******************
ردة غزل
**********
نكنك يا حبـــــي من القدر عمتهربي:Ghazi saraya
أيا أرض رحتيلها زرعي عبــــــــي
نكنك نبع رح كون حولك مســـــكبي
نكنك شعــر رح كون روح الموهبة
نكنك آيات بكتب طــــــه والنبــــــي
رح كون قرآن الرســـــول اليعربي
ونكنك المريم العذرا الطــــــــاهرة
رح كون عيسى لعصدر مريم




**********************
o
Kamal Aboufarraj شبهت حالك بالرسول اليعربي
وعيسى المسيح الفي حضن مريم ربي
هيذي جريمة وفت بعالم غبي
هيذي بحق الرب كفر وشرشبي
استغفرت ربي وقلت اسمع مطلبي
قاصد أخرتي تكون بيضة المرتبي
غير طريقك يا صديقي المرتجى
وغفران اطلب من يسوعك والنبي
o
******************o
Ghazi Saraya غفران بطلب من محمد والمسيح==من قبل ما تنطق يا بو عقل الرجيح
وكفرتني وزينت نفســـك بالمليح==وكلّفت نفسك عن محمدنا الفصيح
هيذا الكفر ذاتو يا فادينا الجــــريح==انسان عميحكــــــم بدالك بالقبيح
بحالك انت خليك ما بدنا تصـــــيح==منك أنا ما طلبت رأيـــــــك استريح
وفسحة خيالي قد هالكون الفسيح==ذابو العذارى من غزلنا والمديح
لكن انت شــــــوكة بجنات الزجل==جرحت الورد بجنة العطر المريح
o********************
Kamal Aboufarraj يا فكار شعري من اللياقة انسجي
انت الأصيلة ودوم فيكي محتجي
لفي بشالك صدق خالص وانتجي
عطر الإيمان وكل زهر بنفسجي
حبيت اهدي نفس فيها عوعجي
لا نور عنده من الديانه مكربجي
رديت ضارب بل الاصول ومنهجي
وجاي بعمق الدين تعمل حربجي
اسأل صدا التاريخ عنا متوجي
آيات رب الحق نحنا منرتجي
بكفر لحوى وكونها وآدم سوى
لو طل مثلك شب عالدنيه ويجي
o*******************
Ghazi Saraya بيكفي بقا حاجي هراء ولجلجي
رب السما بيهدي نفوس معوعجي
عرّاب جايي تخفت الصوت الشجي
وتكفّر ورود بخيالي مبنجي
انت لبديت وكان شعرك حربجي
وجرحت بسيوفك جمال بنفسجي
بشعري نسجت الشمس آية ملوهجي
تتنور دروب لي متلك ملتجي
وملكة كلامي بالثريا متوجي
نورا فلش عدروب سودا معرجي
وربي هداني بالثقافة المنتجي
ورود الهداية فوق مني مغنجي
ونوّر دروب قلوبنا بالانفتاح
ما كان ناطر حضرتك حتّى تجي
o****************
Kamal Aboufarraj يا جوانح الإلهام غفّي واْسبكي
وزيدي جمالك هل الطبيعة واْحبكي
ربي عطاني الحب من عطرو الزكي
ومن واجبي رشرش نفوس المشركي
ما جيت إخفت صوت بالعفة تكي
جاي عا صوت الكفر شيل الشربكي
واْشهرت سيف الحق منك منتكي
لما خطوط الحمر تدعس زوركي
وايا ثريا شفت حدك شكشكي
شيطان كفرك هم يدوي عروكي
وديت عقلك عالدروب المهلكي
وجاي بفن الورد تزهر ليلكي
يا حيف صارت هالنصيحة مضحكي
وغشيت حروف الناس جهل الفزلكي
خلّص بحلدك يا فقير المملكي
وجلّس خيالك من عواج الصوجكي
ويا معلم الاخلاق عيف الدكدكي
جاييك رمح الشعر ينهي المعركي
لا حرّم الإنسان مسود الضمير
يدخل سما الأديان ويكتّر حكي

،
o
o
*******************
o
Ghazi Saraya لا تخاف يا غانم يا جار الامتثال
غازي سرايا شمخ نسرو عجبال
نكنك يا بو فراّج عملاق النزال
بتركع على عتبة سرايا الاعتدال
ولولا نبعت عمنبري ميّة كمال
عمجدّل الأبطال بساح القتال
وخيّال عمبرمح بساحات الخيال
وحرف الشعر رح ازرعو بصدرك نبال
يا مدعي الايمان وموصّي الحلال
وعامل نبي عميسلك دروب الكمال
الأفضل الك تسكن بسجن الاعتزال
وحاجي تكفّر بالزجل سيد الرجال
مروج الزجل بدها رحابة وطول بال
جناين زهور مشبعة بعطر الجمال
ما كان بدها شخص متلك منغلق
راكب على جمال وغارق بالرمال
******************
Kamal Aboufarraj ّاهلاّ وسهلاّ بالرماح اللامعة
طلت علينا من الهزيمة راجعة
من بعد طول شهورمرّو مصارعة
رجعت عاريح الضعف فقر زوابعة
وان ردت اسأل يا امير الوسعة
جاوب كمالك بالصراحة البارعة
وافصح نواياالعند شخصك لقابعة
واشرح علينا من اسراره وطالعة
واطلب من العالي العظيم الشافعة
مرْة او اثنين وثلاثة ورابعة
لا الحرب بدنا ولا الطبول الراوعة
ولا ارض تخمر بالدماء وشابعة
ولاسيف يقضي عالشباب اليافعة
ولا ام تبكي على ولاده لائعة
ولا عاد بدنا لا معاصي وفاجعة
بدنا السلام يعم خير ونافعة
من اصل منهلنا الاراضي جارعة
عمق البطولة والشجاعةالنابعة
واسأل ماضينا وهل شعوب الجامعة
منضرب بعزم الحق ضربة مدافعة
نحنا المضافة ول شهامة الشارعة
نخوة جبلنا بالبيارق رافعة
ولا تعمل حسابات رقمك تاسعة
ساقط بعد الرقم عند القافعة
وجاي بغرز نبال تحكي مشارعة
ونحنا عا كتف الخصم بيض مقارعة
خيول الاصيله والنسيم مسارعة
بتاخذ جحافل هالوقيعة مقاطعة
وضربة حسامنا للجيوش الطامعة
ادفنو ضحايا تحت ارض السابعة
وكنت ناوي عالمنية والحروب
هيذي شيمنا بالحروب الوالعة
o***************
Ghazi Saraya يا طير غنّي يا حمامة اهدلي
ولبسي السرايا ثوب ناصع منجلي
ويا حب رفرف عغصون مشهلي
ولحّن قصايد من حفيف الترغلي
تذهّب باحساسي ونقاوة منهلي
جداديل عكتاف النجوم مخصلي
جايي بشعري اغزلك عمغزلي
ديانة غزل ابني بسطور مبجلي
وادعي العذارى عآياتي وتعتلي
لفيها نطفت نار الفراق الشاعلي
ولبسهن موشح وشاح المخملي
وكلمات من عطر المعنّى مرسملي
وحيّك عبايات القصيد مكملّي
بخيوط لمسات الحبيبة مدللي
واحصد ثماري من حقول مسنبلي
واقطف قبل بشفاف حمرا مبللي
واشرب نخب كاس العيون مكحلي
وتوّج أميرات الجمال المنزلي
ومن بعد ما جمهر بنات مكللي
لدين الصبايا بالغزل بعمل ولي
في حينها بترفع العشرة يا كمال
وكيف ما رحت بالشعر مرجوعك الي
o
Ghanem Hommos حلوووووو ،غازي ،،،قوافي حلوه ،،
o
Ghanem Hommos حلو حلو ،يا كمال ،رائعين والله ،
o
Ghazi Saraya هبذا من زوقك خي غانم
o********************
Kamal Aboufarraj يا سيوف طلّي عالوقيعة واطعني
عطشان قلبي لل دماء المُسخني
ما جيت افتح حرب سهله وهيّني
زفْي القوافي من اصالة معدني
وزجل شعري والمعاني مبيني
مفضل عليك وعالخليقة والدني
ورديت تقطف من زهورك عيّني
تركها بحالها هالطبيعة مجنّني
شوّهت حب الورد شوك ومهجني
وجفلو بناتك من حكايا الصبيني
نقّي ترابك من حجار الصلبني
ومهّد سهولك بالزراعة واعتني
واحضر مفارق مش سهيلي الميْدني
عندي القوافي عل منابر مطحني
وانظر لشعري مثل عزالسلطني
عامر مهابه وفاق كل الشجعني
قيمة واصالة لا مُزاح وولدني
عطر الحقيقة وبالراوسي المأذني
وداوي مراضك من حالات المزمني
وافهم عاشاعر خط بحروفو وعني
مش كل من قال بشعارو غني
ومش كل من مات بالدنيه فني
ومش كل من حب بحبّو جني
ومش كل من شد بصروحو بني
اسّس عا نهجي بروح حُرّة معلمني
واطلب رضايي ب سلامك وانحني
ومرجوع عمري للاعالي ومسكني
حبي لالله وكل جنه وسوسني
افكارك شنيعة وفيك إنّي مُدْمني
صحّح مسارك من بقايا السعدني
واقصد ربوعي وهالنفوس المؤمني
عنّا بجبلنا يفيض خير المعجني
صابك مثل مكسور ما وفّى الديون
قضْى حياتو هموم بوراق السني
****************
بحور العميقة يا حجل لا تغوصها:Ghazi saraya
بتغرق بماء حروفها ونصوصها
ولما بتصل عقاعها وخصوصها
بتكبر بفوح مروجها وخلوصها
بتتروحن بتنشا بعذب بصبوصها
بتتجوهر بتنضد نضد مرصوصها
وهالسلطنة لي بنيتها بلصوصها
صارت عمتلملم بقايا حصوصها
لا تقرّب لنسري طراوت صوصها
بفرم عظام طيورها بعصعوصها
والفشل لفلف ملكها ورصوصها
وداء الخرف عشعش بجو نكوصها
ودرب الهزيمة طلعت من شنوصها
قدّام راياتي لي زخم قنوصها
رجّع طيورك على شباك قفوصها
وغذّي بشعري مرجها وقروصها
تأهب أمامي ورقبتك لا تلوصها
بتطير بسيوفي نحولت تحوصها
ولمبة غرورك بالمعنّى نوصها
ولا تكون مستعجل عبدء علوصها
تاريخنا عقبان وأسود انحني
راجع تاريخ جدودنا وقصوصها.
********************
avatar
ghazi saraya

عدد الرسائل : 155
العمر : 32
Localisation : لبنان-راشيا الوادي-كفرقوق
تاريخ التسجيل : 26/04/2011

http://extra_ordinaire86@yahoo.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى