جان رعد

من طرف salomon 6/18/2007, 7:36 pm

الربيع

[color=#4b0082]طل الربيع وزنبقو البيفوح ................. عقبال ما يطلطل ربيع الروح

راحت عواصف تلجة كوانين ................ يا ريت عاصفة الغلا بتروح

والجو يمطر عالدني تلاحين .......................وصوت القلب ما نسمعو مبحوح

وتوعي القلوب النايمه من سنين .................عافراش ملياني شقى وجروح

يا رب لبنان الدني والدين .................يبقى على هالحال مش مسموح

ارمي السلام عليه كنلو معين ................. ساعد شعب باني الكرامة صروح

الا لألله ما نحنالو جبين ................... ضد العواصف بيرقو بيلوح

ولو طاف بحر الكون عالتكوين ................ من ارز الله بيخلق المركب

وكل شخص من لبنان اسمو نوح

[color:6c16=red:6c16]الى كل لبناني

[color=#4b0082]كنتو ارز خالد قوي جبار ...............صرتو حطب تا يسد جوع النار

كنتو جبل عاكل تلة نسر ................. صرتو جبل مخض وخلف فار

بين السما والأرض كنتو جسر ............. صرتو معابر شر للأشرار

كنتو ليوم العسر ساعة يسر ................... صرتو شعب ممنوع يسكن دار

كنتو لمعهد هالدني جبران .................. صرتو شعب والجهل عاميكن

كنتو نحل لبنانكن قفران ...................... صرتو زراقط والأذى فيكن

كنتو الخمر والكون كان سكران ................ صرتو كرم يابس دواليكن

كانو اهاليكم بنو الأوطان ................... شو الفرق بين انتو وأهاليكن؟

[color:6c16=red:6c16]غير التعب

خلقنا بأرض والرب كونها ............... نتعب ونبني بيوت نسكنها

نزرع مواسمنا بحقل النسل ........................ ناسات تخلق ناس ندفنها

لما العمر ياكل سنين الجهل ................ ووجوهنا تفقد محاسنها

بيصير فينا متل جوع النحل ................. منمص بالزهرة غصب عنها

ما في لغز بالأرض حلو سهل ................ وكل بير في أسرار خازنها

مفروض ننهي عمرنا عا مهل .................. نحنا عطينا الأرض أهل الأرض

وغير التعب ما متاخدو منها

التوقيع

الربيع

[color=#4b0082]طل الربيع وزنبقو البيفوح ................. عقبال ما يطلطل ربيع الروح

راحت عواصف تلجة كوانين ................ يا ريت عاصفة الغلا بتروح

والجو يمطر عالدني تلاحين .......................وصوت القلب ما نسمعو مبحوح

وتوعي القلوب النايمه من سنين .................عافراش ملياني شقى وجروح

يا رب لبنان الدني والدين .................يبقى على هالحال مش مسموح

ارمي السلام عليه كنلو معين ................. ساعد شعب باني الكرامة صروح

الا لألله ما نحنالو جبين ................... ضد العواصف بيرقو بيلوح

ولو طاف بحر الكون عالتكوين ................ من ارز الله بيخلق المركب

وكل شخص من لبنان اسمو نوح

[color:6c16=red:6c16]الى كل لبناني

[color=#4b0082]كنتو ارز خالد قوي جبار ...............صرتو حطب تا يسد جوع النار

كنتو جبل عاكل تلة نسر ................. صرتو جبل مخض وخلف فار

بين السما والأرض كنتو جسر ............. صرتو معابر شر للأشرار

كنتو ليوم العسر ساعة يسر ................... صرتو شعب ممنوع يسكن دار

كنتو لمعهد هالدني جبران .................. صرتو شعب والجهل عاميكن

كنتو نحل لبنانكن قفران ...................... صرتو زراقط والأذى فيكن

كنتو الخمر والكون كان سكران ................ صرتو كرم يابس دواليكن

كانو اهاليكم بنو الأوطان ................... شو الفرق بين انتو وأهاليكن؟

[color:6c16=red:6c16]غير التعب

خلقنا بأرض والرب كونها ............... نتعب ونبني بيوت نسكنها

نزرع مواسمنا بحقل النسل ........................ ناسات تخلق ناس ندفنها

لما العمر ياكل سنين الجهل ................ ووجوهنا تفقد محاسنها

بيصير فينا متل جوع النحل ................. منمص بالزهرة غصب عنها

ما في لغز بالأرض حلو سهل ................ وكل بير في أسرار خازنها

مفروض ننهي عمرنا عا مهل .................. نحنا عطينا الأرض أهل الأرض

وغير التعب ما متاخدو منها

التوقيع