سهرة بين الشاوي والأسمر

من طرف **عمار البراضعي** 5/15/2012, 4:51 am

حنا الشاوي
خيي أسمر مرحبا انت بتعرف قديش بحبك وبعزك لانك بطل بالشعر بدون مجاملة
وموافقك معروفة والانترنت شاهد على تاريخك
واليوم للصراحة عرفت انك انت حرف اللي راعب الشعار وزادت محبتي الك
مع انك ماخبرتني يا أسمر وسألتك مرة اذا بتتذكر ومن عتبي عليك من باب الصداقة
والمحبة حابب تحاورني باسم حرف شو رايك؟ بتمنى اعمل جولة معك اذا بتحب
خييك حنا
..
إلغاء إعجابي · · إلغاء متابعة المنشور · منذ 9 ساعات

Elhazamr Sugar
هلا بربك خيي حنا وبعرف العتب ع قد المحبة متل مابيقولوا وبشكر محبتك
وإلي الشرف بأسمر وبحرف يكون عندي صديق متلك مخلص والألز من هيك
انك غزير بالإرتجالي ولو ما متأكد من هالشي ومجربك مع أسمر كنت بقلك بعتذر
وأخبرا ياويلي عليك وتفضل أنا ناطرك هههههههههههههههههه
منذ 4 ساعات · أعجبني · 2

Hanna Chawi اسمر عرفتك ياحرف حبيت زور ** بميدانك بينقال مابتشهدش زور
مسافر الك كم عام وشوية شهور ** وحقل حلم حروفنا خليت بور
غيابك عتم ياعبد طل وشع نور ** يابأسر حروفك ياممنوع العبور
هاجرت عإفريقيا ومش شايفك ** حنا مع الكلمات وحروف السطور
منذ 4 ساعات · أعجبني · 1

Elhazamr Sugar هلا هلا ههههههههههههه

أهلا بحنا الطل من بعد الغـــــــــياب = ورفيق أسمر بالمعامع والحــــــراب
وبالحرف لو سليت سيفي من قراب = بخليك أسود متل جنحـــــان الغراب
فتّح عيونك حاج تحكي بإكتـــئـــــاب = وسرساب مني صايبك وإقرا بـّـأداب
أمي البينفي حرف بكتاب انكتـــــب = والحرف مهما يغيب عــايش بالكتاب
منذ 4 ساعات · أعجبني · 2

Hanna Chawi هلا فيك والله خخخخخخخخخخخخخخخ
الاسمر صديقي وياحرف خصمي وقاف***من غير الله الخالقو حنا ماخاف
بتسحب حروف سيوف بقبال الضعاف ***وعادرب حنا خفت صابك انعطاف
بكتاب عاش الحرف مافيها خلاف ***ولاتظن حرفك انت عايش عالشفاف
بيعيش حرف بشعر خلّد موهبة *** وماشفت عندك حرف بيصون الغلاف
منذ 4 ساعات · أعجبني · 1

Elhazamr Sugar
حلووووو ياويلي عليك جود ياطيب.

لوما ياحنا تكون للأسمر صديــــــــق = عنقك قطعتو قبل ماتشق الطريــــق
قرابي غلاف السيف بالظرف الدقيق = وغلاف صان القلب وسرار العشيق
لوما الغلاف يصون لكتاب العتــــيق = ولوما غلاف الجو بتموتوا حريــــق
وحتى الصداقة بلا غلاف مزيـــفـي = لوما حضنها حرف بغلافو الرقـيـق
منذ 4 ساعات · أعجبني · 1

Hanna Chawi
خليك متل الاسمر عليي غيور ** بينحط فوق الصدر نيشان الصدور
لكن اذا ياحرف حرّفت الامور ** ومابين جسم وروح جرّحت الشعور
عاغلاف جوي عربشت بين البدور ** وبغلاف جوك مانحجب للشمس نور
غلاف الصداقة من المحبة الصادقة ** لكن غلافك انت قشرة من القشور
خخخخخخخخخخخخخخخخخخ
منذ 3 ساعات · أعجبني ·
1
Elhazamr Sugar ههههههههههههه قوّي قد مافيك لايهمك ياحنا

ياريت سبع الشعر نابو مــاكرز = ع هيك صيدة بحرب حنا الماحرز
روحك قصيدة خالدة بمنبر برز = بتموت لما الجسم درز بيــــنـــدرز
خليك جوا السجن يابزر الكرز = غلافك أنا ياخيط شكيتك خـــــــرز
سرار الطبيعة بالقشور بتخـتفي = والخمر بالخابي العتــيقة بينفــــرز
منذ 3 ساعات · أعجبني · 1

Hanna Chawi
ياليتني ماعرفت انك اسمر خخخخخخخخخخخخخخخخ
ياحرف علّي المستوى بساح الرجال**اللي بحترمهم بالحرب عندي قلال
لو حرف علة جيت تقرب عالنزال***روحك بساحي بشيلها وبنهي الجدال
قشرة بزر خليك أو موزةّ صومال******مزحّلق رجال الفكر ومجادل محال
شك الخرز تا العين ماتصيبك منيح****بيكفيك شو خبيت قتل واغتيال
منذ 3 ساعات · أعجبني

Elhazamr Sugar خوذ راحتك هههههههه

روحك بجسم حبست مش تاتفـــــتري = ان جرّمـــــت فيها المجرم بتبري البري
جسم القصيدة حروف قمح ببيـــــدري = وروحك بجسمي تجوهرت من جوهري
التزحيط مابيمشي معي ع مـنبـــــري = بيكســــــــر غلاف الراس للعقل الطري
الجوهر بدون غلاف ماصانو الزمان = وجسمك بــــــدو تيـــــــاب تتعرى زري
منذ 3 ساعات · أعجبني · 1

Hanna Chawi خخخخخخخخخخخخ
تعريت ابرزلك زنودي والضلوع*****ياحرف حتى تخاف تسجدلي ركوع
شو قصتك للقمح عندك صار جوع**والجسم عاتراب الفنا ناسي الرجوع
من كتب كانت منزلة شمس السطوع **بتقول أصل اللب والباقي فروع
نيال قلب بروح جسم المهتدي*******مافي بقلبو غير إيمان وخشوع
منذ 3 ساعات · إلغاء إعجابي · 1

Elhazamr Sugar تع لقلبي لكن هههههههههههههه

هالأرض مهما تعتني بأمجــــــادهـــا = بتضل هيي الأم نحــــــــــنا ولادها
وقصةّ تقمصنا انردت إبعادهـــــــــــا = بجبلك دلايل كافية بأعــدادهـــــــــا
لوما الجسد للروح شو كان فادهـــــا = شلحنا الأنس والجن صاروا عبادها
وكبر المصيبة الروح تأمر ع الجسد = وتلزق خطايا روحك بأجـــسادهـــا
منذ 3 ساعات · أعجبني · 2
Hanna Chawi
والله تاخاطبك بمعتقدك ياحرف خخخخخخخخخخخخخخخخخ

يارب قبل الختيرة بكثير ** روحي تاخذها من الجسد بكير
الليلة قبل بكرة الجسد فاني ** وترد روحي لجسم طفل زغير

مالروح مابتفنى بإيماني ** بتشلح غلاف بتلبس بتصوير
جسم النقاوة بطهر رباني ** فيها صفا وتقوات ومشاوير

واجسادنا ياحرف خلقاني ** وللروح لوما مننسب التقدير
لو شلتها من جسم إنساني ** بكل دين إلها معتقد بيصير

حتى إذا بشي معتقد ثاني ** الغلاف لما للقبر بيسير
إياك تنسى بدرب لدياني ** بيحاسبوها أنكر وأنكير

ولو رحت عامنهج فاتيكاني ** الانجيل بقرا وعارف التبشير
ايليا بيوحنا المعمداني ** تجسد تاكفا رسالة التطهير

جسمك خطايا جروح ذبلاني ** حامل شقا وشقيان بالتعثير
والروح بالإحساس ربياني ** بطلاّت شاعر ملهم التعبير

روحك بخمس حدود ألواني ** بيزهوا شعاع المعرفة بتفكير
وشعر وحلا وإلهام ملياني ** وبأمر ألله بتنقل الأرواح
وعليه وحدو الحكم والتدبير

**********
وبشكرك خيي حرف على الجولة الحلوة واسف اذا صدر مني شي يزعجك
انت ملك الارتجالي وبتعرف بيمرق هفوات احيانا ونشالله بيكون النا لقاءات
عديدة بالمستقبل على طول وسرني هاللقاء معك ويعطيك العافية
منذ 3 ساعات · إلغاء إعجابي ·
منذ 3 ساعات · إلغاء إعجابي · 1

Elhazamr Sugar
أهلا وسهلا فيك خيي حنا ومابيحك الذهب إلاّ الذهب والشرف إلي كمان
ونشالله منتواصل دائما وع فكرة كنت حبك متر
وهلق صرت حبك كيلو متر هههههههههههههههههههههههههه
=======================

ع معتقدنا لو سرت حــــــافـي = تهرب من اللي بيعــــدم العافي
بدلت البلية في ثوب فـــــــواح = ورجعت ع غلاف الطفل لافي

لاتخاف مني إعدمك بســـلاح = مازال عم تهرب مابتجـــــــافي
بمشي معك وبكلمتين مـنـــاح = تدبيرنا ع ربنا الشـــــــــــافـــي

وتانقول قلتلك الروح شــلاح = وغني معي ع الوزن والـقــافي
ماكنت شفت بعينك الممـراح = دموع البكت ع غلافك القـافــي

ولولا بتقمّص تجمع الأرـاح = ان فقت بطلوع الروح ياغـافــي
بتقشع الروح بتشبه الأشباح = بتروح وبترجع على الخــــــافي

وقديش فيها هــالدني صلاّح = أجسادهم بركات مضيــــــافـــة
لما توفوا الشعب كلــو راح = من جســـادهم يتبارك بلمسـات
وعفةّ وطهارة من ثوب صافي
منذ 3 ساعات · أعجبني · 1