على روح ولي الدين المرحوم الشيخ ابو حسن عارف حلاوي

إهتز الفضا والغيم عبّق بالحــــداد
إرتجفت الأرض الكون داخ بكاملو
قالوا فقدنا سيد كان بين العــــبـاد
تلقّب أبو والإبن ماشفنا إلــــــــــو
قلت عارف بو حسن مالـــــو ولاد
عارف حلاوي المتقي من أولــو
اللفات يوم الأجر غطّت ع السـواد
وزحفت ع نعش الحق كان بداخلو
وع جبين أطهر نفس شفنا النور زاد
وشعشع ضريحو وقال بالصوت الملو
لوما يجي بعدو أبو محمد جـــواد
ضيّع طريق الدين درب معــاملو
وسلكت درب الصومعة بعمر الفتى
حتى بنعيم الآخرة تبقى تفــــوز
وكنا قاموس الدين نعتبرك مــتى
فقـه الديانة كلما ما كلمة يــعوز
ولمّا الموت ع العولمـة طل وأتــى
مش بس خسروا سيّد بّصدق الدروز
صارت عيون الكل غرقاني شــتا
خسارة على لبنان عدّوا غيبتــك
والأرز بدل الدمع هرهرلك كروز
==============
ياولّي الدين من ماضي السنـــيـــــن = يللي وقفت للحق وقفـــــــات الأسـود
وياما بمحبة وسدق مكرمت البـنـيــن = ويوم الحرب والسلم سطرت البنود
ومن كثر ماتنـبأت عنك ســــــامعين = مرهمت علم الغيب وجراح الوعــود
وخمسة الحدود غيابهم مستنظريــن = برجوعهم عنّا أمـل معهم تعــــــود
انشالله الخمس ألوان عنّا المعصومين = يشقوا الحجاب ويرجعوا بلون الجديد
ومعهم تجي وستة رح نشوف الحدود

* * * * * * * * * * * *