ضهر الأحمر 16-5-2013

من طرف **عمار البراضعي** 5/17/2013, 1:12 am

إلك ياضيعتـــي انقــدمت وِدي
قليل بحقك المعطـــــــاء وَدي
إلك روحي وإلك قلبي فــــدية
وإلو جووك ليش محقـون مدة

لأهلك جيت وجهلن تحيـــــــة
كبار زغار بالأعمـــــار مدي
كثر ماترابك الغـــــالي عليي
دعاني الواجب الشعري تأدي

مابدي فوت بأمور البقـــيــــة
ولاسمّي مشاكلك حق وتـعدي
ولابدي بشب إتلاقى وصبـــية
مايرمي الوقت لو بيمر حـدي

هيك عرفتك بأيــــــــــام بيـي
وفيكي ربيت عاحب ومــــودة
ضيعة متل جنة سرمــــــــدية
بوادي التيم محسودة بيـقـــدي

فيكي بكل بيت بحس خيـــــي
واختي وكل كهل كبير جــدي
بدي تساعديني بهالقضــــــيـة
وعاخير مشاكلك كلها اتــعدي

انا ضد الشمـــــولي بعائـــلية
الماعارف وين مشكلنا بيـودي
وعاواجبنا سـوا نذهب ســوية
مش قسمين أنصاري وضـدي

هيك بشوف فيكي المعنـــويـة
ماتحكمنا السياسة مستبــــــدة
لأنو كل مابعدنا شـــــــــويـة
بشعر كف عم آكل عاخـــدي

لهالأسباب ياضيعة وفيــــــــة
بدي توضعي يدك بيــــــــدي
لابدي مكاسب ولا عنتـــــرية
ولاكرسة ومنصب ومابريد إلا
غير الشمل تانلموا مابـــــدي