قلق

قلق
===
ليل وسهر ياونسةّ الشعار
وبهجةّ حياتي من الطفولية
طلوع الفجر شو كان مني يغار
مفكّر بزوغو كان ع ديي

ولما ع شغلي صرت كل نهار
روح ودوامي صعب يومية
تركت السهر تالجسم ماينهار
من بعد خبرة مش طبيعية

الغاية مبارح ليش ؟ نومي طار
مدهدك خرقت بفرشتي شوية
وتروح أفكار وتجي أفكار
وفز القلق يتمرجل عليي

وكرمال عني إكشف الأسرار
شوفوا شو صار بحالتي وفيي
فكرت لو بهجي القلق مشوار
بترجع البهجة بنام ليلية

بلش يقاوم ماعرفت شو صار
ملقّح مغمّض كنت عينيي
ماقدرت إغفا وقلت ياعمار
صارت الساعة أربعة ولو نمت
كيف رح بتفيق صبحية
==++===+=++====