منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قلاب لعيد ميلاد الشاعر محمد ابو حمدان

اذهب الى الأسفل

قلاب لعيد ميلاد الشاعر محمد ابو حمدان Empty قلاب لعيد ميلاد الشاعر محمد ابو حمدان

مُساهمة من طرف عمار البراضعي في 6/21/2007, 7:14 pm

مقـــضّــي وقتي رايح جـآ ... فتّش عارفيقي الفـــــنان
قـــــالوا لقيتو بجاوب ايـه ... إسمـــو محمد بو حمدان
.......
بإبن اصول الشمل التم ... وحن الدم بدون ميـــول
بدون ميول وحــن الدم ... الشمل الـتـم بإبن اصول
بعمر وقبطانين ويــــــم ... يزول الهم العمر يطـول
العمر يطول يزول الهم ... بيـمــين وقبطان وعـمر
وعمرين ويـمّ وقبطان
****
بفكر يجـود بشرق وغرب ... وتحت الضرب يخط بنود
يخط بنود وتحـت الضرب ... بشرق وغرب بفكر يجود
بهجر ولبـــــنانين وحرب ... انشق الدرب مندعي يعود
مندعي يعود انشق الدرب ... بحربين ولبـــنان وهــجـر
وهجرين وحرب ولبنان
****
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

قلاب لعيد ميلاد الشاعر محمد ابو حمدان Empty رد: قلاب لعيد ميلاد الشاعر محمد ابو حمدان

مُساهمة من طرف محمد أبو حمدان في 6/25/2007, 11:32 am

لما قالولي من بعيد ** عيدك من أحلى الأعياد
قلتلن أيام العيد ** انشالله عالكل بتنعاد

لما قبال العين وقفت ** الحب عرفت دروبو وين
وين دروب الحب عرفت ** لما وقفت قبال العين
صيادين وطير وجفت ** فيهن شفت الغربه وين
وين الغربه فيهن شفت ** بجفت وصيادين وطير
وجفتين وطير وصياد

بعيد ومعكن مش موجود ** وبدي عود ومش بالأيد
مش بالأيد وبدي عود ** ومعكن مش موجود بعيد
بعوادين ولحن وعود ** بأحلى ورود غمرنا العيد
العيد اغمرنا باحلى ورود ** بعودين وعواد ولحن
ولحنين وعود وعواد

========================

يا عيد جايي تنام عا ايدي ** وانت شايفني بدني بعيدي
لا طالع بايدي الفرح بالعيد ** ومش فاضيه محطة مواعيدي
شو فرحتي بعيدي وأنا اللي بعيد ** عن ضيعتي وكرمة عناقيدي
وعن اخوتي وأمي الرضاها بريد ** يضل بحلم عمري سما جديدي
عيدي مش بشمعه ولا طقم جديد ** ومش بالورد وطيور غريدي
لكن بأجمل يوم بالتأكيد ** بين الحبايب بالوطن عيدي

========================

أخي وصديقي الشاعر عمار البراضعي... أنت عم تفتح جروحاتي فشكرا لك على الشعر الحلو, ويوم العيد الحقيقي هو عندما نلتقي في لبنان,اما الآن فنكتفي بالقول عيد بأية حال عدت يا عيد...وشكرا لك وتحية للجميع

محمد أبو حمدان
محمد أبو حمدان
محمد أبو حمدان
شاعر

عدد الرسائل : 7
العمر : 55
تاريخ التسجيل : 08/06/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى