حيروني

من طرف **7arf** 7/28/2013, 2:43 pm

حيروني 2 اصدقائي
===========
كل يوم ليش بيعملوا علقــــــــة
والحل إلها معقّد تشــــكّــــــــل
متل المسلسل كل يوم حلقـــة
ومحتار كيف بحل هالمشــــكـل

يوم شفتون سمن ع سكّــــــــر
ذابوا شمع ع بعضهن غيـــــــرة
وبيوم ثاني أسمر السكّــــــــــر
تفاجئ لقاهن شحم ع فطيـري

وطليت تاقطّع وقت زهقــــــــان
وطيّر زعل مـــــــوّه على بـالـي
رجعت أكثر ماكنت زعـــــــــلان
وقرفان من حالي بهالحـــــــالة

مش هيك بيكونوا سوا الإصحاب
مصدر قلق أكثر من الراحــــــــة
وكل يوم ع بعضن بيشنوا حـراب
وبيتركوا الزعران بالســـــــــاحة
خلفن شماتي تجاهلوا بأسباب
رضيوا سوا بقلة أو نياحــــــــــة
وبحور غدارة بموج عبـــــــــــاب
بعين الحسيدة تقطعوا سبـاحة
ماالعمر مارق والزعل كــــــذاب
لازم تعيشوا زهور فواحــــــــــة
وماتفتحوا صفحة بقلب كتــــاب
فيها مشاكل آدم وحــــــــــــوا
الباعوا الجنة لأجل تفاحــــــــة
================
ياويلي عليهن ههههههههه

من طرف **7arf** 7/28/2013, 3:36 pm

انتي وياه
=====
يامســــــافرة وبقلوبنا تركتي اللهيب
لاتطولـي بسرعة رجعي بعد المغيب
وياســـر ياخي الروح من قلبي قريب
فينا التآخي عــــــــانق هلال وصليب
شوفوا شو بدي قول بالظرف العصيب
ومني اقنعوا وإوعوا قبل ترم المشيب
غيرك حبيبة بشــوف مش رح ينتقي
وبعرف بأنــــــــــو ما إلك غيرو حبيب
====================
وياويلي عليكون شو بحبكون
=====================

اسمعي شو بدي قلك
=============
ياتاركي رفاقك بشوق تسمعـــي
لاتطولي قلوب الأحبة بتفجعــــي
ناطر صديقك مارد بعين الوعـــــي
وبين الوعي واللاوعي مابيتدعـي
ولما حبيبك ع النقد جد السعـــي
مابتركو باقي معو وهوي معـــــي
كرهنا الإستفهام وشطبنا السؤال
وناطر جوابك بالسلامة ترجعــــي
====================

حيروني

حيروني

رد: حيروني