مذنب

من طرف **7arf** 7/28/2013, 3:09 pm

مذنب
====
مشتاق... إهجي..
ومين ؟ رح إهجي.
مازال شفت البحر
نطيطة
تخبى ع شطو خلف
لغطيطة
ونقّز شعوري وطيّر البهجة

وقدرت حطو
بقلب
قنينة
بحرو مفصّل متل
مغيطة
غلطان مابيرد
ع العيطة
ولاضل أمرو كتير يعنيني
==============
ووحدو الأسمر قد دزينة
وياويلي هههههههههههههههه
=======================

ألشاعر سليمان طراد كرمال ..مدري مين عقلك طار
وقلبك ضرب ..مسكين يا اسمر
وبلشت تهجي البحر ليل نهار
وناسي البحر من الفنا اخطر
تروى يا سطلي الشعر والاشعار
ولا تزت حالك ببحر همدر
رح يهرمك متل البصل وخيار
ويعزم عليك البرغش وتا تصير
طيب عا راسك رشرش السكر

روح لعاب مع جيلك يا صبي
=================

Elhazamr Sugar رح لعبك بالاربعة ياطاعن بظهري
==================
بعدك يابرحليون بالعزة
بقلبي بعيوني في إلك عزة
وعا قد مابعزك صدمني البحر
قيمي التعازي وواجبي عزي

ضيعة وفايا أهلك محبين
هيك ابتدى المشوار يتعرف
جارة قريبة بجنب قنوبين
الفيها القداسة أطهر وأشرف

ووينك ياعشّي البلغدر معجون
ممحون ومّ ملعن صرت باين
كل شي وفا بعرف بّرحليون
بيطرد طراد بمطبخو خاين

وكلما بلايي بتفتح مطابخ
شاطت الطبخة وانتهى المشوار
أنّب ضميرك قبلما الوابخ
يحكي الحقيقة ويفضح الأسرار
لاتضل قرقة ع الوهم رابخ
وتقول عني ياسر وعمار
تعلّم لحم أسمر إذا طابخ
مابيستوي لحمو بشراسة مر
وبتضل تنطر بحص فوق النار

===============
والله تاحرمك تخون وتحكي مين الاسمر
=======================

ألشاعر سليمان طراد

يا اضعف الشعار نيعك سد
وعا معلمك بالشعر اوعى ترد
نحنا انا وعمار ناس كبار
وشعّار نبر ون من كل بد
عرفتك انا من خلقتك ثرثار
وما وقفت بالموقع تحلل رد
انتي جريمة عا دني الاشعار
بدك عا مصطبة المواقع مد
وينقد لجمك ست سبع متار
ونبني مدينة للجهل عن جد
بتتزكر التاريخ الياسار
من جلد غنمة متلك زغيرة
عملت مدينة وعد خلفي عد
=============

Elhazamr Sugar مارح حل عنك تاتتوب الليلة وتركع انت
والبيشد ع مشدك ياخاين
===================
سكوت ولك. هدي البال هدي
مع أسمر قبل ماتقول ردة
ولا تعتب بقا مرة عليي
إذا ذينيك فرفكتن بيدّي

لاتغلط مع إله الشاعرية
جبينو زيت عم يرشح مندي
وانتي الصنفوك شويعرية
بالونك طار مش عارف يهدي

أنا بحر الزكا والمعنوية
عطيتك فلسفة بجزري ومدي
ويادبّاغة انت كلك أذية
بتجيني مزعبر وواقع بشدة

العشرة رفعتها قبالي هدية
تاإسلخلك جلد عنزة بمودي
رجع جلدك رعاك بهالقضية
نسي إني صعب رقم التحدي

ع غيري فيك تعمل عنترية
وبحر تكون بين مزحك وجدي
لكن كل مابتنسى الوصية
بتاكل قتل مني تاتفرّخ
وبعد ماتصح جرّب بعد مدة
==============
ولك روح انضب عم تحكي مين اسمر بغيابي
وماقلتلي كمان تحمّل طق من معلمك
=======================

ألشاعر سليمان طراد تركني غزل اكتوب ما بدي كون
متلك رزيل وبالحسد مليان
اتغزل على النت اعطي فنون
ولا اهجم على النار بالبلّان
انتي عرفتك بالزجل مجنون
وعامل ادارة بتكره الفنان
بتحب تهجي بلا وعي وبتخون
متلك رفيق الدرب يا تعبان
تعلّم من البحر الأمانة صون
ولا تكون متل الضيّع العقلات
وعاش بتورنتو وما دعس لبنان

حل عني بكفيك اليوم تعلم الزجل بعتب عا عمار اللي سمح بهيك مهزلة
=============================

Elhazamr Sugar روح ع مهزلتك هون ممنوع الخيانة
==================
استحي ولا تطم افعالك بجورة
ونفسك تحرق زيادي بغرورة
غلطت مفروض إقشع إعتزارك
ماتكابر غلط هون الضرورة
ضمير الحر مافي يوم زارك
بحر غدار شختورة بصورة
لاشعرك بالغزل تارك اثارك
ولاصوتك حلو متل الناعورة
ولأني ذينتك بالشعر فارك
حسبت المهزلي للشمس نورا
مبين مين عقلو صار تارك
ماكنت تركتك بداخل تورونتو
ضميرك لو وعي بالطورابورا
===============
والله قليلي عليك
==============