مجزم

من طرف **عمار البراضعي** 6/27/2007, 9:42 pm

عالطمـــــيش مشينا وليش ... مع معليش بأوطاني

كِفوا الطيش بيحلى العيش ... بهمةّ جيش اللبنــاني

.........................................

بوحدةّ حال بيهدى البـال ... ودين المال بيتــســكر

منّو محال الوحدِة ننــال ... وعاتلال الارز منسكر

وخرج قتال نربي شبـال ... تشق جبال وتتعســـكر

عنا رجال بهيك بمجـال ... لإستقلال الثـــــــــاني

****

صعبة ننام بهالأيــــام ... بحاخام عليــــنا تجنى

ومن أعوام الإستزلام ... خاص وعام بموطنـى

فيقوا عام من الاوهام ... الحالة ركام ووين كنا

كنا مقام العالي وهـام ... صرنا رخام خليفــاني

**********************

من طرف علي عامر 8/12/2007, 8:21 am

قلبي داب وشرّع باب وللاحباب الشهد انصب

بخط كتاب بشرع الغاب وما في حساب ل ريح ان هب

والسرساب بلا اسباب اتجلى وعاب ونيّم طب

على العتاب بظلمك جاب الموت وشاب الانساني

من طرف rawad 9/21/2007, 12:41 am

شعري نار وعقلي طار---- وراق الغار الليلي بشم
وليل نهار بضخ فكار---- كبار زغار بتحمل هم
بأخذ الطار علي نجار---- الدهر وصار عليي يطم
وببني مزار بعمر دار---- وبعمل مار وسرياني

يا شباب المجزم بينكتب بهالشكل والقافية الي بنص الشطر ما فيك ترجع تستعملها مرة ثانية لانها بتصير قافية من القوافي وقبل كل قافية بنص الشطر لازم يكون في كلمة كاملة

من طرف Satr 9/23/2007, 5:29 pm

كـلما بفز وســيفي بهز---الحلوي الرز عليي ترش
جروح تنز بضربة عز---رقـاب الوز كـوام بقـــش
رماح بغز ولولا انــدز---عـليي بـوز وفـيي فـــش
عـقـل يـلز وجـرح ينز---وســيخ يجــز الريحــاني

من طرف rabeaa 9/30/2007, 3:48 am

الزهر انبل بعطرو غل ...فيي ظل وما بروح

اسمي بجل بكل مطل ...الفعلو حل وعمبفوح
وكل ما استل بايدو طل...باقة فل وعمبتلوح
بســـلم يهل حــتى تفل ...كلمة ذل وخسراني

من طرف **7arf** 10/4/2007, 2:27 am

دق طبول بحكيي أصــول ... تفضل جول البـــاب اندق

بأحلا فصول بتعطي حلول ... طلوع نزول وعندك حق

بدون ميول منعطي قبول ... نسينا نقول النــــــور انشق

تاما يزول بعرض وطول ... ونسقي حقول العطشـــاني

من طرف wafa 10/12/2007, 8:04 am

كانو زغار صــارو كبار ** ليــل نهــــار يتلاقــو

ما فـــي دار بيــت وجـار ** كانو كتـــار عشــاقو

ويللي صار قِسـي وجَـار ** وراق الغـار عَ فراقو

كتير انهار وفِكـْرو احتـار ** وبقلبـو نـار شعلاني

من طرف **عمار البراضعي** 10/13/2007, 5:06 am

كانوا 2 من القـلبــيــــــن ... بيوفـوا الدين بحب كبير

حرف الزين وحرف العين ... بدرب العين تلاقوا كتير

وفجــأة ووين غراب البين ... فـتـّح عين وعـــاد يطير

وع الميلين تـفـــــــرّق بين ... عرس الزين من التاني

من طرف wafa 10/14/2007, 8:41 am

من غاب وجاب من بحر وغاب ** حضر ما غاب هالانسان

شــعرو شاب ، وجســـمو ذاب ** وبسهمو صاب الحسّان

لا خاف وهاب ولا كل ولا تاب ** وجرحو طاب بِ لبنان

دق البـــاب وظنّـــو مـا خـاب ** وغيرو ما عاب بإهاني
-----------------------------------------

بيكون قدّاس منــدق جراس ** خماس وسداس منتجمّع

والناس اجنــاس وكـل الناس ** فـوق الرّاس بتتربّـع

منقيم اعراس بيـعلا قـــواس** منشرب كاس وبتولّع

وعهلْ اساس بالخمس حواس ** منهدي كياس حرزاني

من طرف علي عامر 2/9/2008, 10:46 am

ع المردان وع الأزمان بفت زمان بشيطنتي

ملوك الجان بغصن البان شنقتن بان بلأمنتي

سر الشان بحده سنان سيوف ودان لجهلنتي

هـ الرحمن من الأوزان الفديه جنان وشي عيانه

مجزم

مجزم

رد: مجزم

رد: مجزم

رد: مجزم

رد: مجزم

رد: مجزم

رد: مجزم

رد: مجزم

رد: مجزم

رد: مجزم