خاين ومنبوذ

من طرف **عمار البراضعي** 8/19/2013, 5:45 am

خاين ومنبوذ
=======
لما الوحي بالشعر بشـّـرتــــــــو
غلاف الفضا بكير قشــــــــــرتـــو
حدفتو بسرعة قابل الملكــــــوت
حتى بزجل لبنـــــــان حشــرتــو

الموضوع فجأة بيعجب اللاهـــوت
المنــــــبر بيقلي بحب بهورتــــو
إشقـــــع قدر مافيك انت بيـــوت
ومن يومهــــــا المدماك عمرتــو

وع المجد كل شاعر جدير يفــوت
بابـــــو أنا ولايــــــــــوم سكـرتـو
بس اللي إسمو بينطبع ع كـروت
ما رح يفيـــــــــدو كذب زنطرتــو

ولولا أنا بهالشعـــر كنت الحــوت
وبالارتجالي النصر سوكرتــــــــو
مابجبر رفيقي بحرب تايمــــــوت
ان كنو وفي عن خي صورتـــــــو

وكرمـال يتقدم مايبقى سكـــوت
من العجـــــرفة والحقد طورتـــو
نحنا اللي حـاورنا بحرف ياقـــوت
وانتوا اللي حورتــــوا وما حررتــو

وباقي الخمير الفاسد الملتــوت
بيحكي لغيرو سرار جوهرتــــــو
ومزتوت كل شاعر غدر منعـــوت
وبحس في نفسي ملان عيوب
لولا غسيلو بحقد نشـّــــــرتــو
==================
وياويلي عليي كيف دشرتو