يا...سر ويا ...جهر

من طرف **عمار البراضعي** 8/24/2013, 10:24 pm

سليمان
يا ..سر..!!
قديّش يا ها السر ..متخبّى
وعارف ما فيك تضل بالهوّه
بتعرف..ببييري همّك تعبّى
وما بتطلع من البير بالقوة

لا قصف بري... ولا قصف جوّي

شطّبت علّي باعني يا سر
وعمّرت هيكل خاطري بحجار
قلبي البقي متل الأرز مخضرّ
بلّش يعلّي السقف ..عالي صار

وقرش البيبارك ربّنا معروف
الله مبارك بقرش ل عمار

عمّرت بيتي بضيعتي ..ونسيت
انّو الوطن ..يا سرّ احلامي
بيوقف سنة كلما دقيقة مشيت
والحرب صارت حقد اجرامي
قررت قضي هون ايامي.

================
جواب من عمار
يا.....جهر

لاتضل متخبي ورا الإصبع
ياجهر وحدك كاشف الاسرار
بالبير سرك مابقا منطبع
والبحر نشّف كثر ماغدار

وعمّار بدو بيتك وحجّار

العمار عمرلك قصر حبو
الحجّار بعدو قصّب حجارو
القصّب وعمّر رحت تاتكبو
وعهرك رفض إرسال إعذارو

خايف يواجه شو حكي وهربان
حتى انفرك ع النت منخارو

بقدة حملت الخيط ع شناكل
وعمرت حارة وتركت دربي
وصفا بضربة الخيط متّاكل
حربي طويلة ضل بالغربة

ولاتعود تعمل بيننا مشاكل