ما إلي بالشبق عبق

من طرف **7arf** 11/6/2015, 10:02 pm

أحد الإصدقاء أرسل لي رابط
لأحد غروبات الفيسبوك فدفعني واجبي الشعري ان
الطش مدير الغروب لماذا لم يجاوبه.فقلت
======================

ياغروب الزجل هالحي حيك
الوحي بصنارتو الالهام حيك
بغير غروب قاموا شويعرية
افتكروا بيفتحوا عركات زيك
هجم ليهم بعركة حربجية
صوص اللي حمل إعجاب ليّيك
عصافير اللي بدهن عصفورية
تخبوا وطيبولوا عم يقولوا
يانسر الموهبة إشفق ع خييك
=============

وإلك ياموقع الكوكب بيحدّو
إدحر بالسما البيكون ضدو
النصر بتنال ورجالك منارة
وزعيمك حرف قائد من تحدوا
وبتاني محل في شاعر تبارى
بيهجي الكل ما استرجوا يردوا
ياعيب الشوم تتخبى الإدارة
بدل ماتوقّفوا تبقى ع حدو
أنا لوما انحذفلي بلا إشارة
وتركت الموقع بجهلو ع قدو
كنت للهاجمو بعثت الخسارة
وبرشّتو ونتفت دغري رياشو
ولمطرح ما إجا يهاجم برّدو
============

وياطير البلفضا ع الوهم رابي
إجاك الرخ إطلع ع سحابي
لفوق الغيم علّي بجانحينك
أنا للبحر بخّرتو سحابة
إذا بدك تحارب قول وينك
لقيني ورد ع سرعةّ جوابي
أنا الحرف المسح دمعات عينك
وفتح عين المعري بالإجابة
أنا ماكنت بدي سد دينك
ولا دافع عن حدا بشعرو مرابي
بس اللي زعجني بمطلعينك
بشعر الطائفي نسبت القرابي
العداوي بلشت بيني وبينك
بشريعة متل فيك تقول غابة
طليع ذكرت والمرحوم زينك
هوذي ملوك لاتحكي بإعابة
ع قدك بس شوف بعينتيك
وحقيقة كثير كان أشرف وأحلا
تصيرالخابية لعبةّ مخابي
=============
ويادلك اذا بتعلق تحت ايدي ياصوص عامل حالك نسر