تقرير طبي

تقرير طبي
----------
بزوغ الفجر بكير فيقتني
قلي غطست ؟ مافيك تسبقني
قلت مين مشارطك ع النوم
حل عني ولا تضايقني
قلي مابعرف. لاتزيد اللوم
كثار البيحطوا شرط سدقني
لكن اخترتك بين كل القوم
بحروف شعرك تاتعانقني
ياصبح قلتلو سنيني كوم
صاروا بوظيفة وعم ترافقني
وتقرير طبي في معي هاليوم
مكرّب أخذتو مبارحة إرتاح
تركني شي ساعة نام واعتقني

================

مزعج
-------
خلصوا الصبح والظهر. طل الليل
وبعدني مكرّب مافيي حيل
طفران ساعة بنام ساعة بقوم
شي بنجعي كل ربع ساعة بميل

محتار شو بعمل وحالي بلوم
وكل وصفة أخذت منها كيل
مافي دوا بيريّح الزلعوم
زهورات أو نعنع ومتة بهيل

ياكريب من كل البشر مذموم
الخيّال عم ترمي ع ظهر الخيل
لكن حرف رغم الوجع محموم
أحلا دوا بيكتب تايتسلى
وياويل ويلك ع الشفا ياويل
=================