منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تضييع وقت

اذهب الى الأسفل

تضييع وقت Empty تضييع وقت

مُساهمة من طرف 7arf في 7/21/2007, 3:32 am

بيتقلدوا هالغرب تايعطوا فنـــــــون ... وبيـتركـوا تاريخنا الفني المصـون
ووقت اللهو واللعب عملولوا زبون ... وعن تــاريخ بلادنا غضوا العيون
وحكّام متلن غرّقونا بالديــــــــــون ... وأغلب رجال البلقرى صابا جنون
أربع خمس ساعات قعدوا عالـورق ... ياويلهم لو عـــــاد عالدنيي هارون
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

تضييع وقت Empty رد: تضييع وقت

مُساهمة من طرف 7arf في 7/21/2007, 3:44 am

مرة قريت كتناب من ماضي بعيد
عن شخص كان مميز بفعلو الوحيد
وبدو العمل تايبرز قبال العديد
بيروح قاصد قصر هارون الرشيد
قلو اذا بتسمحلنا ولولا تريد
بعمل قبالك معجزة نوعة فريد
رد الرشيد وقال اعطينا المزيد
بين شو عند هات نقشع أكيد
من جعبتو علبة ابر شالا بإيد
وشك وحدة بقصد نيشانو السديد
وع ىثقب إبري وزّن وزت الحديد
الوحدة بإختا تفوتعنها ماتحيد
ولما اتطلع صوب هارون المجيد
ناطرلا تايآخذ جايزة فعلو المجيد
إلاّ وهارون بيسألو يامستفيد
قديش صارف وقت ضايع يابليد
قلو إلي تلاتين عام بكل جيد
رد الرشيد منمنحك احلا رصيد
ميِّت دينار مكافأة عامهارتك
وميت جلدة بوقت ضاع ومش مفيد
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

تضييع وقت Empty يلا يا حرف

مُساهمة من طرف عمار البراضعي في 7/21/2007, 11:40 pm

ياحرف كنك بالوقت حـــــــــاضي ... ومـاكون عنك يوم متغـــاضي
عبي وراق المنتدى أبيــــــــــــات ... بتصير ضمن المنتدى قـــاضي
هات شو عندك عطينا هـــــــــات ... تانشوف وقتك عالزجل قاضي
بضطر متلك أغلب الأوقــــــــات ... أزرع ورود الشعر بحـــواضي
لكن اذا بتحكيلنا حكـــــــــايــــات ... عليها الزمن مدّة إلو مـــــاضي
لابكون مـــــــاضي دفترك بالذات ... ولا سيف مني بحمّلك مــــاضي
ومنشان مايضيعوا سدى الساعات ... وعليك إبقى بموقــــعي راضي
جولةّ تحدي فــــــــوت بالعركات ... حتى يقولوا حرف مـــــع عمار
مابيهدروا وقتن على الفاضي
*****
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

تضييع وقت Empty رد: تضييع وقت

مُساهمة من طرف 7arf في 7/22/2007, 10:57 pm

ياعمار يعطيك العــــــــوافي ... حتى ترد وقتك خوذ كـــــافي
ولاتتغاضى على كثر الكتابة ... بتعرفني أنا حرف القـــــوافي
يعني مابين سلبي وإجــــابي ... تيقظ حاجتك بالشــــعر غـافي
وقلي كيف بتحب الأجـــــابة ... مودة ومدح أو حـرب وتجافي
على الحالين عاملك حسـابي ... ومنك حرف ماعنـدو مخـــافة
الحكايا لغيتها بموقف إهــابي ... تاجبلك سيف ياعــنق الزرافة
ياطالب بالوقت افتح حرابــي ... الوقت والسيف مابدهم لطافي
إلك بسّـتـل سيفي من قرابـي ... لأنو الوقت متل السيـف قـالوا
اذا مابتقطعو قطعك بعافة


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

تضييع وقت Empty رد: تضييع وقت

مُساهمة من طرف عمار البراضعي في 7/23/2007, 9:12 pm

حاجي بهورة ياحرف حــــــاجي ... وعلينا مكنـفــــش وعامل مزاجي
أنا ديك القوافي بكل منــــــــــبـر ... لحمك بسكـــــــبــو مرقات ماجي
انا الوقت البيخــــلي الأرز أخــضر ... ملك للشـــــعـر كرز الارز تاجي
حاسوبي فاتحو في ضهر أحـــمر ... عرين الشــــــعر علالي دراجي
استــحي ولاتعد حالك إنت أكــبـر ... وعلى ربك اذابتعـــــمل حلاجي
بكفي بخلـــــــــــــعو فك الغضنفر ... اذا بيحـــــاول يـقــّــرب سياجي
انت لو كنت دفتر هرش خـــــــتير ... حاسوبي عـَــالج ولاقى عِلاجي
وديوانك مابظن يكون أشـــــــعـر ... من مــــــــوقع نشــرتو بأبتهاجي
انا بــــــحر البحورة انكنت مجـبر ... بّوعي الموج عالشــاطي بهياجي
لا تحــــــــــاول ياعتم الشعر تثأر ... من نـــــور الضوا كل الديــاجي
وبين كتاب أو حاسوب إحــــضر ... وتعا للنــــحر يا عنق الدجــاجة
ولأنك أضـــعـــــف بقلك تحضر ... بجمل قالوا النصيحة وانت نـقي
انكنت للذبح ع سياخي بحاجة
****
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

تضييع وقت Empty رد: تضييع وقت

مُساهمة من طرف 7arf في 7/24/2007, 4:05 am


ياحرف . كلـــــــما الناس نادولي ... بخلي حروف الشعر مصــقـــولي
وعاشكل حرف السيف كل قطوع ... بيفرم عناق بشكل تـبــّـــــــــــولي
معروف عني حرف مش مصنوع ... وياما حكايا حروف غنــــــــــولي
وعمار صاير بالشعـــــــر منزوع ... وأغلب فكارو وهــــــــم مجـبولي
قضيت وقتك عـــــــم تشـد طلوع ... وصارت عصابك ضعف مـشلولي
وتانفترض خيرتني بمشــــــــروع ... نفتح الحرب وبرمــــــــج حـلولي
اقرا بكتاب البرمجة المطــــــبوع ... بحاسوب أو بكتاب مقبــــــــــولي
نقي شوبدك حاج ذرف دمــــــوع ... كثار عنك ناس قـــــــــــــــالـولي
وعامنتدى أجمل عطر بيـضـــوع ... بالارتجالي مدوني حقـــــــــــولي
يلا لاقيني وافتح الموضــــــــوع ... اخــتار قبلي معوّد الشـــــــــــعار
الهين خذوا والصعب خلولي
****
لاقيني على الموضوع بمروج الزجل !!!


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى