كومبيوتر وكتاب

من طرف **عمار البراضعي** 7/26/2007, 10:02 pm

لاقيني ياحرف ...

على كتاب وحاسوب

..........................

يا حرف عمر الناس شمع وع ميذوب ... وشوالعمر؟ رمشة عين مايل ع الغـروب

ومنشان نحيا بشعرنا ونعطي طيــوب ... بشرق وغرب وشمال مع قبل وجـنـــوب

رح اسالك بالعلم رود الكون جــــــوب ... ونقي من الــــدربين درب من الـــــدروب

الحاسوب درب كل فضلو ع الكـتــاب ... يمّا فضل الكـتـــاب قولك ع الحاســـــوب

* * * * * * * * * * * *

من طرف **7arf** 7/26/2007, 10:06 pm

فضل الحاسوب بجمع تلقائي الحساب = فضل الأمومة ع الصبايا وع الشباب
هوّن علينا امور في حل الصعــــــاب = ناطق بيحكي كيق ماطلبتو استجــاب
انخيرتني بالفرق رح قلّك جـــــــواب = فـرق السهل من نجم ساطع بالسحاب
وصعبة كتاب كبير يطبعلك حاسـوب = أمّـا الحاسوب بيطبع بلحظة كتـــــاب
==============================

من طرف **عمار البراضعي** 7/26/2007, 10:08 pm

ليلى كتبت:

أتخيل أن هذا الموضوع المهم بين الكمبيوتر والكتاب هو من أهم المواضيع التي يمكن أن تطرح في هذا العصر، ومن أجملها معالجة هذا الموضوع الشيق شعريا بين شاعرين يعدا من كبار الشعراء على الصفحات الإلكترونية.
ننتظر من الشاعرين معالجة هذا الموضوع الشيق، فها هو حرف قد تبنى الحاسوب وحسب له حسابات مهمة، وسيرسوا الكتب على كاهل عمار وهو ند له.
في القديم قيل " السيف أصدق أنباء من الكتب" لنرى اليوم ما هو القول الجديد?!
=================================
عمار :

شكرا لكي ليلى على تعليقاتكي الشيقة التي ننتظرها كما ننتظر القصيدة .
===========================

الموضــــوع إلليّ مابيقدر يعمـلـو ... ماييدخل بدرب ومصـــيرو بيجهلو
خليك هـــــادي كتابنا لاتبـهدِّلـــو ... بعدو نجم ســــــــــاطع والله مكلـلـو
ولمّـــــا إلهك ع الخليقة أنــــزلـــو ... ما أنزل الحاسوب حتى تفضّــــــلو
وحتى البيحصِّل علم كون بكاـمـلـو ... مـــاستعمل جهازك اذا ماستعمــلو
وتاخبرك بيل كيت علمو الحصــلو ... وكبر البرامج منسبة كلها إلــــــــو
لوما قرا بكتاب وتعـــــــلم منيـــح ... برنامجو ماكان قادر يعـــــمــــــــلو

* * * * * * * * * * * * * *

من طرف **7arf** 7/26/2007, 10:28 pm

تركني شي موســــــــوعة لبيتي اشتري = بتساع أكـــــــــبر مكتـبة بتذري ذري
حجما زغــــــــير بقرص ليزر منبــِـري = القانون منها تعـــــــــلم بتـبري البري
والكومـــــبـيــوتر عيب عصرو تزدري = أو تبدلو بغلاف وشويــــــــــةّ غــري
باسكــــــــال جاب الحاسبة بعقلو الـثري = ومش كل قاري كتاب صفى عبقري
وع كتــــــــاب ربك أنزلو لا تفتـــــــري = طهر الطهارة ع محـك الجوهــــــري
بلا معارضة لو أنزلو بقرص الحاسوب = لا تطعوج ولا بيعـــــتق ولابيهتري

==============================

من طرف **عمار البراضعي** 7/26/2007, 10:30 pm

شهرةّ شكسبير العظيم المســــــرحــي ... من كتاب فيها مشاركة فكار الوحي

وكلما حاسوب تجيب يافكار اسرحي ... بكتاب مرفق جانبو لا تطـــــــرحي

وكلمت اتطعوج يعتق القلتا استـــحي ... من كتاب دفترهرش سوكر مربحي

بداري كتابي وبحفظو بمطرح أمــان ... ع قد مامداري حاسوبك ينمــــــحي

* * * * * * * * * * * *

من طرف **7arf** 7/26/2007, 10:34 pm

جبلك حاسوب وبرمجـــو انكــنـو جديد = بتشوف شو مـنو حضارة بتستــفيد
بتوصل ع إنترنت بتشوف المزيـــــــد = من كتب أو بالبنك شو عندك رصـيد
لاتشبهو بكتاب أو تبقى عنيـــــــــــــــد = بالمختـصر رح قلك الفرق المفــــــيد
منشان تعرف قيمةّ رسالةِ بإيــــــــــــد = بشاعــر في عندو خي عن عينو بعيد
بفضل بصورة وصوت شوفو وإسمعو = شــــــو عاد بدي بالرسايـــل والبريد

==============================

من طرف **عمار البراضعي** 7/26/2007, 10:36 pm

تركني جفر نهج البلاغة برفـــــــعــــو ... بيسوى ألف حاسوب واللي بيجمعو

تركني بهدى القرآن آية بموضــــــــعو ... وبكتاب حكمة بينفعك مــــابتـنـفـعـو

تركني بتراتيل الصلا اللي بيدفـعـــــوا ... بعهديــن إنجيل الصلاةّ بيسطـــــعوا

ياقـــــاصد الوقت الجميل تقــــــطـّعــو ... مش حــق ولفك من رسالة تقطعـــو

كلما الحروب بتعلق وقطعوا الخـطوط ... من ويــــــن بدك بعد ترجع تقشعــو

* * * * * * * * * * * * * *

من طرف **7arf** 7/26/2007, 10:39 pm

الكتب الشريفة جوهرة ومقــــــــــــــدّرة = ونعمةِ كـريـمـــــةِ من البـــــــاري ومغفرة
واللي اخترعوا عقل آلي بمقــــــــــــدِرة = نعمة عـطــــــــــــــاهم في عقول مـــــنورة
وليك الفرق في حفظ نفس مطـــــــــورة = وحاسـوب غير (الرّام) مابعمرو اشترى
وتانقول إنو الحرب ع خطوطـو افترى = كتابك بنص اللـيل كـــيـــــــــــــف بينقرى
ولولا رجعت شي كم قــــرن اعِلـى ورا = ماكــــان للحــــــــــاسوب صورة مصورة
ولو كان عندو وجود من ماضي الزمان = من الصعب بالتـــاريخ ننسى شو جـرى
================================

من طرف **عمار البراضعي** 7/26/2007, 10:46 pm

مهما التاريخ تزورو وتخونـــــو ... بيبقى الكتــاب مسيجو ومزينو

وكتب السما اللي تزينوا وتلونوا ... بقلام قدرة من الآله تدونـــــوا

ومش بس تاريخ الخليقة أمـــنّوا ... فيهم بيقروا وبالحقيقة آمنــــوا

ولولا وجود الكتب بديان السمـا ... كنا جهلـنا الكون مين مكونـــــو

* * * * * * * * * *

من طرف **7arf** 7/26/2007, 10:52 pm

كان الكتاب مكــــوّن من المبتــدى = لما الكون يارفيق بالخلق ابتـــــدى
قديش عمر الكون مابظن ارتـــدى = إلاّ على التقريب وبتفرق مـــــــدى
ومن بعد ماالأنسان ع العلم اهتدى = خلاّ الحاسوب بيعرف بأمس وغدا
وتانقول في ديوان للشـــاعر بـــدا = من دون انترنت مابيآخذ صــــدى
وعالنت ساعة بكل كونو بينشرو = وقاعد بي بيتو دون مايكلّف حـــدا

============================

من طرف **عمار البراضعي** 7/26/2007, 10:59 pm

تركني قلم بكتاب للفكـــــــــــــر الرؤوف ... سامر حـبيبي وكاثبو بقلــــبي العـطوف

تركني بلا حاسوب صوب جبيل طـوف ... قدمـــوس ثـاني عالحجر خط الحروف

بتعرف بعلم الغيب ؟ ضحكت الألـــــوف ... من دون كتب ومعرفة شو عم تشــوف

سرك كشفنا البرمجة يافيلســــــــــــــوف ... إن فورماتيك الفيك كتبوهـــــا صفوف

ولولا ماكتبوا عليك عــــــــاشكل الكتاب ... ماقدرت تعرف بالكسوف وبالخســوف

* * * * * * * * * * * * *

من طرف **7arf** 7/26/2007, 11:17 pm

ضحكوا عليي كثار ماعرفوا الصـواب = بس الصبايا عليك ضحكوا والشــباب
عرفوا بأنو الكون سر من المهـــــــاب = مبارِك العلم ومجدو فـــوق السحــــاب
عم علّم الأنسان مش وهــــــم وسراب = مشرق بعكس الشمس مابعرف غياب
لكن انت شو شغلتك قبـــــــل الحــراب = إلاّ نقل أخبار من بعــــــــــد الخــــراب
سبقتك أنا مش نقل حكــــــــم وانتداب = ومن هون فرق الأفضلية يــاكتـــــــاب
كتبوا عليك ومابقى كلمة تســــــــــاع = وضليت صامت لا سـئــال ولا جــواب

==============================

من طرف **عمار البراضعي** 7/26/2007, 11:35 pm

كفى ياحاسب حضوري غيابي ... ومعبي سطورك من جيـــــابي
انا بلوح الوصايا شبهــــــوني ... وإنت مــابينك وبينو غرابـــــة

أنا اهل الدياني بيقربــــــــوني ... بسر وجهر في آيةّ قرابــــــــــة
إلي أهل الطهـــــارة أنزلوني ... تإهدي الناس من قبةّ سحـــــابـي

مهما بهالزمان تجـــــــاهلوني ... حاسوبك مابيلغي دق بــــــــابي
انا حجاب وانا للعنق قونـــــي ... وانت بالبرمجة عرفت الإجابي

ومهما بهالزمان تجـــــاهلونـي ... ونسيوني على رفوف الكآبــي
ذكرت اول شبابي بيشـــتروني ... ومشيبك مارح يضيّع شبـــابي

أنا بكتاب أهلي علـــــــــموني ... بعلوم وتربية وتاريخ رابـــــي
وعلى الجغرافيا مفتح عيونــي ... بآخر عصر لاتلغي حســـــابي

أنا شـــــاعر صريح بيعرفوني ... بــــــــــــارع بالقراءة والكتابة
وديواني زنبق ورقّة وليونـــي ... عايش والشعر بيعيش فيــــــي

وبعد ماموت بيعيش بكتابي

* * * * * * * * *

من طرف **7arf** 7/27/2007, 12:28 am

تعا ياكتاب تاقلك مقــــــــــــــــالي = بعصري من الصعب تخطر ع بالي
أنا من عقل آلي كتير أكــــــبــــــر = من ملاحف وراقك في مجـــــــــالي

كنت من قبل مونةّ خـــــــــير بيدر = بحقل العلم منجل للحـــــــــــــــقالي
تجمع بالحصيدة يامعـــــــثـــــــــر = ماعدنا منقبلك تجــــــــــــمع غلالي

واذا شي فرد حبك انت أكـــــــــثر = ونوا تايطالع سطور الرســـــــــالة
بدو يضل ليل نهار يســــهـــــــــر = الكسل بتعلمو وكثر البطــــــــــــالة

كفى تحكي ووهمك مـــــــــــاتدبر = بأشيا ماضية وفيـــــــــــــــها تبالي
وأنا بقرص الصلب ومحث ليزر = جواهر بحمل وحـــــــــــــامل لألي

انت بيّ الحاسوب اللي مختــــــير = وع بي وإبن رح اطرح ســــــؤالي
دورك بعد ماقريتو تسكـــــــــــــر = وطفى دور الإبن عتـــــــم الجهالي

تعا تاتعرف الحاسوب أخبـــــــــر = اللي صفى بيحرسك طـــول الليالي
عند ماتنام دورو صار مجـــــــبر = يفحص ضغط واطي وضغط عالي

واذا موصول مع دكتور أشـــــهر = وشاف القلب دقــــــــــــــاتو توالي
بيتلفنلو لوحدو بظرف أخـــــــطر = كتابك مابيعملها الغــــــــــــــــــالي

وبي بيتك شو نقص تلفن وخـــبر = مخزون وإداري وراسمــــــــــالي
وبإنترنت صار الكون يزغــــــر = وجلت الكون كلوفي خيــــــــــــالي

انا من الكاتبك يا كتاب أمــــــهر = جبلي كتاب تايحفظ قبــــــــــــــالي
وكتابك عند ما عليي بينشـــــــر = بتعيش بكــــــــــتابك شخص ميت

اذا قررت تنكرلي فضالي
==========================

من طرف salomon 7/27/2007, 9:36 am

حلووو كتيييييير يا شباب هيك بدنا حماس وجواهر شعريي

من طرف ابو شوقي 7/28/2007, 3:42 am

درست الكتاب صغير وبفكري نقش ... مثل الحفر با لصخر راسخ بالقلوب

ولما كبرت وعلم افكاري انفلش ... بديت القوافي رصها بقلب الحاسوب

ابو شوقي

رائعععععععععععععع ابو اسامه

بالتوفيق

من طرف **عمار البراضعي** 7/28/2007, 5:24 am

تحياتي وشكرا على مروركم

من طرف rabeaa 7/28/2007, 7:54 pm

حلو يا عمار يا عملاق

من طرف علي عامر 8/6/2007, 10:55 pm

حوار روعه

يعطيكو الف عافيه

لا تبخلو بالمزيد

كومبيوتر وكتاب

كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

رد: كومبيوتر وكتاب

حلووو كتيييييير يا شباب هيك بدنا حماس وجواهر شعريي

محاوره بين الكتاب والحاسوب

رد: كومبيوتر وكتاب

رد: كومبيوتر وكتاب

رد: كومبيوتر وكتاب