شروقية للملك موسى زغيب

من طرف **7arf** 8/17/2007, 11:47 pm

موسى زغيب 17/08/2007

لَيْلِـة ..

غَلَبْنـي النَّعَـسْ عَ مـْخَـدِّة الْحِـرْمـانْ

وِاللّيـلْ يِسْتـُفْ عَتِـمْ

تـَ يْضَـيِّـع الـْواشـي

وْمِنْ خَلْف باب الْمَضى

وْمِنْ طــاقْةِ النِّسْيان

حِمْلِكْ عَ غَفْلِة الْهَـوا وْزَتـِّكْ عَلـَى فْراشـي

وْلَمَّا بْعُيونِكْ

شِفـِتْ تِكْحيْلـْةِ الإسْبـان

بِاللّيـل قِمْت وْرِحِتْ عا قُرْطُبَة

ماشـي

وْلَمَّـا عَ صِدْرِكْ شِفِتْ

تِعْرِيْمِةِ الألْمـان

تْقَمَّصْتْ حِكْمِ الْفَرِدْ

مِنْ هِتْلِر الْفَاشي

وْلَمـَّا عَ تِمِّـكْ شـِفِتْ ضِحْكِ الأميْرِكان

بْدَلْتِ الْقَصيدِة

بْرَقِصْ جاكْسون على الشاشة

ولَمَّا عَ كِتْفِكْ شِفِتْ جَـدُّولْةِ الْعُربـان

تْقـَلـَّدْتْ شـَيـخ الـْعَربْ

وِلْبِسْتْ دِشْـداشـِـة

وْلَمَّا غَفَرْتي إلي .. وْمِنْ جانْحـي التَّعْبـان

صِرْتِي تْنَقِّي بْرِضا ... الْخِرْدُقْ مِنِ رْياشي

غْمَرْتِـكْ بِلَهْفـِة وْقِلِـتْ:

وَحـْدِكْ بِنِـتْ لِبْنـان

وِجْهـِكْ صَحيـْح

وْوُجـُوهِ النـَّاس غِشـَّاشـِة

***