تحدّي بلال وعلي والبطل وحرف

طالب خصم جبار متعــالي أبـي * شهم ودخل ساحةّ نزاعي وملعبي

شو علقك مع سيف شــفرة طيبة * تاوقعت وقعة بخـاطري وبطيــبي

وتاخبرك بالشعر منــك مطلــبي * والسبع عـــــــــــاداتو يقيد أرنبي

وسبع اللي شافك مابتطلعو غـدا * بيندم عا هاللحظة معك والتجربي

مين اللي طل قبال عامر بالمجال * ول حامل المشعال بالايد الشمال

جاييك عاصفة القوافي والكمال * ت تطيّرك ي شويعر ونتفة رمال

وسبع ل عا شكلك بان يا مستر بلال * بقدر بشلّو سنان وبخيط الدلال

أرز الوحي خصمك بدرب الفن جال * ودمّو فدا الازجال فوق الجمر سال

وخايف عليك من الندامه يا زميل * حيث العزم بمواهبي مدودخ جبال

يا سبع طيش ركيك بطشك ولدنه * عا قد م تزمجر الحمله هيّنه

طامع انا فرفك رقاب الغشمنه * ودامع انا عا هيك ردّه معفنه

قبلتك غريمي وقلت ماشي يا دني * رغم التنك ع قبال خزنه متمنه

ولمّا الصلا بتتلي بأجري ومدفني * للمعجزه روحك تا تبقى مؤمنه

متل المسيح بقوم من تحت الضريح * وحتى الريح ن كنت لا ما همّني

عرفتك شو جاي تعمل ورح رجعّـك *** غايص بدمك جهل هـــاطل مدمــــعك

انفكرت جايي غنـــجك او دلعـــــك *** لسانك بتمك بسحـــــــبو تاإوجعــــــك

بقلك بلال العا آذانو سمّــــــــعــــك *** بالمعجزة فكرت صادق منــــبـــــعك

قام المسيح البطهارة بيردعـــــــــك *** تامرجعو بغلطة تعدّو مرجـعــــــــك

وان قمت من هالحمل بعتبرك مسيح *** لكن يوظاس بشوف والفضة معـــــك

جايي ت تدعكني ي مهبول ل كفر * مينك انت ي شوي من بقوة أثر

وجايي لحتى علمك بالمختصر * قول المعنّى سبك الهام وعبر

واسجن غرورك يا جهول اللي افتكر * يشمخ على ربّ المعاني المنتظر

ومش عادتي خون ولا اقبض شي درر * ياما خيانات حملت من هـ البشر

اهدي الخليقه قضيت عمري من الزغر * صوب التقى صوب القداسي للكبر

ومتلك اعادي كتار ما فهمو علي * يا شمر يا جسّاس يا ملحد غدر

الله عليك كتير حلو

مش عاجبك شعري ي ناقد مهتري * اطبش غبي م بتفهم على العبقري

خنذيذ ع قبالك شمخ ت المشتري * سرّ الوقار بهيبتي صار مشتري

وي سمين كرشك مش العقل الجوهري * ودم الفدا بعرقك يا عيني ما جري

وعامل على طفل المنابر عنتري * شو مفتكر رغم الحفاوه والعري

حضرة جنابك بالقصايد شو ثري * ما انت الا زئبقي يا ثرثري

وافكار محل الرمل الها معتري * مخك قحط اصفر وعظمك شو طري

لكن انا كدت العدا وعا منبري * لولا القدر خصمي بيركع منبري

ويا نرجسي بتصد ربّك عن فعل * وهج العداله يا بلال الخيبري

بتسبح ببحر النار قرب ياجســــــــور ** انهاجو العباب بتبلعك لج البحور

وبلال فحص الصار مفخرة العصور ** يوم الفحص أول تبين بالعـــــبور

أشلاء خلاّ الخيبري دمو يفــــــــــور ** من وين جايبلو التهم هالــقد زور

قوم استحي ع حالك تضبضب بــدور ** شمعةّ فكارك مابتشمخ عـــالبدور

وعني اسئال بشعر لبنان الغيـــــــور ** بكل منبر في إلي آيات نــــــــور

لكن عتم قلبك عمى فيــــــك الغـرور ** خلاك تقشع محل كركات الخمور

وحقد الأنا اللي فيك عاميلك بصــر ** زتك طريدة تصير بمجال الصقور

اخي الشاعر بلال لم اود التأخير

ولكن هناك مشكله جانبيه قد شغلتني

واليك الرد

ع اللف لا تحكي ي حضرة مدّعي * وبركان اشعارك رماد بمطلعي

فكّرتك بهـ الفحص رح تنجح معي * لكن رسوبك واضح بدرس الوعي

وشو هـ التجنّي ع الشهيد الألمعي * ت تبهدلو بهـ المسطره تزيدو نعي

بحقل الخجل لازملك فلاحه وسعي * حاجي البلّه تزيد ع الطين ل وعي

وي حروف حاجي بالحقيقه تقطعي * خيوط المجد وبوهم بلّو تسطعي

وعتمي تواضع خير من ناسك سعي * صوب التجلّي وظرف احقادك رعي

وأيّا صقور اصطادت ملوك الزجل * يلّي الصقر ع الكتف خادم سرسعي

السلام عليكم ورحمة الله وبركاته

اخي بلال كان ابداعا راقيا

ولكنّي لا استطيع ان أكمل لاسباب صحيّه

ولك مني اعطر التحيّات

كن بخير

علامه فارقه

ريح الوحي شعر المعاني فارقه .. ووقفت ع مفرقكم وهيي فارقه

مش بس ت تحصل علامه عاليي .. ت يصير هالموقع علامه فارقه

البطل

ياخيي بقيت ساعة دور كيف ممكن أكتب موضوع جديد ولما اكتشفت كيف ماعرفت وين منحط العنوان ..
فاضطريت آسفا حط أول مشاركة لي هون

يامنحرف حطوك بالقالب سنين .. وضليت أعوج والعوج مابتشلحو
وجايي ت دق بمطرقة شعري الرصين ..عاراسك الأعوج تحتى صلحو

البطل