عقصة برغشي

من طرف **عمار البراضعي** 8/29/2007, 10:18 pm

شعرت عقصة وجعها كتير قاسـي ... التفت وشفت ع إيدي بوفــــــاسي

منــــها نرفزت.. ونفـضت إيــدي ... مسمة تملكت مني بحســــــــــاسي

وطارت. راحت تـــّــــوّز وبعيدة ... افتكرت ارتحت منها وراق راسي

إلاّ وراجعة بهجــــــــمـــِة جديدة ...حتى تعوّكر بجوي الأنـــــــــــاسي

قلت . هالبرغشة الهيئة عنــــيدة ... بلا مربى ودواها كنت نــــــــاسي

قتلا تحلل ومنها مفيـــــــــــــــدة ... وشو بدها بكرستي بين الكراســـي

وطلع ع البال إهجيــــها بقصيدة ... فيها يشاركوا الخمسة حـــــــواسي

ان لعـنــتـا موتها بتقشع أكيــــدي ... لأنو الشاعر الموجـــــوع صفّـــى

بتطلع كلمتو متل القواسي

من طرف علي عامر 10/21/2007, 5:17 pm

ان لعـنــتـا موتها بتقشع أكيــــدي ... لأنو الشاعر الموجـــــوع صفّـــى

بتطلع كلمتو متل القواسي

يا عيني ع الشعر

يسلمو اخي عمّار

من طرف wafa 11/1/2007, 12:27 am

لأنو الشاعر اذا انقرص بتطلع كلماتو متل القواسي،
واذا عينها بعينو فرس بيكتب غزل وبتهيج الحواسي

ما أحــلا شــــــعرك.. يسـلمو

من طرف **عمار البراضعي** 11/1/2007, 2:02 am

ياعلي عامر ياسمؤال بالوفا .... ع هالمرور شكرتك وبشكر وفـا

من ردكم شلنا لهالعقصة دوا .... فيها زرعتو الطيب بمحل الجـفا

-------------------------------------

شكرا جزيلا على مروركم أحبتي

وتحياتي لكم

رد: عقصة برغشي