مش معروف

خلقنا تنــــــين وللزجل فرســـان ... مامنفترق قالب ولا صـــــــورة
وجار الزمــــــــان وغيّر العدان ... وفرّق حروف الشعر والصورة

الحرف وأنا إخوي بأرض لبنـان ... منذوب شمع بروح مســــرورة
محبي ووفا وقلب امتلا تحنــــان ... عشنا بوادي التيم وشـــــــتورة

حرف وأنا بسكب الحرف ميـزان ... فوق الثريا غيوم معصـــــورة
نشتي حروف من التبر ألــــوان ... نسقي العطاشى وكل منـــثـورة

الحرف وأنا عزفةّ وتـــر غشيان ... بجوهر صفا بالذات مقـهـــورة
واحــــــــد بنفسو يرندح الألحان ... وواحد مابدو النفس مشهـــورة

الحرف وأنا بوحي النبي جبران ... تــانلـتـقي عـــــــم ننذر نذورة
ولـــــــما التقينا بمنتدى الوجدان ... قال كلمة بشـــــرط محصورة

بيـــــــقول تانـبقى ســوا إخوان ... بطلب الدعوة تضـل مستـورة
وعدتو ومـاعنـدي مشكلة بفــنان ... يسجّل بأيا إسم هوي حـــــــر
ع شرط مابيلحق حدا ضرورة

*****

تحياتي رواد إلك وللأهل جميعا

محيير مابدي اقشـــعك هالظرف ... فـتـّح عيــونك بيـــــــن جــلاسي
ومن جواب الشعر اغرف غرف ... وطفي النيران بكاسك وكــــاسي

بـمكتوب ببعتلك كنت هالضـرف ... ويقروا الكل وبعضنا نــــــواسي
ونجرف دروب السر كنا جــرف ... وبتشوف راسك رافـــع وراسي

وعني أنا حبيت غض الطـرف ... وعمار قاطعلي ووعد قـــــــاسي
بيضل اسمــــــي بمنتداكم حرف ... مشرف وشاعر خيي للأعضــــاء
مابخالط الدرة بالنحاسي

****

تحياتي