منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مـــــــــــــرا هـــــــــــــــق

اذهب الى الأسفل

مـــــــــــــرا هـــــــــــــــق Empty مـــــــــــــرا هـــــــــــــــق

مُساهمة من طرف ابو شوقي في 9/27/2007, 11:56 pm

سمعت باذني قالت جرصا
زوجه مليحا بالسبعين
ربت عيلي وشالت شيلي
كانت حلوي والها فرصا
نظيفي ورشقا جرأه وحره
رفيقة دربي وبعدا حبي
حملتا بقلبي نهاري وليلي
تفانيت وماتركت الريح
تلوي غصني ولامره
مشيت بدربي
كافح دهري
الهم حملتو فوق كتافي
وباقي الطفل بعمري زيح
وبحنجرتي بذوق الغصا
***
بعد العشرا بشي سنتين
الحر ف عرفتو
شمعا بايدي
شغل نهاري يوفي ليلي
حتي السطر بعيني شفتو
والنهر بيجري من قطر
والدمع بيهمر من عين
مع علمي صنعا تعلمت
وصرت مسبع بالكارات
ومن رزقي صرلي حصا
***
ما مرقت بمدرسة اللعب
ولعب الدنيا بيدرسني
غاب الطفل وكبر الشب
وقبل العشرين تزوجت
مابعرف حب وانحب
قالتلي دخول الجنه
عمرا سابقني عالدرب
ومفروض بتحكي عني
كيف توالو هالايام
اركض تا الحق برغيف
والدرب بيمشي لقدام
والحافي كيف يركض كيف
بس الصبر عملتو فرام
والليل عملتو رفيقي
يساعدني باليوم الصعب
وبربعو اخذ فرصا
***
والربع مناسب للربع
ربع الشركي ولعب الحب
ولعب النوم ونوم اللعب
وسابح ما بيعرف بالعوم
وعوم مرافق كد الجسم
وجسم مرافق فاطرصوم
وفاطر عندو جوع اليوم
ويوم بهمو طالب حسم
ولاعب بيسجل نقطة
وجمع وضم يزيد الرسم
ورسم يزيد العسكر عد
وعسكر زاد الحملي مد
والحملي زادت اثقال
والثقل يخفف سرعا
ومابيعذر عطشان النبع
لو مر بمواسم شح
شفافو موعودي بفرصا
***
الشعر مهيشر مثل الهيش
ولاببالي مزين ومقص
وجنحاني مقصوصا الريش
والقلب يرفرف بالنص
يرفرف قلبي وما في قلب
يلاقي فرصا فيها يحب
وحب الضايع وقت الركض
ووقت اللازم ما يكفيش
وبالفرصا ممنوع الرفض
ومافي مشط يهندز شعر
المشط يهز حساب البيت
وشبوبيه بدها عز
والعز بساعات الصبر
الكاسي ملياني نصا
***
ومشينا بدرب الايام
والعمر بيمشي عا الدرب
تعبنا حفينا ما بيهم
الراعي دورو يفتح عين
يصون يعمر بيت مليح
والذيب يحطلو حد
يشيل همومو بكبر القلب
يسهر كيف يصد الريح
يزرع يجني حبوب يعد
ومايحني بالوقت الصعب
بالعالي غصون الوردات
وتنامو حبات القلب
الطفله صارت احلى ام
وصغير بعنقودي شب
واحفادي صغار وحلوين
بتهديني ست الستات
مشط وعطر من الياسمين
ولون الابيض شعري حب
صارو يزوروني النحلات
ونحلة عمري ما بتهتم
طالب من نحلا عقصا
ابعد عني ما في دم؟
ماوضحوا باقي الكلمات
سمعت باذني
قالت ؛
مراهق ؟؟؟؟؟؟؟؟؟؟
جرصا
***
ابو شوقي
ابو شوقي
ابو شوقي

عدد الرسائل : 96
العمر : 78
تاريخ التسجيل : 03/06/2007

الرجوع الى أعلى الصفحة اذهب الى الأسفل

مـــــــــــــرا هـــــــــــــــق Empty رد: مـــــــــــــرا هـــــــــــــــق

مُساهمة من طرف 7arf في 9/28/2007, 1:25 am

حلوووووووووو كتير أبو شوقي


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

مـــــــــــــرا هـــــــــــــــق Empty رد: مـــــــــــــرا هـــــــــــــــق

مُساهمة من طرف ابو شوقي في 9/28/2007, 9:53 pm

الشاعر الموهوب
7arf
شكرا لتقييمك وتعليقك ومرورك
اسعدني راي الشاعر الذي اقدر
لك تقديري باعتزاز
***
ابو شوقي
ابو شوقي
ابو شوقي

عدد الرسائل : 96
العمر : 78
تاريخ التسجيل : 03/06/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى