موشح غزل

من طرف rawad 10/11/2007, 3:49 am

حابين نلعب لعبة زجلية غزلية منكتب غزلية و بكتب عليها غزلية منكنب 5 ردات ؤاللي بيكتب الخامسة بيفتح شرحة جديدة وبيكتب عليها ردة

كيف عيونك بحسبها ........ عالبيت ضيوف
و كل ليلة عم حاربها ....... ترميلي سيوف

قشعت الأعمى بصفوفو ....... بعيوني أمس
جسمك عم يقرا حروفو ....... عا لمس الهمس
وبدعي لربي ومعروفو ....... أ قرا عالّمس
تايغارو اللي بيشوفو ا ....... من الما بيشوف

من طرف rabeaa 10/11/2007, 11:42 pm

2

تغزلت بخصر المايل ..فيها مرات
وبتم الخـــــلا القايل..يحكي ردات
وعيون واحلا جدايل..كل الاوقات
وجوز اللفاني الطايل ..يلي مقطوف

من طرف **nawef** 10/12/2007, 5:31 am

من وقت الرحتي عني /// وتركتي بـلاد
تفكيري ضيّـــع فـني /// لكن ما فـــــــاد
لحقتك تا إرجع غني /// قلتي شو هــــاد
شــو بدّك نقي مني /// وقللك مكسوف

من طرف wafa 10/12/2007, 7:41 am

بحمـــل قلبـــــي عَ كـفـي ** وعمـري ما بهـاب

والكلمــــة الْـ فـوْق الشــفة ** بتشـــــق عبــْاب

والْـ بــدو كاســـو يقَـفِّــي ** لأجـــل الأحبــاب

بـــدو يتحمَّـــل نتفـــي ** ويراعــي ظــروف

من طرف rawad 10/15/2007, 7:29 am

5 : في عالم بتلاقينا ..... وبتحلف حلف
ما في بنت تحاكينا ...... ومبلوفي بلف
ونحنا بالجيبة جينا ....... ما معنا ألف
وكيف بتتطلع فينا ...... النسوان ألوف

و غزلية جديدة :

بتيار الكحلة رمشي ...... بيمشي محتار
وكل العالم عم تمشي ...... بعكس التيار

1 : غيابك طعماني مسبّي ...... وعيشني الصعب
وشو هالقصة يا ربي ...... بيرعبني رعب
قلتيلي الفار بعبّي ..... عم يلعب لعب
وعليكي ما رح خبّي ..... من الفار بغار

من طرف wafa 10/15/2007, 6:16 pm

عَا الاخـلاص توافقنــــا ** قـــدام الـــرَّب

نحلــم بالسِّـر وفِقـنــا ** ليعيــش الحب

شو ما من العمر نفقنا ** بيضـل القلـب

يخفـق خفـقة ترافقنـا ** بِ مَـرِّ الأعمــار

من طرف rabeaa 10/15/2007, 11:08 pm

3_
بقـــد الميــاس تعجب ..قيس المجنون
يا ريــتو ربـــي انـــجب ..زيــا مـــليــون
بــملعب حبــي بتلعب ..ومنـــا ممنون
لما تسلمني وتسحب..طابــات كــــبار

من طرف **عمار البراضعي** 10/16/2007, 2:58 am

وحدة قصدت تتســلى ... بين نحو وصرف

بصورة حلوة بتتحلى ... قصدتـــني بظرف

قلت بكــــاس بتتجلى ... وودت للحـــــرف

دوختوا العــالم كلا ... بحرف وعـــــمار

من طرف wafa 10/16/2007, 5:50 am

5 -

وعلــيِّي بتمــرق أيــام ** وانت مســافر

بسـتنى من عــام لعــام ** قلبــي ناطـــر

ومهمــا اتحمــل الام ** وكســرة خاطــر

عَ طيفــك عيونـــي تنــام ** وقلبــي عَ نـار

منبدا من جديد:

بضحك ضحكة مجنونة ** بتحمل أسرار

وأسرارك شو حكيوني ** وقالو مجنون

العمر بتمرق أيامو ** وبيمضى أعمار

بيحرق شمعة إلهامو ** وشوقو الجبار

بغصة جرحو وآلامو ** عشنا التذكار

برونق حسو وأحلامو ** فينا مسكون

من طرف rabeaa 10/16/2007, 11:02 pm

2

بـضـحـك ضـحـكـة مـجـنـونـة ** بـتـحـمـل مـضـمـون

وأسـرارك شـــــو حــكـيـونـي ** وقـالـو مــجــنــون

.....

بـحـبـك مـجـنون وبـاقـي ...بـقـلـبـك مـغـمـور

اكــتب من جــوا عماقي ...بالحــسن ســطـور

وجـولـيـت الـحـبـا راقي...رومـيـو الـمـشهـور

قـصـتـهـن بـيــن وراقـي ...نـقــطــة بـتــكـون

من طرف **Nana** 10/17/2007, 4:19 am

وحدة مش بايس تما /// بعد ولا شب

غير اختا ستا وإمّـا /// ولازمـلا كب

قلت اللي بتفرج هما /// بتفـــهم بالحب

ويامتلي بتبقى يمّا /// عمرا ماتكون

من طرف rawad 10/17/2007, 5:07 am

4 : يا نانا ما في زيّك ...... فيكي مجروح

زينة صبايا حيّك ..... يا قلب و روح

ماسكلي السلم خيّك ...... تا سويّي نروح

وصار يصرخلي بيّك ...... وين المأزون

من طرف **Nana** 10/18/2007, 3:23 am

بحقلةّ زهر العنابي /// فتّح عينين

مابلحق غير حبابي /// لا تسأل وين

وصعبة وعود الكذابي /// توفي والدين

وكيف بيكتبلي كتابي /// مفلس مديون

===========

منغني تا نتسلى /// ومنوفي الدين

ومن شعر المجّد الله /// نكتب شطرين

من طرف rawad 10/18/2007, 4:34 am

1:

يا نانا لعندك جينا ...... نرسملك زيح

وبيّك نحكي ويحكينا ..... وعنّك ما نزيح

ولو تربعنا وغفينا ...... عابساط الريح

ما في قصر بيكفينا ...... وبيملي العين

من طرف rabeaa 10/23/2007, 4:30 am

شفنا هالزهر مـــندي ...والعطريفوح
وردي وردي ع ردي...بترد الروح
قلتلك وحـــدي بـدي...بالدنيـــا سوح
وعتلالك عاود هدي...ما بين تنين

من طرف **Nana** 11/6/2007, 2:30 am

3

حجال البلوادي فاقو /// وراحو لبعيد

وبصواتن عم بيقاقو /// وزادو التنهيد

وكلما لبعضن يشتافو /// بيشكو من جديد

الإستئصال البرفاقو /// فرقنا لوين

من طرف rawad 11/6/2007, 5:27 am

4

الساعة اتنين اتلاقينا ..... ما بين الناس

وكل الناس حوالينا ..... شريبة كاس

كنا نشرب شو علينا ..... ونعبّي الراس

وصرنا ندوخ انمزينا ..... دمعة من العين

من طرف wafa 11/6/2007, 11:14 pm

-5-

حالـي مـن حالـك قلِّي *** شــو لازم قــول

غمــزة عينـــك بتخلــي *** كـل شي معقـول

ورودي كِــلا بالســـلي *** وحالـي مخجــول

روح ولجــــرارك مــلِّـي *** تَ تـشرب عيـن

ومن جديـــــد:

طار النوم من عيوني **** من عيوني طار

وذبلت غمزات جفونــي *** وصرت الختيـار

من طرف rabeaa 11/20/2007, 12:51 am

ختيرت وقلبي حاسس ..بالدنيا شب
وما بين عزمي خاسس ..بمروج الحب
ما زالو شعري لابــــس...طقم المنحب
من الصعبي يصفي يابس...مره نوار

موشح غزل

موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل

رد: موشح غزل