منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

محبوبتي - ل طليع حمدان

اذهب الى الأسفل

محبوبتي - ل طليع حمدان Empty محبوبتي - ل طليع حمدان

مُساهمة من طرف wafa في 10/11/2007, 7:10 pm



محبوبتي، عمري انكتب إلها! ** بوصيك يا قلبي لا تزعلها..

ضلَّك اسرقها من عيون الناس ** وخـود الدلال وروح دلِّلها..

ولملم شذا من طيب هالانفاس ** وشـوف بحياتك ما أجملها!

تمنى الفجر بشـفافها ينباس ** وعاجوانحو العصفور يحملها

وحتى الربيع بقدـّها الميّاس ** وبيـن الورد والكاس نزّلها

فزعـان يشربها حنين الكاس ** ولما يجـوع الورد ياكلهـا..



يا كاس، حاج بريقها تسـكر ** وتمزج عصير الخمر بالسكر

وانكان رح بتضل تعمل هيك ** قلبـي بيدعي عليك تتكسَّـر



يا ورد، يا أحمر دخل عينيك ** يا أبيض الشَّـفاف يا أصفر

تا تدبل بتدعي دموعي عليك ** ان جربت تاكل تمها الأحمر

ويا تمها الدوبتني حواليــك ** سقيتك ندي وسـقيتني كوثر

ما تلومني غن قرَّبت كاسي ليك ** سكران قلبي فيك، والسكران

بيصير يشتقلو العطش أكثر



سكران بدي ضل ضـايع بيـن ** الكاس والتِّـم الـ بيغنيلـو

شو صار لولا الكاس من كاسين ** يغمى عا خيو وما حدا يشيلو

الله!! نيّـال النـظر بالعيــن ** لمّــا بيقشعهن مقابيلــو

كاسك وتمك متـل شي طفلين ** وطفـل للتـاني بيكاغيلـو



وكل طفل عم يشرب تا ينسى القهر ** ويرد ذات الخمـر لرفيقـو

متل البيشيل من الزهر ما زهـر ** وبيعود يسقي الزهر من ريقو



دخلك يا قلبي عصور واسـقيها ** وخليلهـا الكاسـات مليانـي

وارتاح ســاعة مـا تلاقيهـا ** صارت خمس كاسات شرباني

ويـا فرحتك لمـا بترويــها ** ومتـل النبيـد تصير شعلاني

وتحكي الكلمة وما تكفيـهــا ** وتقــول بـدِّي نـام نعساني

خدها يا قلبي، وروح غفِّيهــا ** وغنيلها، بشـوقي وتحنانــي

يـا رب خليني، وخليهـــا ** قلب.. يخفـق لتـاني قلــب

وســكران دايـخ حدّ سـكراني


wafa
wafa

عدد الرسائل : 40
العمر : 55
تاريخ التسجيل : 11/10/2007

http://www.kitabati.com

الرجوع الى أعلى الصفحة اذهب الى الأسفل

محبوبتي - ل طليع حمدان Empty رد: محبوبتي - ل طليع حمدان

مُساهمة من طرف عمار البراضعي في 11/25/2007, 3:59 am

سلمت يداكِ ولا تبخلي علينا بالمزيد والف شكر لك
تحياتي
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى