منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صرت عيدان

اذهب الى الأسفل

صرت عيدان Empty صرت عيدان

مُساهمة من طرف علي عامر في 10/28/2007, 6:12 am

صرت عيدان
انا المظلوم من خيبة رجايي * وهبت القهر عتماتي وشقايي
الوفا ديني حنيني طهر معبد * وجنون الشعر آيه تزف آيه
ولأنو الحب لحنو جمر موقد * وياما الجمر غطّو بالعبايه
بعد م ترمّد الإحساس جدد * مصابو الحظ عا جرحي وعنايي
ومسافة جيل عن حب ل تمرّد * على أطيب شعور من الرعايه
جناية جفا جيش الجهل جسّد * وانا شو عملت يا قلبي جنايه
نبال الهرطقه من قوس أسود * اخترقو صدر عاطفتو هدايه
بصومعة الحزن جرحي تعمّد * متل غلوا الأبيه بالحكايه
بشباك المر طيشي شو تحدد * سجن عدلو حرق مبدا هوايي
انتفض دمّ الحيارى عيون تسهد * على سرير العذاب من البدايه
وإذا ل آهات غصّه بقلب مبعد * عن مواسم الطيبه عن درايه
بدّك يا زماني ألوف تشهد * بتلقى طوف م بيعرف نهايه
انت لو بتسأل الليل ل معبّد * بخمر السر لكن بلا غايه
رح بتقشع وتسمع يا مودد * شعر وظروف عن همّي وبلايي
واذا بتسأل قمر للسحر ردد * أبيات العتابا بلحن نايه
ونجوم وغيم عن عمر ل الملبّد * بربيعو أكتر فصولو بسمايي
رح ينتكب دمّك ع المأكد * وضمير الشرق رح يتعب كفايي
واذا قصدت الطبيعه وكنت مفرد * مش برفقة الريشه والدوايه
خضار دفاتر الإلفه معربد * بيصفى ونسمة الرحمه عصايه
مش ل أعمى جريح وقلب مقعد * على دروب الوضاعه للوقايه
لهدم الأمل من نكبة مشرّد * متل م بيهدم الكفر البنايه
تعبني يا زماني يضل موعد * حلول الحلم أبعد من هنايي
كنت شجره بحرش المجد قدقد * خريف الظلم إنتاجي وعطايي
وصرت عيدان تحت تراب جمّد * طموحو المجتمع سمّو سقايه
متل أرضي قضيه وبعد عدد * كاسات الفرح حظي بشرب دمّي
وجنوني وين رح يلقى حمايه
3.8.2007
قنديل
علي عامر
علي عامر
شاعر

عدد الرسائل : 320
العمر : 36
تاريخ التسجيل : 04/08/2007

http://www.paperstan.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى