منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أبني

اذهب الى الأسفل

أبني Empty أبني

مُساهمة من طرف salomon في 11/4/2007, 12:29 am

كنت بالمستشفي وقت اللي خلق أبني شربل وطلعت ها القصيدة أبعد ما خلق أبني


يا كروم عمري قدمي عناقيد......خلـّي الوفا بالطهر يوصفها
برموش عينك لا تمد الأيد....ان حبيت أنو تدوقها اقطفها

نحنا اعتدنا من زمان بعيد.... نعرف العالم من مواقفها
بس الدوالي بتعشق التجديد.....بلون الورد والفجر شرشفها

ستك يا بيي خلقت من جديد...وموج الأمومي مع عواطفها
زرعت حدود العمر حلم بعيد....وما في ولا قوة توقـّفها


يمكن نجي مشاوير ومواعيد .....بس السعادة الما بنعرفها
بتضل طفلة بتخلق وبتفيد....عا شرط نحنا ما نزيّفها

نطرتك يا بيي متل يوم العيد...أمك بتشهد قوم حلّـفّـها


ولو كنت عارف قيمتي بتزيد...تا كل تسع شهور جبلك خيي
ولاكنت عشر ولاد خللفها

بعرف سنين العمر ما بتنقاس......وخلف التياب الباهتي أنسان
بيرسم زهور مطعمي بألوان....ومع كل وردي مفتّحة أحساس
ومش بس وحدي هيك كل الناس

----------------
زرعتك حلم تا شوفك قبالي.....كومة سنين خسرتها تا تعيش
وحتى السنين الباقيي بخشيش....وكل البيبقى بها الدني بالي
بس الفي عندو ولاد بيغالي
------------
ربك عطاك توكل ولا تخاف ....وكل البيعطي ربنا مقبول
عا شرط تبقى بها الدني مسؤول....قبل البرد ما بينزل النفناف
وبين الشموع النايمي بنوقاف
-----------------
نيال قلبك عيشتك حرة....أرزة صبا بتضل مخضرّة
خليك طفل زغير لا تكبر ...ولا تروح ..تحلم تطلع لبرّا
وتشووووف قديشا الدني مرّة
-----------
بعيون ستك شايفك قديس ....وبقلب أمك عيش وتملك
تا تدوق مر الكاس ما حلك...بين الورد والعطر في متاريس
خليك طفل وطهر عا حلك
ولا تشم غير الورد يابيي
شم العطر عا الحب بيدلك

salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى