وين الشعار؟ بين عمار و عمر تنن

# عنوان الموضوع : وين الشعّار ...؟!

عمر

يـا مـنـتـدى الـكـلـمة بـسـهـرات الـسـمر ـــــ إلا تا يـسـهـر فـيـك مش جايي عمر

مـحـمـد أبـو حــمــدان شـاعـر مـعـتـبـر ـــــ وعـمار سطرك والقلم ريشة و وتر

بـــاب الـتـحـدي فـتـحـت قــدام الـبـشـر ـــــ فـوتـو وخـلّـو حـروفـنـا تقـدح شرر

بـبـحـر الـمـعنى رح منغطس تا نشوف ـــــ ميـن اللي بـيـطـلع أكـتر مجمّع درر

---------------------------------
عمار

هالمنتدى عملتو ونفسي راضية -- تبقى بمخوخ الشاعرية حاضية

محمد قلامــــــو بالبلاغة ماضية --وعمار أفكــــارو محاكم قاضية

ولمّا عمر سل السيوف الماضـية -- وخلا ّعيونو ع الصوّر متغاضية

من بحورنا تسوكر إلو جمع الدرر -- لكن بحورو بخاف تطلع فاضية

----------------------------
عمر عا راسي يا معلّم
----

عـمّـار مـا بـيـن عـتـمـك وبـيـن نـورنا ــــ مـا فـيـك تـبـلـف عـقـلـنـا وجـمـهـورنـا

سـرقـة الدراري بـبحرك ,, ودستورنا ـــــ مـا سـمـح إلـنـا نـجـيـبـهـن عا قصورنا

وعــارف إنــت بــبـحــورنــا ونـــهـورنـا ـــــ مـخـزن دراري لـكـل شـخـص بـيــزورنا

بـذات الوقت عرفان ما بتعـرف تغوص ـــــ ولـهـيـك خـايـف تـنـزل عْـلـى بـحـورنا

-------------------------------
عمار سلم راسك

تاتصير شاعر متلنا تدرب فــــــرق -- بدك ليلالي تســــــــهر وبدك أرق

سرقة الدراري ببحرنا!مين السرق؟ -- غير العلى دستورك وقصرك مرق

مالدهر عبدي وعارفو كـــــدو العرق -- وواقف مابيني وبينك عّلى مفـترق

الماخاف من طوفان من ماضي الزمان -- من جهل بحر زغير مابيخشى الغرق

------------------------------

عمر]آسف عالتأخير

جـاهـل أنــا ؟ يا غـبـن شـعـر الـمـرتجـل ـــــ بالفعل ماتو الْ كان في عندن خجل

دسـتـور شـعري ما بـيعـرف شو الدجل ـــــ ودسـتـور شـعـرك قال للسرقة أجل

ومش بس وحدك إنت ما عرفت الوجل ـــــ نـوح إبـنـو مـا خـشـي يـوم الأجـل

وعـنـد الـنـهـاية فـي بــحـر بـيّـو غـرق ــــ ومتلو إنت رح تغرق ببحر الزجل

هات يا عمار
عمر
--------------
جيتك ياعيوني عمار

مااكثر المتلك بتهمة تسـلحوا -- بدستـور سرقة بيكتبوا ومجدن محوا

من عهد سام وحام صدقك بحبحو -- ومافي حيا مزبوط ماتوا إلّلي استحوا

عمــار كنز الشعر بيتو ومطرحو-- ومتلــــو البحر حتى يسوكرمربـحـو

غرّق لقاعو در شعر الإرتجـــال -- وشعر الجهالة ع الشطوط بيشلحـــو

-------------------------
طيب يا عمار ......

بـالـشـعـر يـا عـمـار عـقـلـك مـا اخـتـمـر ــــــ غـصـون الـوهـم مـا بـتـطعـم الـجـايـع تـمَـر

ولــمّـا لـمَـع درّك لـي بـالـكـذب انـغــمَـر ــــــ ضـحـكـت عـلـيـه الـشـمـس هـيـي والـقـمَـر

وإنـتــو يــا عـــالـم فـرّقــو بـيـن الــزمَـر ــــــ بـهـالـبـحـر يـلّـي سـيـهـر نــجـوم الــسَــمـر

بـقـلـبو غـرق عـمّـار فـرعـون وهـامـان ـــــــ وعـالـشـط وصّـل يـونـس ومـوسـى وعـمَر

هات
عمر
----------------------
عمار

جوعان كرز الارز مش رح يطعمك ** ولا بالأصـــالة من زجلــــنا يطعّمك

نحــــــنا جماعة مش زمر تانعلمك ** فتّــش على المتلك لا تهــــجي معلمك

فرعون لو عدلك وزيرو وألــمّــك ** ذا النــــــون حوتو العنبري ماسَـلمّك

عمار داعي وفي إلو عنا مقــــــام ** صوب الديانة ان رحت تنصب سُلمك
---------------------------
عمر

عـا هـالـجـواب الـلـي إجـا مـن جـعـبـتـك ـــــ إسـمـك خجـل مـنّـك وخجـّـل مَـنـبـتـك

عـالـنـسـر صـعـب تـمـرّ كـلـمـة بلعـبـتـك ـــــ وغـصـن الأرز مش رح يصفي لعبتـك

نـْـصـبــتـلّـك الـسّـلـّم (حـوار ) يـثـبـّـتـك ـــــ تــا يـرفـعـك تـا يـخـلـّصك من عـقـبتـك

أوّل تــلات درجــات مــرقـو عـــا ســلام ـــــ والــرابـعـة انـكـسـرت وكسرت رقـبـتـك
-------------------------------------
عمار

ياعمر سكب الشعر مش جـَــلـدة ودولاب ** وتكسير رقبـــــــــــة بيلزمو علم وآداب

خذلك نصيحة وروح إقرا بالكتـــــــــاب ** تعلّم تثقّف كيف بيفكو الرقــــــــــــــاب

لوردت متلك بهورة شـــــــــــنّ الحراب ** بردّك منـــتّـــف لا دراج ولا خشــــاب

ع الأرز مافي صقر يشمـــــــخ أو عقاب ** ولا النسر راضي بشعرك يشق السحاب

هيذا لأنك مافهمت لغــــــــــــــز الجواب ** وراجــــــــــع تاتحفر قبر خيّك بالتراب

ترابك بعينـــــــــــــيك وقعت في حفرتك ** وخلّص بنفسك قبل درجــــــات الحساب
----------------------------------
عمر قصيد

يـا عـمـار الـنـسر والأرز شـابو ـــــ وبقـيـو صـحاب بالعمر وصـعـابو

أنـا الـنـسر البقـي بـالجو يطلع ـــــ لحـتى الـغـيـم تـتـشـقـشـق تـيابو

وانـت أرز الـبقي بالأرض يطلع ـــــ و زيّــن بــالأبــد قــوّة خــشــابـو

صـامـد ضـل طـول العـمر يمنع ـــــ حـدى يـدعـس عـلى عـزة تـرابو

أنـا شـاعـر بـغـني بـكـل مـوقع ـــــ تـا خـلي الشـعـر مـفـتـوحة بـوابو

وحـتـى ضل طول العمر أسمع ــــــ الشعر عا لسان كل جيل وشـبابو

وكنت كل ما التحدي باب شرّع ــــــ وبعـتـلي خـصـم من قرنة عـتابو

أبـطش بالخصوم وخوف أزرع ـــــ متل سبع ال بـطـش جـوّات غابو

وبـكـرا يـوم الـحـساب المروع ـــــ كــل إنـسـان رح يــاخـد حـســابـو

المؤمن من هالنهار المزعـزع ـــــ مـا خاف بحـيث كان عامل حسابو

بس الـكـافر الْ بـالـكـفـر أبـدع ـــــ خــاف مـن الحـسـاب ومـن عـقابو

وعـمـر بـالـذات منو ما بيفزع ـــــ لأنــو بـــشّـرو الله , بــيــمــيــنـو

أول شـخـص رح يـاخـد كـتـابو



بكل تقدير وإحترام


عمر
------------------------------
عمار قصيد

النسر والأرز بالمبدا ياجـــــــاري ** بخلود النفس فتحوا حساب جاري
اذا اخوي ببحر الشعر مـــــــاجو ** الزجل لأرز مابيطلــع عيــــاري

واذا رب السكينة العا براجـــــو ** القيامة قامها بيضحك نهــــــاري
انا الداعي البعثني ع حراجــــــو ** ومعي كتاب الديانة في ســـراري

وانت قصدت بحري بإبتهاجــــو ** التحدي فّتحت وخسرت التبـــــاري
إنتحاري البحر حملك ع مــواجـو** وزتك ع الشواطي إنتحـــــــــــاري

كان قصدك تجي تغافل هياجــــو ** وتسرق شعر منـــــــــو أو دراري
على كل حال شو نقصك احتاجـو ** قصد تايجمّع وردّو قــــــــــــراري

رجع ع القصر تايخرق سيـــاجو ** بدستور الشعر يعمــــــــــــل إداري
ونسب حالو متل نوح بديبـــــاجو ** ونسي الداعي العلى اسمي ومزاري

نصحتو وصرت ابعثلو علاجـــو ** عن الاديان مايفصل مســــــــــاري
نصبلي السّلم وخلّع دراجـــــــــو ** حفر حفرة ووقع فيها أتـــــــــــاري

ياحسرة ماقدر حقق مزاجــــــــو ** ولا بيعلى جدارو ع جـــــــــــداري
لاقبال الشمس شعشع سراجـــــو ** ولا بالمعرفة بيلحق فكــــــــــــاري

ولأنو الشعر عندي صار تـــاجو ** الكواكب كلها نقطة بيكــــــــــــاري
وإلي ياما كبار الشعر ناجـــــــوا ** ومعك حبيت إتسلى تايرجـــــــــــع

شاعرعبقري موازي عياري
****
مع كل تقديري واحترامي