منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مع الشاعر الكبير عمر مرة الصميلي

اذهب الى الأسفل

مع الشاعر الكبير عمر مرة الصميلي Empty مع الشاعر الكبير عمر مرة الصميلي

مُساهمة من طرف عمار البراضعي في 12/7/2007, 12:27 am


4-5-1997


تم هذا اللقاء الكبير مع الشاعر القدير إله العتابا وسيد الميجنا

الشاعر عمر مرة الصميلي رحمه الله قبل وفاته في بلدته غزة في منزل الشاعر والصديق

الملقب في بلبل البقاع
خالد أبو جخ المحترم وبحضور

الزملاء صياح جابر وعامرابو قلفوني وعدد من المحبين والاصدقاء واحتفظنا بهذه الابيات
على سبيل الذكرى


--------------------------

عمر مرة


يبو جعوداَ على الكتفين ملوا
وكيف ما مال قلبي عليك ملّو
الظمايا من بحور عمار ملوا
صفا وقداح تعطينا شهاب
********
عمار


شعرك بالغلا بياتي غِليلي
وشبه بركان بيفوّر غليلي
وانا الظامي ومارح يشفي غليلي
سِوا راحك الناهل للشراب
********
مرة


اللي متلك بالكريهة كنت سِلّو
رمى بالجسم خلو ذاق سلو
وعمار بكريهة السيف سلو
انسطى عالصم صخر الصم ذاب
****************

عمار


بكريها بحب غوص النو ع النو
وماجيت بّغض فكري عليك عِنّو
وعمر مرة حكي التاريخ عنو
بيهد الكاينة بساعة غضب
**********************
مرة


المتلك عاطريق الخير دلو
وفوق منو رايات النصر دلو
وطلوا من الظمايا إلوف دلوا
شراب وعلموا الظامي الشراب
*****************
عمار


مازالك بالهدى ع الخير دليت
ومن مجدك حبال الفوز دليت
الظمايا جيت معهم غِل دليت
النباريس العاكوثر تنسكب
*******************
مُرّة


ياكامل بر غزة صار برّك
عطيني من الحلا الإكمال برِّك
وانا من لب قلبي صرت بِرّك
لكن عاجز وهالجسم برك
أسافة وعالبالي العمر غاب
*****************
عمار


من إحسانك سقيني نِدى مَي
العتابا بدمن وفيها نُدامي
وأوصى الرب مانندم ندامة
ولايجعلنا من الندمو بحساب
******************


مرة الى صياح


على الإجبار دل الفكر جابر
جبرني وصار عظم الكسر جابر
هلا بعمار وبصياح جابر
وعامر مجد للدنيا انكتب
*****************
صياح


انسطى هالباز بيلوذو قِرارو
من الأمجاد عم يآخذ قرارو
بحر كبير ومنجهل قرارو
بقاعو الدر وبيوت العتاب
********************
مرة الى عامر


يا عامر انت إسطي الدرب عا مر
الطريق الدفع للأخصام عامر
بيت خالد بو جخ يدوم عامر
بقدوم اللي لفوا علينا حباب
****************
عامر


دفعني الشوق تازورك ع بيتك
زرعتك بالمجد قافة عبيتك
كنت بردان دفتني عبيتك
يا إسم كبير في دنيا العتاب
********************
مرة


أسافة على فكار الشعر خلوا
بعد كرم الوفا ماعصرت خلو
الشباب اللي لفوا ع الحي خلو
حبيبي اسم عامر جنب خلو
وجبروني ولها الختيار خلوا
عمر مرة بوفا يعطي جواب
********************
عامر


تلاثي نحن شدينا عصبنا
وع مجد الشعر لفينا عصبنا
وخلقنا الرب وتأنى ع صبنا
وبمرة شفت قول الشعر طاب
*****************
عمار


مابعمرك يافكر الشعر خليت
وياكاسي بالوفا ولا نهار خليت
وعمر مرة بوفا الابيات خليت
السمؤال منك تعلم أدب
******************
مرة لعامر


عجبني طلق حديثك بسنك
وعجبني سلت حسامك بسنك
ووقت الكنت ياعامر بسنك
كنت افتح صعب سكر البواب
********************
صياح


يالله طوّل بأيام مرة
تانشرب قهوةّ الأشعار مرة
سطع شعرك عاوج الشمس مرة
ولشمس المعرفة لبذس حجاب
*********************
مرة


بوراق الشعر بكسي المعري
حالو جايي ع الناقة المعري
ولو نّي كون في عصر المعري
شعدلي وقر فيي واعتجب
**********************
صياح


إلك بتطيع وبتومي المعرة
وغضنفر شعرها الأعمى المعرة
تايبقى المجد يا مرة الما عرى
قوافي الشعر وبيوت العتاب
*************
عمر مرة


حبيبي الغاب عني حاجبينو
دخيلك يا إلآهي حاج بينو
عمار بجبينو حاجبينو
انحسد عرجون الله بالحجاب
******************
عمار


دخيلك عمر مرة العاج بينو
إلاه الشعر إنتو العاجبينو
عمر مرة البلاغة العا جبينو
منها موّل الدنيا أدب
****************
مرة


اللي سبقونا ع سابع برج هدوا
بّرج عالي صعب ع الضد هدو
حصانك بالكريهة رعد هدو
وعلى متنو بطل مايوم هاب
*****************

عمار


بقربك ماشفت ساعات مرة
وعلى دروبك فكاري قصدت مرة
لقاني من جبينك بدر مرة
عرفني الصميلي بلقب مرة
ورحم الله امك بسم مرة
ويرحم بييك الخلف وجاب
********************
مرة


ع برج عالي عمر واضح سلمو
ومني التحية لحبيبي سلمو
هيذي اماني ع الأحبا سلموا
بضهر أحمر ع حبايب قلبنا
*********
عمار


عمر ما اختار لدروبي سلمها
وعمر مختار لحروبو سلمها
وضهر احمر إلك ودت سلامها
كبار وزغار مع شيب وشباب
*******************
مرة


يما شعار بن مرة وهلها
بقوافي كالمطر صبّا وهلها
سلّم ع ضهر احمر وهالها
ومتشوق عمر شوف الصحاب
****************
عمار


ضهر احمر مجد الله عَمرها
تسقي خصامها الدفلة ع مرها
واذا بيزورها الليلة عُمرها
قبالو ضيوف نحنا ع البواب
***********************
صياح


اذا بيصيبك من الدهر غزة
سرجت المجد حتى الدهر غزي
والله يحرسك في أرض غزة
لأنك ثروة رجال الطياب
*******************
وختم قرادي


من بعد العز الممتاز
وخصر الجميل الهزاز
كبرنا وختيرنا وشبنا
وصرنا نمشي ع العكاز
*********************
رحم الله الشاعر الكبير
عمر مرة الصميلي (أبو عادل) واسكنه فسيح جنانه


عدل سابقا من قبل عمار البراضعي في 5/10/2011, 3:44 am عدل 1 مرات
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

مع الشاعر الكبير عمر مرة الصميلي Empty رد: مع الشاعر الكبير عمر مرة الصميلي

مُساهمة من طرف salomon في 12/23/2007, 12:33 am

الله يرحمو كا ن كبييييير
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى