عيدية

من طرف rawad 12/18/2007, 7:55 am

عيد الأضحى أجمل عيد .... وعيد الميلاد هدية
انشاالله هالأعياد نعيد .... بسنين الجايي سويي
ال2007 بجنون .... مرت كابوس بمأسات
وجرت موطنّا المفتون....عا حرب ولعنة وويلات
وعم ندعي لألله الموزون .... يفرجها بليل الصلوات
حتى سنة الجاية يكون .... أحلا من الأولانية

من طرف rabeaa 12/18/2007, 4:10 pm

مــــنعدي لالله تـــيمر ...العام القادم حر جديد
وكل مأسور بيبقى حر...وتبقى كل ايامو عيد
منعدي يبعد عنا الشر ...ومن خيراتو علينا يزيد
بكـــفينا طــــعـــم المر ...بدنا العيشي الهنيي

من طرف **عمار البراضعي** 12/19/2007, 12:30 am

كل عــــام بتكبر الجراح ... ومنصلي صورة وآيــة

وكل شاعر ضوا المصباح ... بصورةّ شعرو منقايــة

وتانودع عــــام اللي راح ... ونعـيـِّـيد عــام الجايي

نشالله موطنا يرتـــــــاح ... ويتلاقوا اللبـــــــنانيـة

من طرف salomon 12/22/2007, 4:42 am

ييا فرحة عيد الأعياد......وكل العالم فرحاني
عيد الأضحى والميلاد....وعيد الأرز اللبناني
انشالله ها العيد بينعاد....وننعم بالعيد التاني
لما يا سليمان طراد....ما تخلي شاعر مغرور
كفوفك تبقا العيديي virus

من طرف **عمار البراضعي** 12/23/2007, 7:41 pm

حبينا نكتب أشعــــار ... تانعييد أجمل رفــــــقة

تفاجئنا في تاني نهار ... بشاعر عم يلفق لفقة

ودينا أروع أفكــــــــار ... ومانوينا نعقد صفقــــة

لكن تايضحي عمـــار ... غيرك ياسليمان طــراد

مش رح إذبح ع ديي

**********************************

من طرف salomon 12/23/2007, 8:51 pm

بالعيديي يا شعار.....قلنا بنهدي أحلا كفوف
تاري عمار المكار......من كفوفي بيحلم بألوف
جايي متل الأبن البار.....أسمع كلماتو تا نشوف
كيف بدو يدبح عمار....وهوي متل دجاجي صار
يرجف لم قرب ليي virus

من طرف **عمار البراضعي** 12/25/2007, 3:08 pm

مينك ياشويعر شرشـــــوح ... تاتبقى تهاجم عمـــــــار

مش شايف حالك مذبـــــوح ... وريحةّ لحمـك فوق الـنار

نحنا قصدنا نعلى صــــــروح ... ولو فكرت بأخذ التـــــــار

حتى ان كانت مش مسموح ...رح تجبرني إسحــب روح

شويعر متلك يومية

*****************************************
بالشعر بس سلامة قلبك cheers

من طرف rawad 12/25/2007, 5:25 pm

سليمان مغنّي عا أصول .... شاعر سيفو عم ينسل

وعمّار بيبقى عا طول ....و سيف الكلمةوما بيمل

البيضحي بقرص المعمول .... بيضحي بحالو للكل

الحابب يخسر روحو يقول.... البدو يضحي بحالو يضل

صرت مضحي بعرض وطول .... ولازملي كم شاعر بعد

............... فيهم اتسلى شويي..............

من طرف **عمار البراضعي** 12/25/2007, 5:53 pm

يارواد بأحلا بــــــــــــلاد ... ملهم بيقولــــــوا بحـيـــيك

شو القصة بعيد الميلاد ... جايـيـنـا مغــــــــــيـّـــر زيك

الودّاك بصفحةّ نقّــــــاد ... بشمسك حطك مش فييك

روح نقّي بيــــن الأولاد ... المتلك عم يسقي بريـــيك

بتضل سنينك تنعـــــاد ... بالخير ويفـــــــرح خيـــــيك

لكن لاتهاجم أســــــياد ... وع عيـــــــونك يغلب غييك

ونحنا نسورة وبالمنـقـاد ... منتمنى تبعث بيـــــــــيـك

تاتقشــــــع بعد الأعياد ... ع سلامةّ قلبــــــــو بتصير

صفحةّ عمرو مطوية

**************************************

من طرف rawad 12/25/2007, 6:27 pm

مش جايي نقي أجناس ..... من هالقصة وماضيها

جايب غربالي بمقياس ...... غربل هالناس الفيها

و الغي شعّار الافلاس ..... وحبة و حبة نقيها

انكتو نسورة بلا انفاس .....ما بتستاهل ضحيها

لحمة مرة حد الكاس ...... مش رح تنفع خليها

بهالأعياد منرفع راس ...... لو غاب اللي مربيها

البي الفي عندو احساس .....والكلمات مخاويها

من بعدو بتموت الناس ..... وبتصيرو فراطة بتجيب

............ أنجق لولادو هدبة............

من طرف **عمار البراضعي** 12/25/2007, 6:49 pm

خليك بضمن الأداب ... عنك تاقــــــــــــول مربى

لا تتعدى ياسنجاب ... ع سِـيــــد القــــافي وربـّا

طلبنا بييك اللي غاب ... يطل وابــــــــــنو يتخبى

عيبة قبال سباع الغاب ... تمعّي الجدية الصيفية

***********************************
ta7iya

من طرف rawad 12/25/2007, 7:26 pm

عفوا" عالخطأ اللي صار

لو جينا نحكي بحدود ..... الكل بيعرف أخلاقي

النبع العالتلة موجود ..... ما بيقعد حد الساقي

وببي الشعر و بيي الجود ..... ورفاقو متل رفاقي

وجدية صيفية بتعود ..... بالصيف بجو الناقي

ياما لعبت بعقل أسود ..... مكفيي وموفيي

وتحياتي الك خيي بكل محبة واحترام

من طرف rawad 12/25/2007, 7:32 pm

لو جينا نحكي بحدود ..... الكل بيعرف أخلاقي

النبع العالتلة موجود ..... ما بيقعد حد الساقي

وببي الشعر و بيي الجود ..... ورفاقو متل رفاقي

وجدية صيفية بتعود ..... بالصيف بجو الناقي

ياما لعبت بعقل أسود ..... مكفيي وموفيي

وتحياتي الك خيي بكل محبة واحترام

من طرف salomon 12/27/2007, 2:36 am

عمار تركلي رواد.....وحاجي تطقو.....بأبياتك
كلماتك متل البولاد....ضروري تظبط كلماتك
طول بالك هودي ولاد....لا ىتضيع من أوقاتك
عا المنبر بدنا رواد....ملوك بيوت الشعريي
Hello

من طرف العقيد 12/27/2007, 5:57 am

salomon كتب:عمار تركلي رواد.....وحاجي تطقو.....بأبياتك
كلماتك متل البولاد....ضروري تظبط كلماتك
طول بالك هودي ولاد....لا ىتضيع من أوقاتك
عا المنبر بدنا رواد....ملوك بيوت الشعريي

تركتلك لولاد تروح...من العركة تطلع برا
وخبر عمار لمجروح...بيناتن كسرو الجرا
بخلي عطر الدم يفوح...وعا صفحة وجو تمرا
بتقشع رواد المدبوح...ولحماتو كبة نيي

من طرف bilal 12/28/2007, 3:17 am

عكيد البترد جواب ... وراكب جايي عاحمارة
مأخر جايي تغلق باب ... الزجلي غير باب الحارة
ولا تنسى اللي عنا غاب .... الطفل الرابي بمغارة
بيقبل بالتوبي اللي تاب ... ومتلو يمكن ارضا فيك
لما بتركع ليليي

من طرف العقيد 12/28/2007, 9:09 pm

bilal كتب:عكيد البترد جواب ... وراكب جايي عاحمارة
مأخر جايي تغلق باب ... الزجلي غير باب الحارة
ولا تنسى اللي عنا غاب .... الطفل الرابي بمغارة
بيقبل بالتوبي اللي تاب ... ومتلو يمكن ارضا فيك
لما بتركع ليليي

الطفل الخالق منو بعيد...و مش عنا هوي غايب
الحق علينا نسينا العيد...نسينا الفرحة اللي جايب
جايي إفتح باب جديد........وطعم هالأرز الشايب
إفتح قبرك بالتحديد......وحدو صلي بشبيي

من طرف العقيد 12/28/2007, 9:33 pm

طبعا بالشعر

من طرف bilal 12/29/2007, 12:02 am

لابنسى الرب المنحب ... ولا الفرحة بين العيدين
واللي عن ربو بينكب ... ببيطلع أعمى من العينين
وبالشعر وغيرو ياشب ... بدك تركع عالميلين
بالدين بتركع للرب ... وبالشعر بتركع ليي

من طرف العقيد 12/29/2007, 12:40 am

bilal كتب:لابنسى الرب المنحب ... ولا الفرحة بين العيدين
واللي عن ربو بينكب ... ببيطلع أعمى من العينين
وبالشعر وغيرو ياشب ... بدك تركع عالميلين
بالدين بتركع للرب ... وبالشعر بتركع ليي

بحضرلك مذبح لطل...وقدامك بحني برقا
بقدملك وردات وفل ...وبنطر تيحين الملقا
بسحب سكيني و بل...حد ا بعينيك البلقا
بسحبلك عنقك و بسل....بشيل نخاعك يا بلبول
بقصك لحمة مشوية

بطلب منك التقيد بصعوبة الشعر بدون تكرار ولا قافية
مع محبتي إلك وردات وفل

من طرف العقيد 12/29/2007, 10:33 pm

لا تزعل يا بلبل شعر...حكيتك عطف بمصلحتك
لا تفكر مبيض الشعر...بزيدك بس بمعرفتك
تعديت وبلشت النعر...بخلات المجد نقعتك
قلتلك بفتحلك قعر...القبر بشعرك يا مغرور
ورح صلي و صفي النية

عيدية

عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية

رد: عيدية