حماسيات..و الدعوة مفتوحة

من طرف IIbrahim 12/26/2007, 6:29 am

بتمنى من الشعراء السادة فرسان العتابا يشاركوني بهالحماسيات و رح إبدا أنا

جولي يا صبايا الفكر جولي

الكواكب مسرحي و الفلك ..جو لي

الدهر لِم شافني عم خوض جولة

انكتب للناس عن فرس و عرب

من طرف **عمار البراضعي** 12/26/2007, 11:22 pm

ياشارب ميتك من نبع صحـة

على قلبك قلت ألفين صحة

صارلك عمر نايم مين صحّى

عجايز فكر وهـــمك بالعتاب

********************
ta7iya

من طرف salomon 12/27/2007, 2:15 am

قلت برهوووم وينو أنتابو شي.........زعلت ورحت مدة أنت بو شي

أن كنت باراك يما أنت بوشي.....لأدعس راسك وطق الرقااااااب
سلامتك خيي ابراهيييم
Sorry

من طرف IIbrahim 12/27/2007, 3:05 am

عمار البراضعي كتب:
ياشارب ميتك من نبع صحـة

على قلبك قلت ألفين صحة

صارلك عمر نايم مين صحّى

عجايز فكر وهـــمك بالعتاب

********************

هاتلي من فضا الإلهام فكرة

و جبلي العين موصولة و فِك را

العجايز يا شقي مش وهم فِكرا

بضهر بيّك لا تنزل بالأدب

من طرف **عمار البراضعي** 12/27/2007, 3:31 am

ضربت السهم من عجزك ماوصّل

لأرض المعرفة ووصلك مــــاوصل

محردب كــــــــاهل مقطّع موصل

ناسي الخلفك من مين جــــــاب

************************

من طرف IIbrahim 12/27/2007, 3:47 am

salomon كتب:قلت برهوووم وينو أنتابو شي.........زعلت ورحت مدة أنت بو شي

أن كنت باراك يما أنت بوشي.....لأدعس راسك وطق الرقااااااب
سلامتك خيي ابراهيييم

بعدو مغرقك بالوهم عِندك

ولا مرة بتحكي غير عن دك

لك لو ما حرمة الميلاد ..عندك

تا خلّي الدم يوصل عالركاب

تنعاد عليك بالصحة و السلامة حيي سليمان و ميلاد مجيد إلك و لعيلتك

راجعلك خيي عمّار

من طرف **7arf** 12/27/2007, 3:54 am

مابدي بالشعر فوضى وإبهـام

همت بالفلسفة مرة وأب هام

وإذا رح شير في إصبع وإبـهام

جبرت الأرض تطلع ع السحاب

***********************
cheers

من طرف salomon 12/27/2007, 4:00 am

ضربت السيف بيراسك عكف في......ولقيت القلب عم يهوي عا كفي
ولأنو خدك معود عا كفي.......ياأهلا فيك يا عز الحباب
وينعاد عليك بكفوف الميلاد. i7raj

والأضى المباركة

من طرف **7arf** 12/27/2007, 4:13 am

نطاسي الفكر تلمذتو ع ديـــي

عداني بعدوةّ فكارو عِديــــــــة

بدون مجاملة البدو عيــــــــدية

مش بصفحة تحدي يدق بــــاب

***********************
Twisted Evil

من طرف IIbrahim 12/27/2007, 5:16 am

عمار البراضعي كتب:
ضربت السهم من عجزك ماوصّل

لأرض المعرفة ووصلك مــــاوصل

محردب كــــــــاهل مقطّع موصل

ناسي الخلفك من مين جــــــاب

************************

حردو أهلك ..معيّد بحردون؟

و لما حردبو ..معيِّر بحردون

يا ريتو "النرس" بشّرهم بحردون

ولا كانت هالسليلة و هالنسب

من طرف IIbrahim 12/27/2007, 5:24 am

الصخر لو بحْكاياتي علم.. كبّر!

و كلما الليل شيّب عالمكبّر..

بودّي الرعد يفضح عالمُكبِّر:

(ما برقِت..لكن الخوّيف شاب)!

من طرف **عمار البراضعي** 12/27/2007, 6:06 am

ذيب الغدر لو مهما عَـقر دَيـن

بدار الشعر باقيلي عُـقر دين

وياريت أمك توصي ع قرديـن

أو بو بريص متلك وانعــــطب

**********************

طفالى الشعر تعبـوا عم لقوني

تا إحميهن وأعمـــــل عمل قونة

وعلى المنبر فـــكاري عملقوني

ولسان الخصم بالساحة انسحب

************************
cheers

من طرف IIbrahim 12/27/2007, 8:23 am

الرحم لو جابني عا شكال مُرّة

متل مخلوق تاني..مرّ مرّا

لكن حضرتك ..لو رْجعت مرّة

الرحم بيصير بيردّ الطلب

********************

عنتر من جراحو ما نشا شي؟!

تا ردّو بلون أبيض من الشاشة

المسلسل لو قشعني من الشاشة

استحى يرفع بصوتو ..بو شهاب

من طرف **عمار البراضعي** 12/28/2007, 12:37 am

أجوبتك قبل مايكــــون خَلقة

إنت وصطيف توم بفرد خلـقة

وفرسان العتابا ان ثـار خلقــة

دقنك نتفـــوا من قبــل حلقة

ياكهل اللي وضع بالأذن حلقة

ومع بوشهــاب لو مثّلت حلقة

بحارات الشعـــر مالك حساب

*********************
cheers

من طرف IIbrahim 12/28/2007, 8:41 am

يا روح الشعر للأمجاد.. كلمي

و كلامي قسمي كالبر..كالمي..

كلمة تركّع الإعدا..و كلمة..

قوافي الشعر عم تقطع بِحارا

خلّي عالسطر حرّك..بحا را

كْبرِت لِم سقّطو حسابي بحارة..

الدِما صبغة ..و مرسوم الشنب

من طرف **عمار البراضعي** 12/30/2007, 12:11 am

تـــــــــــــــارة بتطلع قبالي وتارة

على ضهرك مكاري الشعر كارى

وفـجــــــــأة بتختفي بعلبة وتـارة

وكــــــــاراتك بالخبى معتاد كـارا

والآلات العـــــــــزف عزفوا وتـارا

تاهلّك ياعجينة فــــــــــوق كـارة

وعظمك إوقــــــــد بدال الحـطب

************************
cheers

من طرف IIbrahim 12/30/2007, 9:31 am

مُكاري..عيب عا دقنك تقلّي!

منازل وقح.. ما بعدّو تِقِلّي

انا اللي بحوّل الخفّة تقل لي

و مهما يشعبو الشّعْرا لِكَنهم

"فراتن" مدمعي و كفّي لَكَنهم

و كنت برميك بوجاقي..لكنهم..

بْبلدنا بعد ما غلّو الحطب!!

من طرف **عمار البراضعي** 12/30/2007, 10:23 pm

غشيم ومدعي ومفروض حقِّك

وأنجق من قرش مقدوح حقـــك

قليل عليك تاأوفيك حـــقـــــــك

واذا قلتلك مكـــــــــــاري قليلة

الحطب ياما لحم خصمي قليلي

وسفينة نوح ياعــــــــالم قِليلي

خلصّت النبي ووقـــدوا الخشب

*************************
cheers

من طرف IIbrahim 12/31/2007, 4:26 am

قدر ما تلفّ..و عْتادك تعدّو..

ألف متلك تحت باطي بِعدّو

و تا فهمك وين أفكارك تْعدّو..

على الخشْبة سليلة نوح بِعدو

و قبل ما عا النبي جْميلا تْعِدّو..

لا تنسى توتة البستان.. بعدو

على خشْباتها ..مين انصلب!!

من طرف **عمار البراضعي** 12/31/2007, 5:10 am

فكارك شايف العقدة مـــاحلوا

ماجمعوا ولا ضرب عملوا ماطرحوا

وتاإمرق من تحت باطلك ماحلو

سيفي يبضعك صوتو ماطرحو

التوتة كبوشها شعارك ماحلوا

وياريتو اللي انصلب حطك محلو

بدل ماشيل روحك والقصاب

**************************
cheers

من طرف IIbrahim 1/2/2008, 8:47 am

خشبْتك ..ما عرفت حقْها تْبرّي

و لا طالع بالقضا حكمك تبرّي

و تا منخل جلدك و عضمك تا برّي!

و يا أنصار التباري.. العقل بدّو

و قولو اللي انحكى من كل بِدّو..

اللّي طالب شَيْل روحي مْنين بدّو؟

يقبع روح ..عزريل العتاب

من طرف **عمار البراضعي** 1/2/2008, 1:16 pm

على شهار من كانوا بوادي

كانوا بالخير ألنا بوادي

البيخشباتي خلط جبلي بوادي

لقيتو معمشق يعربش بساقي

لا بعمرو كبر دلّو بساقي

ولاالشارب بحر غاصص بساقي

تعا روحك بشيلا ولا تهاب
cheers

**********************

من طرف IIbrahim 1/3/2008, 5:19 am

بعدا البهورة هِيّي نفسها

بفرْد فلّين عالروح و نفسها

و لإنو لفظت العطلة نَفَسْها

عا هيك مْساجلة يا جار دايم

و من هاليوم بدعي لْوجه دايم

لعطلة تانية ..ان ضلّيت دايم

إرجع شوفك بصفحة عتاب

من طرف **عمار البراضعي** 1/3/2008, 10:27 pm

اسمالله عليك يمـّا انكغ أبـّا

الشرف ياما كبار العقل أبّا

وطفالى القافية بقبال أبا

مابدها ع بيت بيا عزيمة

بدها شاعر فكارو عزيمة

واذا ماشدّت قبالو عزيمي

على ولادو انقسي الوالد صواب

************************
cheers

حماسيات..و الدعوة مفتوحة

حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة

رد: حماسيات..و الدعوة مفتوحة