تعليق حرف على اللقاء الرباعي

من طرف **7arf** 1/25/2008, 4:06 am

جعفر تهيا وقوم حك مخوخ

ونادي على سليمان لاقيلي

لا بحب داري ولا بمسّح جوخ

حكيلي شو عندو وعندك حكيلي

وعمار معكم هازز ومدووخ

وبنوت متلو صار بالحيلة

بتركبوا للناس كلها فخوخ

ومن حرف قوموا بحفظ المثيلة

لون القوافي شفت صار يبوخ

بأعلان عركة وهيك تشكيلي

وهالأربعة قدام مجدي فروخ

وحفلاتكم قنديلها بيشح

ما انكان فيها الحرف الفتيلة

*********************
harf

من طرف salomon 1/25/2008, 9:30 pm

نحنا ملوك الفن والكلمة
عملنا التحدي بمستوى سلمي
وانتي ما عمرك بالزجل ربحان
وحرفك بيشرب من وحي قلمي
بنوت جعفر بالشعر شجعان
وعمار رييس منطق العلمي
وما في حدا غييرك مع سليمان
داق الكفوف وبالتحدي شوف
ان كنّو بيبقا ضدنا زلمي

لاحقني لهون virus

من طرف **7arf** 1/25/2008, 10:28 pm

مغرور ياسليمان ومعثر

فكرت حالك صاير الأشعر

مالمنتدى بقلبو بقي محفوظ

مين اللي منا بعركتو تكسر

عليي هجمت بسيفك المفروض

وراكب عصاية عملتها أبجر

هزيتها تحتك انا بفروض

عطيتك جزاها درس ع الدفتر

ومن بنك حرف اللي بيعطي قروض

بعد الفوايد دين ماتسكر

غيرك بعتلي رجال عندا حظوظ

فيها ترد بذار ع البيدر

بعدك ولد يمّا طفل ممروض

ورجّال مابتصير من دون حرف

ومن دون حرف الشعر مابيكبر

*************************
وراك والزمن الطويل

من طرف salomon 1/25/2008, 11:33 pm

شو باك مش رح تفهم عليي
وتتهجم على ملوك شعريي
عا صفحة التعليق ليش تفوت
وتتوقحن بكلمات مأذيي
جعفر أمير القافيي وبنوت
من سو ء حظو واقع بديي
وعمار شاعر قافيي وبيوت
ياما كتب أبيات بكريي
وانتي حسود بحس رح بتموت
منشان تطلع ضدنا خطيي
سماع النصيحة حل عنا سكوت
لا أنت خرج تكون بالحفلة
ولا بنقبل بمحروف يا خويي

Hello

من طرف **7arf** 1/25/2008, 11:53 pm

مش بس وحدي عليك مابفهم

يمكن ع حالك ماعدت تفهم

لا جعفر وبنوت او عمـار

بيخلصوك بحكمنا الأشهم

حسدتك ياذلي منين هالافكار

بدك خرز أزرق ؟ حكي مبهم

لا انت خرج تبارز الشعـار

ولا فيك من حرف شعر إلهام

الحاسب حرف محروف مش ملهم

***********************
cheers

من طرف salomon 1/26/2008, 12:19 am

لك فل عنا وروح يا جربوع
شو دخلك انت بها الموضوع
نحنا ملوك الفن والأبداع
وانتي حرف مكسور مش مرفوع
بسوق التنك يمكن ما رح تنباع
محروق قلبك مفتكر مخدوع
وما زال عمرك مش مخاوي سباع
وناطر الحفلة بكرت مش مدفوع
خليك تتعلم وكرت دفاع
منشان تدخل حفلة الشعار
وتشوف راسي بالشعر مرفوع
Sorry

خليك كول كفوف
هههههههههه

من طرف **7arf** 1/26/2008, 12:37 am

حتى العركة تكون حمياني

بحكي الحقيقة بصدق وجداني

العنوان حطوا بعد جمعة ونص

وصارلن شهر بيأجلوا غناني

وسلمون شحرق شفت صوتو وغص

ومن وين جاب فلان الفلاني

شاعر يشدو ع طريق الجص

وإجرو بنص الوحل غرقاني

وحق الكرت بتقول بدك هص

واسمك بقي ع كروت خسراني

لا ريـع حفلتكن لها بينخص

قسمة قرش مقدوح لبناني

بتحضروا وقديش بدو النص

تاتمثلوا ع شعب علماني

لساناتكم بالشعر بدها قص

وياذل ذلو اللي تحداني

وعمار مع جعفر بو صلعة بص

وبنوت نقى ورود ذبلاني

والاربعة زيتون بدكم رص

بالمعصرة وحرب الحرف اتون

طلعتوا جفت والنار شعلاني

***********************
cheers

وراك وراك والزمن طويل

من طرف جعفر حيدر 1/26/2008, 9:54 pm

7arf كتب:

جعفر تهيا وقوم حك مخوخ

ونادي على سليمان لاقيلي

لا بحب داري ولا بمسّح جوخ

حكيلي شو عندو وعندك حكيلي

وعمار معكم هازز ومدووخ

وبنوت متلو صار بالحيلة

بتركبوا للناس كلها فخوخ

ومن حرف قوموا بحفظ المثيلة

لون القوافي شفت صار يبوخ

بأعلان عركة وهيك تشكيلي

وهالأربعة قدام مجدي فروخ

وحفلاتكم قنديلها بيشح

ما انكان فيها الحرف الفتيلة

*********************

الحبيب حرف
زعرنة زغيري معك

سمحلنا

لا أنت حرف ولا أنت حرفة
شوف الأسامي كتير مختلفة

لما بيجي عالمنبر سليمان
يا ريت منو تصيب شي نتفه

وعمار لما بيفتح الإعلان
بتصيبك من حروفنا رجفة

وبو علي لما بيكتب العنوان
بتبرم عا حالك سطعش لفة

ولما الشعر بيكبّر البنيان
بتسنّد الحجرات شي شلفة

ولما السكر بيبلشو الشجعان
يا ريت يطلعلك أنت شفة

بدنا شعر مش ثرثرة ولدان
شو جاب أمثالك على صفي

اقطع كرت تتفوت عالميدان
تسمع الأوف وتسمع الدفة

حاجي حكي بالشعر يا فليتان
أنتا بالكتيري مع الشعار
يا ريت تطلع هيك .. شي شلفة

بالمحبة الكبيرة

[/size]

من طرف **7arf** 1/26/2008, 11:22 pm

ياعـــــــايش باوهام كذابة

مافيك تدخل عتم سردابي

ع شكل ماغيرك فني بتروح

بأدغال حرف بقلب هالغابة

هون الشريعة عطرها بيفوح

الأقوى يجي تايفوت بحرابي

لا الدهلقة فيها ترد الروح

ولا برحم الفيها طرق بابي

مدارى الخواطر هون مش مسموح

وتمسيح جوخ انعد بحسابي

البيحب يعلى جنب حرف صروح

البيخاف يبقى يفوت بغيابي

البدو كرت اقطع الو تايروح

برحلة صيد بحبال منجابي

احسن بلا صيدو الملان جروح

ومابحب وضح بعد بجوابي

بتقول اسمحلك انا ومفتوح

باب التحدي اعبروا عتابي

واعلان حطوا رايتو بتلوح

وعمار مع بو شربل وبنوت

وجعفر بتبقوا بزر بجيابي

******************
بكل محبة

من طرف salomon 1/27/2008, 12:00 am

حرف قال ههههه
وراك وراك والزمن طويل

خليك خلفي تعلم
الأشعار
ما في غلط
تمشي ورانا
تروح
بركي شي مرة
بتعصر الأفكار
وبتصير فيك تهز قلب
وروح
لوكان جعفر محترف
ها الكار
تا كنت يا فروج
عم بتنوح
وبنوت
تركك تحترق بالنار
وان كنت شاعر
سر قلبك بوح
وقلن انا خيفان
من عمار
ويا ريت يا سليمان تتوصى
خدني متل لغراب بخدم نوح

هههههههههه

يا حبيبي بدك سنين تا توصل للملوك هههههه
خليك مبسوط بكفوفي

من طرف **عمار البراضعي** 1/27/2008, 12:08 am

حاجي تعدي ياحرف حاجي

ع الديك مابتشمخ ولا دجاجة

خليك بتقاقي وجوا القن

احلا ما نطبخ لحمتك ماجي

هاجمتنا وحكيت رأيك كنّ

مافي نسر بيغط ع سياجة

انفكرت حالك من ديوك الفن

غلطان فيها هيك ديباجي

سليمان ياما عليك قلبو حن

وطقك كفوف وصوتك يناجي

وطليت حوّص حرف شعرك بن

تايدق راسك لحن مهباجي

ع مين جايي بهالجنون تجن

ع جعفر الرح لبسو تاجي

يما على ملوك الأنس والجن

الركعوا بحرب بنوت ياهاجي

من هون رح قلك بيكفي تعن

مابعود قدملك انا علاجي

قوم اعتذر للكل يابو الحن

لوما عطفنا ع الحرف بالشعر

ماصار حرفو مذهب وعاجي

*********************

من طرف salomon 1/27/2008, 1:13 am

جعفر مضيعك وين هربان يا عمار

وينك انا عم يسألوني الناس
ما كنت اعرف وين اخبارك
تا طل جايي انت دبارك
لوما الصداقة كنت مت قواس [/color]
virus

من طرف **عمار البراضعي** 1/27/2008, 4:54 am

salomon كتب:جعفر مضيعك وين هربان يا عمار

وينك انا عم يسألوني الناس
ما كنت اعرف وين اخبارك
تا طل جايي انت دبارك
لوما الصداقة كنت مت قواس [/color]

الماخاف ياسليمان بالتفجير

قواسة زغيرة مش رح تهمو

والبحر مابيضيع متلي كبير

الغيَّب حضوري النت وبذمو

*********************

من طرف salomon 1/27/2008, 7:04 am

بعرف ما بدك بالوغى شهادي
انت رسول الذوق ببلادي
ونحنا بنسمع نشرة الأخبار
صار القتل ببلادنا عادي
لم غبت مدة زعلت الأشعار
وصار الوجع بالمنتدى زيادي
وجعفر سألني عنك ومحتار
وكان القلق عا جبهتو بادي
قلي بربك خبرو لعمار
ما يشد أيدو بالزجل أرجوك
وانت دخيلك ضل عا حيادي

خايفين ههههههههههههههههههه virus

من طرف mohamad kh 1/27/2008, 1:05 pm

مِنْ شَان الله وْكِل آياتُو = خَلُّو الحَكِي يِمْدَح بِسَادَاتُو

وْخَلُّو القَصِيدِة تْكْتِبِلْكُو بْيُوت = وِالمَنْبَر يْرَنْدِح عَ خَشْبَاتُو

**

عَمَّار عَ المَنْبَر إذّا بِتْفُوت؛ = جَعْفَر بِهِزُّو الكُون كِلْمَاتُو

وْعَ مَنْبَرُو بِتْمُوت أوْ بِتْمُوت = مِثْل اللِّي قَبْلَك مِنْ قَبِل فَاتُو

عَمَّار! لا تِحْكِي؛ بِكَفِّي؛ سْكُوت = فِعْلاً بِأنُّو اللِّي إْسْتَحُو مَاتُو

وْإكْبَر بِهَالعَرْكِة يَ بِنْ بَيْرُوت = جَعْفَر لَ تِتْمَرَّد عَ مَوْجَاتُو

**

سْلَيْمَان يَ إلْ جَايِي وْإنِت مَبْغُوت = خَصْمَك بِغَطُّو الشَمْس غَيْمَاتُو

وْعَ مَنْبَرُو مِثْل البَدِر مَثْبُوت = وذَاتُو بِغَنِّي مَع فِكِر ذّاتُو

رَب الزَجَل بِبْقَى حَسَن بَنُّوت = بْتِحْلُف لَيَالِي الشِّعِر بِحْيَاتُو

وْشِعْرِو بِقَلب المَوْهَبِة مَنْحُوت = ومَوْج البَحَر مِنُّو بِنَفْخَة يْمَوج

وضَو الشَمِس مِنْ حَر لَهْبَاتُو

من طرف shemi5 1/27/2008, 9:46 pm

من وين جايي انت يا منحاز.....وما عرفت مين البتحدي فاز
عمار وسليمان يا حبوب....هرو المنابر متل لوح قزاز
عن هيك عركي الدم مش مطلوب.....مطللوب نعمل بالشعر انجاز
جعفر بعد كم كف بدو يتوب.....وبنوت بدو يموت يا أستاذ
وانت من الشعار شو مرعوب.....قررت أني أحرقك بالكاز
يلا ..؟عمالقة الشعر تا ندوب.....باب التحدي بلش وياشب
جهّز لدفن الداعمو برواز

مع محبتي هههههههههههههه
يا لطيف شباب يلا شوقتونا رح نطق هههههههه

raks

من طرف **عمار البراضعي** 1/27/2008, 10:39 pm

يا قر زغير قاصد ع الحفافي
نقيقك مارح يزيدك ثقافي
الأرانب لو بيكونوا باعثينك
لكب المي ع نار التجافي

مش تاتطل وتضيّع يمينك
من شمالك قبل فتح المضافي
اسم بيروت بيعلي جبينك
ولأبنا بالشرق باقي الخلافة

عمار بسمر قرّص عجينك
وبقعر الدست صار عندك مخافي
وابو شربل بمشتاوي بدينك
على حكياتك الكلن سخافي

وتانفرض جعفر عملتو شبينك
جنب بنوت يربح بالقوافي
بتيقى انت يامضيع سنينك
ثعلب خايف سباع الفيافي

وقبل ماتقول نحنا ظالمينك
وثقلّك الكلمة ع شفافي
عرين السبع لاتعدو عرينك
وشو خصك مع ملوك الشاعرية
اذا ما نذرت للألهام حافي

***********************

من طرف shemi5 1/27/2008, 11:44 pm

سليمان بالإبداع شاعر منبري.....عمار تاج الغار عجبينو دري
توقا يا منبر شعر من نار الهوا.......تعصف مساكن جن نصا مهتري
تمسح عروش ملوك ما منها نوا.....تهدم حلم شعار شعرا مفتري
و لو فكر الشيطان شي مرة ونوا......يقطف شعر...شعر العمالق مشتري
لاكن شعر من طوم عمرو ما نوا ........نوية قطط بالشعر ما بتنفع زجل
ولا بتنفع الكلمات من معجم جري

من طرف shemi5 1/31/2008, 10:16 pm

تعي يا نجوم من مجدي تعالي..على الراحات و تغني بجمالي
ملوك الشعر و القافي الرقيقة....مع سليمان رب الأرتجالي
عزمنا اليوم عا اكلة وضيعة........لحم فروج مع نتفة بقالي
و دواعي الشعر مع شعار نيقة...طلع عمار تيقدم رسالة
و صفع جعفور بكفوفو الرقيقة.....و طعم بنوت من حصرم دوالي
و إجانا ليوم منعندن رفيقة.........بقوافي مهلهلي وبشعر بالي
و تقل هالدم مع حركة رشيقة....ما عندي حيل إقطعلك خبارك
ولا في فروخ بتعدي مجالي

من طرف mohamad kh 2/1/2008, 12:19 am

تَعِي يَ نْجُوم ضّوِّي مُنْتَدَايِي = بِكَّفِّي عْتُوم يَا نِجْمِة كِفَايِي

طِلِّي مِن خَلِف هَاك الأكِمِّة = بِقُولُو الفَجِر بَعْدِ العَتِم جَايِي

أنَا جَايِي إبِن بَيِّي وْإمِّي = إللِّي رَفْعُو لِلأدَب وِالذُوق رَايِة

تَ أنْقُل شَعِب جَاهِل شَعِب أُمِّي = عَ دَرْب الشِّعر وِدْرُوب الهِدَايِة

وْإنْتُو إلْ نَاطْرين تْطِل ضُمِّة = مِنْ زْهُور الكِتَابِة وِالقِرَايِة

وْرَبِيع المَنْبَر بْكَسْرَة وْضَمِّة = وْقَصِيدِة أوْ مَقَالِة أوْ رِوَايِة

رَبِيع المَنْبَر بْإسْمِي مْسَمِّي = مُحَمَّد بِالبِدَايِة وْبِالنِّهَايِة

وْعَلَى المَنْبَر إذَا رَشَّيْت سَمِّي = بَغَطِّي الشَمْس وْبْضَوِّي مَسَايِي

الوَحِي بَيِّي؛ الشِّعِر خَالِي وْعَمِّي = بْخُيُوط المَوْهَبِية مْحَيِّك عَبَايِة

وْعَمَالِقْةِ الزَجَل بِالكُون عِمِّي = كَانُو بِإلْ مَضَى وِاليُوم وَالله

مَ فِي عِمْلاق عَ المَنْبَر سِوَايِي

***

تَعِي يَ نْجُوم عَلِّي عَ فَضَائِي = عَ عَرْش المَوْهَبِة دَاخِل سَمَائِي

لَ إنِّي اليُوم كِل الكُون هَادد = عَلَى اللِّي بِشْمَخ يْضَوِّي مَسَائِي

يَ شَامِخ إشْمَخ وْمَ تْكُون شَادد = حَالَك.. تِطْلُب اللَّيْلِة رِضائِي

نَطَرْتَك لَلْقَصِيدة تْكُون رَادد = طِلْع الرَد صَحْرَا بْبَلَد نَائِي

يَدّ العَوْن لَ سْلَيْمَان مَادد = قَرَارَك بَعِد لِسَّا مِشْ نِهَائِي

حَسَن بَنُّوت سَيْف الشِّعِر عَادد = هُوِي وْجَعْفَر اللَّيْلُة ثُنَائِي

ثُنَائِي وِبِالفِعِل هَالكُون عَادد = تَسَاوُو بِالكَرَم مَعْ إبِن طَائِي

بِكَفِّي كْسُور بِيكَفِّي تَمَادد = شَمْسِي بْتِحِرْقَك بِالصِّيف وِإْسَّا

الثَلَج بِيجَمْدَّك لَحْظِة شِتَائِي

من طرف rabeaa 2/1/2008, 12:38 am

يا حمودي ليش تغار ..لا تسرع خوفي توقع
اسال بالموقع عمار ...ما في غيري بالموقع
ربيع

ـــــــــــــــــــ
لما بيعرف اسمي الرسمي ...لا بالكلمي ولا الرسمي
يسال عنو بوشادي...مسمي جوقو ع اسمي

من طرف shemi5 2/1/2008, 4:24 am

تعي يا نجوم من عرشي ستمدي......أصول المرجلة و فن التحدي
أصول الشعر من عندي اصولو................كلام ملوك مش سب و تعدي
حسن بنوت رفقاتو دعولو..................و جعفر خي بحملو المودي
و خطيب الشعر فركشتو ب طولو...................وتا ياخد دور من مدة لمدة
تحت ايدين هالكار و فحولو..................يجي يتكبّس بنظم القصايد

بركي بالعمر بيقول ردي

من طرف salomon 2/13/2008, 4:12 am

يا ويل ويلو حيدر وبنوت
ورقبات بدها تنفرك فركي
شوفوا الشعر بالقافيي منحوت
وحتى البلاغة هون مشتركي
من عند الله جايبين بيوت
لغة زجلنا للشعر بركي
ولا تفزعي العملاق ما بيموت
ومني نصيحة جهّزوا الكركي
عمار حيدر بلشو العركي

من طرف **عمار البراضعي** 2/13/2008, 4:20 am

بنوت ياذلو من سليمان
وجعفر معي بهالحرب ياذِلو
سليمان ياما رجّح الميزان
وغيري لجعفر ماحدا ذَلو

بالشعر فيقنا سوا الوجدان
حتى السمر ع المنبر نقلو
بليل السمر بتبين الشجعان
ورد الشعر عم يقطفوا فلو

وبيبيّن الصامد من الهربان
ومين منا المنبر احتلو
ومين تايه يجمع القصدان
وبالإرتجالي اللي روى غلو
عكس اللي تاهوا هرولة وفلوا

raks

من طرف shemi5 2/14/2008, 6:51 am

وحسن بنوت أو جعفر الهاوي........نتف شعرات راسو ع هداوي
بدل مايشكروا صحاب الملايح......اللي منهم شامخ وع الخير ناوي
بمشتانا وضع شامخ نصايح .........الكانت نوق بالماضي تساوي
صاروا يكثّروا عليه القبايح .............وعلى راجح ندم واحد وواحد
راسو طار بدروب العداوي

من طرف shemi5 2/16/2008, 1:11 am

اذا الشعار بيعدوا اصولو
جعفر جن وتفركش بطولو
مش عارف حقيقة يامشحر
سكب كلمات شعراتو ضوولو
انا رح انصحو من فكر اخبر
اذا بيزيدها عمار وحدو
يشلوا الشعرتين اللي بقولوا

من طرف جعفر حيدر 2/17/2008, 7:34 am

salomon كتب: يا ويل ويلو حيدر وبنوت
ورقبات بدها تنفرك فركي
شوفوا الشعر بالقافيي منحوت
وحتى البلاغة هون مشتركي
من عند الله جايبين بيوت
لغة زجلنا للشعر بركي
ولا تفزعي العملاق ما بيموت
ومني نصيحة جهّزوا الكركي
عمار حيدر بلشو العركي

حروفك العوجا عالحقيقة ديرها
وانقذ حروفك من وهم تعتيرها

حاول الكلمة من الخيال تعيرها
تا تصير من فوق السما مشاويرها

زير الشعر جعفر وشعرو ملحمة
وكل كلمة شعر بدها زيرها

من طرف **7arf** 2/17/2008, 4:30 pm

صوب الحروف انشفت انسان اقترب

وسالم تايبقى الحل قدامو الهرب

حتى اللي بيزق القرب فوق السباع

بالشعر ع ظهرو رح بّزق القرب

***************************
7arf

من طرف salomon 2/17/2008, 11:53 pm

جعفر حيدر كتب:
salomon كتب: يا ويل ويلو حيدر وبنوت
ورقبات بدها تنفرك فركي
شوفوا الشعر بالقافيي منحوت
وحتى البلاغة هون مشتركي
من عند الله جايبين بيوت
لغة زجلنا للشعر بركي
ولا تفزعي العملاق ما بيموت
ومني نصيحة جهّزوا الكركي
عمار حيدر بلشو العركي

حروفك العوجا عالحقيقة ديرها
وانقذ حروفك من وهم تعتيرها

حاول الكلمة من الخيال تعيرها
تا تصير من فوق السما مشاويرها

زير الشعر جعفر وشعرو ملحمة
وكل كلمة شعر بدها زيرها

ضليّت حن عليك ما لك مصلحة
تحمل بعد ها العمر ذل وشرشحة
ضبضب العدة وفل بنوت استحى
يجرح أمير الشاعريي اللي محى
ملوك التحدي للجميع مصرّحة
سليمان وردة بالجمال مفرفحة
لكن اذا عا منبرو بيغضب هروب
بها المنتدى لا تصير انت الممسحة

بالشعر حبيبي جعفر

من طرف **7arf** 2/19/2008, 8:05 pm

عمار نام وخاطر الشعر انكسر
وفيقات جعفر بكّت رياش الوتر
وحرف لوما فاق فيقةّ فيلسوف
غيم الفضا بيبكي على عيون القمر
ومعليش لولا قسم واعي من الضيوف
رغم الوعي والنوم قدامي انكسر
واللي زمط من قبل مايخش الدفوف
هالانتصار بشلّحو قبل السفر
وبنوت وسليمان صعبة نهار عوف
مازال ع أخذ وعطا الشعر انحصر
معروف عني بالعطا بعطي الحروف
و بلآخذ بآخذ خصم من خوفو انتحر
طالع ع بالي صوب حرف جبيل طوف
وبقول كلمة من حروفي بالعبر
يانايم وواعي تعا حتى تشوف
عمار مع جعفر سوا بالمختصر
ان نمتوا وفقتوا وخلفكم جبتوا الوف
من حرف صعبة تاتناموا وتشبعوا
ولا رح تفيقوا متل بلبل ع الشجر

من طرف جعفر حيدر 2/23/2008, 8:27 am

رد ع الحبيب سليمان

الله خلقني أمسح دموع البري
المقهور . والمغلوب والعضمو طري

أمسح عداوات الزمان البربري
وأمسح حزن إنسان عيشو مهتري

وجايي تا أمسح كل فكر العنصري
وأمسح دمع أم على خدها مندري

وأمسح من الكون اللي متلك مفتري
ونضف الكون وصير فوق المشتري

الله خلقني كل ما شاعر ضعيف
متلك يقرّب .. أمسحو من منبري

***

ولو حبيب القلب سليمان

من طرف salomon 2/24/2008, 2:45 am

شو باك حابب عا المنابر ذلتّك
ولو كنت أزعر عيب أني ظلتّك
من منتدانابخاف تعلن فلتّك
ولولا كمشتك صعب أني فلتّك
ومتل المرايي وجه سلمان الحكيم
مجبور تمسحها تا تقشع علتك

أمسح حبيبي جعفر يا ملك

من طرف جعفر حيدر 4/12/2008, 10:36 pm

salomon كتب:

شو باك حابب عا المنابر ذلتّك
ولو كنت أزعر عيب أني ظلتّك
من منتدانابخاف تعلن فلتّك
ولولا كمشتك صعب أني فلتّك
ومتل المرايي وجه سلمان الحكيم
مجبور تمسحها تا تقشع علتك

أمسح حبيبي جعفر يا ملك

حاولت أمسح وج المراية ... انكسر
تيصير يا سليمان للمتلك عبر

ولوكان بدي رد عا حكي انحدر
أو كان بدي وزن قيم ( بلا زغر )

أو كان للمتلك بعبر بالحكي
ماكان اسمي بالشعر ( قاطف درر )

من طرف salomon 4/13/2008, 3:25 am

قديش بدك فت أو تدفع فلوس
تا تصير شاعر منبري الكلمة تبوس
مفروض فيك من الوحي تاخد دروس
ولا تفتكر رح أرحم بحربي الضروس
وان كان أسمك بالزجل قاطف درر
معروف عني بالزجل قطّاف روس

توقا راسك خيي جعفر
ولبوس طاسي للحرب هههههه

من طرف جعفر حيدر 4/13/2008, 7:16 am

إي !!! قطوف راسك قبل ما تجيك السيوف
بالحرب ما بعرف المية من الألوف

ياما وضعت كتير عالم عالرفوف
لا بيسمعو ولا بيقشعو ... وعينك تشوف

فيه عالم ... الرحمة عليها بالحروف
وعالم ... الرحمة عندها برق الدفوف

لاكن أنت يا صاحبي الرحمة عليك
ما بتكتمل إلا على رق الكفوف

من طرف salomon 4/13/2008, 9:37 pm

اقطفني ورود من المروج مشكلي
تا يفوح عطر الزنبقة مش مشكلي
لكن اذا بتشيل سيف المرجلي
بخلّي دماغك بالدماء مبللي
ما زال عارف بعد عركة بو علي
ملوك المعنى كلها بتحني ألي
ضربتك كفوف وبس شغلي مخجلي
ما شفت دمعة فوق خدك نازلي
لكن كفوفي علّموك الأحترام
وسمك الدماغ معلّمك عا التنبلي

ههههههههههه
حبيبي جعفر شوف مين مات قبلك

من طرف **7arf** 4/14/2008, 5:23 pm

ياجعفر روق صار علوو شانك = رح بيرميك عن أعلى حصانك
مع عمار فقت وكان نايم = وماخلا بالنصر يحلم زمانك

ومع سليمان كنك نسر حايم = بيصطادك قبل ترمو أوانك
ومع بنوت شفتك سيف صايم = بدي صرت سلّو ع لسانك

اذا كنك انت للحرب هايم = إبعد عن حرف ضلك مكانك
لأنو الحرف واعي ودوم قايم = مع غيرو اذا بتحلم بنصرك
معو بتبقى طويلة ع سنانك
cheers

*****************

تعليق حرف على اللقاء الرباعي

تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي

رد: تعليق حرف على اللقاء الرباعي