انشالله ما تصا الدني

من طرف salomon 1/31/2008, 10:00 pm

انشالله الدفا بيلبّس زنودك
وتجلّد الجمرات عاخدودك

وتضل تشلح عا الأرض نفناف
وما تعود شجرة مفرعة تنشاف

وانت الوحيدة مفرعة قبالي
وملاّح تحت بلوزك يلالي

عياني قوّيي وعاصفة وتقنيّن
ونضل شهر ونص مزروبين

نشرب نبيد معتّق ونسكر
وندوّب البوسات بالسّكر
وانت تقولي حبني أكتر

مشتاق ألعب عا التلج تاني
هونيك بنسا كل أحزاني

عياني قوّيي تشلقحي ونامي
عا زنود عمري وكل أيامي
انت ربيعي اوورد أحلامي

من طرف IIbrahim 2/1/2008, 4:25 am

حلو يا بو شربل..!!!

من طرف salomon 2/1/2008, 5:54 am

كيف التلج برهوم خبرّني
مشتاق والله للتلج والريح
بركي السما عن تنصب مراجيح
مشتاااااااااااااق يا لبنان تقبرّني

لنبيد خالي العتّقو تا يطيب
لستوفنا للبيت للحطبات
لساحة الضيعة القعدة الصخرات
لرفيق عندي كان عندو جيب

يطلع طريق المفرق ويحتّد
ويشوف حالو أأأأأأأأأأأأأأأأه ها المنظر
وغيرو وراه يبتنج مجنزر
وولاد تدفش تتعب من الشد

ونحنا نغنّي مدرسي عطلة
نسينا ما بدنا قال نتخرّج
المرحوم بيي يقول رح تفرج
ومرة تا أدرس شو أكلت قتلي
ممنوع عا التلجات أتفرّج

بحياة الله روح يا برهوم
طمّول تلج عمول كرمالي
وضروب باب المدرسي ....؟قبالي
اطلّع اذا بالجو فيه غيوم
موجة تلج عم تخطر ب بالي قنديل

انشالله ما تصا الدني

انشالله ما تصا الدني

رد: انشالله ما تصا الدني

رد: انشالله ما تصا الدني