عتابا

من طرف salomon 5/24/2007, 10:37 am

ببلاد حرة عشت وحدي بسجن.....لح ضل عايش هون وحدي بس جن
تركت البشر تاضل حدي بس جن..... أفهم عليه ويفهم عليي أنا

من طرف **عمار البراضعي** 5/25/2007, 1:44 am

الشاعر ماعمرو الخير عم يخلط بـ شر ... خصوصي اللي متلك للوحي حامل بُشر

لا الأنس متلك بعـــــــــــــد بيلاقي بشر ... ولا الجن طـــــــــــــــاوع غيرك سليماننا

....................

أجمل تحية صادقة من قلبنا

من طرف salomon 5/25/2007, 10:27 am

Ammar كتب:
الشاعر ماعمرو الخير عم يخلط بـ شر ... خصوصي اللي متلك للوحي حامل بُشر

لا الأنس متلك بعـــــــــــــد بيلاقي بشر ... ولا الجن طـــــــــــــــاوع غيرك سليماننا

....................

أجمل تحية صادقة من قلبنا

حبيبة قلب عن عمري مارحلت.....وعجين الفار عا صدرك ما رح لت
وأنا ما قطعت لهلق مرحلة........المراهق والشعر ما هر شاب

من طرف **عمار البراضعي** 5/25/2007, 9:12 pm

قفــــــــــير الحب نحلي فيه داوي ... علاجـو الولف قُبلةّ فيه داوي

وتاكاس العمر نشرب في هداوي ... بعمر تسعين رح نرجع شباب

من طرف salomon 5/26/2007, 8:57 am

القصيدة القافيي وزنا وعمرها......عاكتف الغيم إلهامي عمرها
ومازالو ربها سلو وعمرها........لغير الرب ما بتحسب حساب

تركتك وقت كنت انت شابتي.....التقينا وقلت كيفك إنت شبتي
وبوجي متل حيي إنتشبتي.....صبيي بعدني بعز الشباب

----------------نحنا ضيوف المنتدا يا ضيوفنا

من طرف salomon 5/26/2007, 7:35 pm

الأمن مفقود قالوا أنفي جاري.......علينا رغم أنفي وأنفي جاري
ومازالو شعب مجرم إنفجاري......يا جيش بلادنا تكي الرقاب

جيش الوطن هويي الي حامي بلادنا

من طرف **عمار البراضعي** 5/26/2007, 10:20 pm

جيش بلادنا الرقـــــوات أرقى ... وتــــــــارك عابلادو العين أرقـة

ومن جيوش الدني بيضل أرقا ... الشرف والتضحية بإسمو كتب

..........
فخور بلبنانيتو

ياريتني جندي بجيش لبناننا

من طرف علي عامر 8/10/2007, 6:10 am

شهدك شلي شرّد شدايد شرقنا

اذا جرحي قلعتي وهم شلتي

بحيّكلك وفا واخلاص شلتي

وي سمره شي ألف مليون شلته

شلت صبري جفاكي العمر داب

من طرف **7arf** 8/11/2007, 11:53 pm

وقت ماكانت زنــــــودك تلفّني ... قلتلك على رقــــــــــــمي تلفني

وهجرتي وكثر هجرانك تلفـني ... وتلف قلبي وهلك نبض العصب

***

من طرف علي عامر 8/12/2007, 3:53 am

دخلك بيكفي جفا شابو قلوبنا

نهيد الحق ما عادلو دوايي

وع همّ الشعر ما عطفت دوايي

وانا المجروح ومضيّع دوايي

دوايي حباب تلفي عا حباب

من طرف **شكيب جابر** 8/13/2007, 2:13 am

حبستيني حنانك حــــــام حدي ... حلا حسنك حرقني حروق حدي

حسيبيني حارسك حديت حدي ... حيلك حوطي حــــــــالك حجاب

-----

من طرف علي عامر 8/17/2007, 11:27 pm

انا مجنون شعر وحلم وردي

ع منهل سمرتي وردان ورده

اقطفي عن غصن جرحي مية ورده

عبابك زيّني بعطر الحباب

من طرف **7arf** 8/18/2007, 2:14 am

على مهر الغزل شديت رحلي ... إذا بقــــــــشع حبيب القلب رحلي

ومعو بطلع ع متن الجو رحلة ... الشمس والبدر خبي يا سحـــــاب

****

من طرف علي عامر 8/18/2007, 4:51 am

كنّا بمرجة عشق يا قلبي نحل

بأحلى جهد بعد الشهد عقده نحل

وكنّا شمع عا حضنها المعتم نحل

وصرنا بقايا رماد تلويع وضنا

من طرف **7arf** 8/18/2007, 10:12 pm

قيليلي عن غرامي مين مــالكـي

وع عرش القلب كنتي متل ملكة

قلبك كان كلو بحب ملـــــــــكي

وفيكي ماملكت لحـــــم وعصب

***

من طرف علي عامر 8/19/2007, 2:14 am

م كنت بشيطنة هـ الحب داري

وضلّيت الألم والجرح داري

بنيلي القهر بالمجهول داري

وسقف عم يدلف مويّة عذاب

من طرف علي عامر 8/19/2007, 6:29 am

الجانح صفق يا بنت برجوعك ورف

وقلبي حنانو كتير على الغيمه ورف

كانو دموعي من قبل مجموعه ورف

ويجوبو سما المجهول آفاق الضنا

من طرف **7arf** 8/20/2007, 3:17 am

قلقان شعري بالغزل يكرج وَدَق ... ع باب حوا بيطرق بلطـــفو. وَدق
بربح وبخسر دقها مـرة... و دق ... بلعب الحرف مابيربحـــو غيري أنا
=================

قالتلي بيكفي تضل غــــــــامض ... وسر الحب متل السيف غامض

ومش باقي بغيابك جفن غـامض ... وسِوا بقربك مــــايطبقلي هداب

==================

من طرف علي عامر 8/20/2007, 10:29 pm

قالت بلاك العمر يا ولفي عدم

هجرك حنيني بمرسة الحيره عدم

تخمينك بتفرح وانا بسكر ع دم

دم الحزن والقهر من جرح وعنا

من طرف **7arf** 8/21/2007, 2:16 am

التركت ولفها وعشقت عبكــرة ... بمرسة عنقها لفوا ع بكــرة

وبنات الأصل بتحافظ ع بكرة ... وعا غيرا ماحدا بيكتب كتاب
==========================

من طرف علي عامر 8/27/2007, 10:13 pm

ليشو عن هوايي الحر قلبك

غنى حضرة جنابو وداب قلبك

وانا اللي عبدت جيدك بعد قلبك

حنيني شطبو غدرك وغاب

من طرف **7arf** 8/27/2007, 11:01 pm

حرب البعد شخصِك إذا علينا حمل = قلبك محبة بداخلو إلنا حمل

البعد وحش الكـــاسر وقلبي حمــل = لا تبعـدي بيفتك فتك بقلوبنـا
===========================

من طرف علي عامر 9/13/2007, 5:51 am

فؤادي يا شعر شكلك بريتو

ومتل بري القلام خابص ب ريتو

رغم ما للعدل وحدك بريتو

ولامع بالوفا ملولح ب رايتو

وانا جنون الدهر بشو باريتو

بنغمه من نبل بيت العتاب

[/center]

من طرف علي عامر 9/15/2007, 8:06 am

قالت ودادي مواسم الطيبه هدي

متلو متل ناسك على الحكمه هدي

لكن جنونك يا وليفي ما هدي

غر من بعد ما شرّعت باب المنى

من طرف علي عامر 4/23/2011, 6:41 am

انا دموعي يا هـ الشجره وراقك

نثرتيهن حلي جرحي و راقك

كتبني الهجر قصّه عا وراقك

السطر منها بعتم الحبر ذاب

من طرف **عمار البراضعي** 4/23/2011, 8:18 pm

مافيي ان جعت إحسب عار جوعي
ورجوعي صيـر إكتب عا رجوعي
ودرب الشفت شاعر عارجو عـــي
بقلو ارتـــــــــــاح تايزيل التعـــــب

* * * * * * * * * * *

من طرف **7arf** 4/23/2011, 10:38 pm

معك حق استاذ عمار

لأنو مافينا نكتب متل الاخ علي
نثرتيهن حلي جرحي و راقك
كتبني الهجر قصّه عا وراقك

لأنو العتابا ثالوث لفظي فلسفي ومافينا نزيد ولا ننقص حرف واحد
يعني مافينا نقول مثلا

عن درب حرف محذرتك من قبل حيد
حتى لأهلك تســـــــــــلم ان كنك وحيد

هون حرف الواو صار بيت تاني
وهذا من باب المعرفة وليس نقدا لأحد
مع محبتي للجميع

من طرف علي عامر 4/23/2011, 11:38 pm

العباره كتبتا مع فصل الواو لـ تنفهم
ومش مشكله اذا منقرّبا يا خيي حرف
ع كل حال بسيطه

سرحتي بمرجة جنوني غزاله

ت سحرك ثورتي وحلمي غزا لي

انا بالموهبه ثاني غزالي

وع الروح نقشت بيت العتاب

من طرف **عمار البراضعي** 4/26/2011, 2:13 am

جرارك من نبوعي إنـتـعـــيـــها
بتوعى بفكر شـاعــــر إن تعـيها
وحياتي دروب صعبة انتي عيها
وصرت كرمالك بحب التــعـــب

* * * * * * * * * *

عتابا

عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا

رد: عتابا