منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طلة الصقر

اذهب الى الأسفل

طلة الصقر Empty طلة الصقر

مُساهمة من طرف صقر في 6/24/2008, 2:11 am

من الكرمل طل صقر الموهبه--------شمس وقمر خلفي الكواكب موكبي
لاجم الدهر مطّبعو في ملعبي ------و بجوانحي محاصر الريح الغاضبه
يا شعّار اتحصني و اتأهبي ---------- الصقر حايم في جحورك اختبي
بحيث الصقر لو غفّ من سابع سما ----- بمخالبو لا بد تعلق ارنبه

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف salomon في 6/24/2008, 7:04 am

يا صقر اهلا فيك جايي تستنير***من منتدى أعطى البلاغة لشكسبير
هوني الأدارة بالها يمكن قصير***ان بلّشت تهجي بالشبيبي وبالمدير
أن كنت صقر القافيي بدّك كتير***تا تشوف سبع البزجل مالو نظير
وما بنفتكر انك صقر بالموهبي***مبيّن متل وطواط ما بتقدر تطير
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 6/24/2008, 9:28 pm

مينك ياصقر قبال صياد الحــجـــل = بدكة زغيـــــرة بزتك بسرعة وعجل
جايي ع موقع رب شعر المرتجــل = قدمــــــوس ثانـي الرب جابو للزجل
تأهب انت والباعثينك بالخجــــــــل = مع حرف أتخن صقر بيشوف الوجل
ودفشوك من سابع سماك ودربكــي = تقشع جحيم الشعر وتزور الأجــــــل
===========================


عدل سابقا من قبل 7arf في 6/26/2008, 4:17 am عدل 1 مرات


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف صقر في 6/25/2008, 3:47 am

الى الشاعر حرف
مالو السيّد حرف من غلّه احترق------ بوجه الصقر الأرنب تجرأ نطق؟
جنه وجحيم من فوقها اسمي شرق-------- شق الافق وبنارنا احمّر الشفق
بعده الصقر ما غار وبرقه ما برق ----- يا حرف مالك صايب عيونك ارق
وحامل بروده رصاصها وهم انطلق-------ما بتردع الصقر ال اذا فوقك مرق
و ع الارض حدك مر ظل جوانحه ------ من رعبتك كالغيث راح تزرب عرق

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف rabeaa في 6/25/2008, 3:51 am

يــا صقــــر باين شومخربط بالطريق
صعبي لحرف الشعر هوني تزحزحو
مش صقر لــــو كنت نسر فن العتيق
بترجع نســـــر مكسور دون جوانحو

[/center]
rabeaa
rabeaa
عضو فعال

عدد الرسائل : 116
تاريخ التسجيل : 31/05/2007

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف صقر في 6/25/2008, 4:33 am

الى الشاعر سلومون
لشكسبير المنتدى اعطى دروس؟ ---------كيف الشمس تشحد اشعه من الفانوس؟
الشعر منو لغه من علم القاموس --------- الشعر خبز الفلسفه وقوت النفوس
الشعر فكره بعمقها تدوخ الكؤوس------- وشو فكرتك بالزجل يا سبع القعوس
شين شعري شمخ ع شمس الشموس------ والعين علم عنتر العبسي العبوس
والراء رمز الرشد رفّاع الرؤوس ------ نبراس شعري شع ع الجفن النعوس
وخلا ال ما عرفو يميزو يميزو ------- ما بين صقر السما وخفاش الحبوس

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 6/25/2008, 10:29 pm

صقر كتب:الى الشاعر حرف
مالو السيّد حرف من غلّه احترق------ بوجه الصقر الأرنب تجرأ نطق؟
جنه وجحيم من فوقها اسمي شرق-------- شق الافق وبنارنا احمّر الشفق
بعده الصقر ما غار وبرقه ما برق ----- يا حرف مالك صايب عيونك ارق
وحامل بروده رصاصها وهم انطلق-------ما بتردع الصقر ال اذا فوقك مرق
و ع الارض حدك مر ظل جوانحه ------ من رعبتك كالغيث راح تزرب عرق
===============================



اسلوبك عرفتو وفضحت المسألة = صقرك وطير الليل ذات المــنزلة
مقامك علي وخربان أو بعثك إلي = المهم ع الحالين فيـــــــك منبتلي
مهاجم ثنائي الشعر شـو هالبلبلي = سلمون جنب الحرف آية مرسملي
لكن مازال مرقت كـاتـع جانحيك = لاتخاف دغري بتلحق ديار البلي
==========================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف صقر في 6/26/2008, 2:44 am

ديار البلي مش الي ليالي سودها-------من وكرنا نور القوافي خلودها
والمعمعه فارد جناحي برودها ------- سباع البلاغه مكسرين زنودها
وخلفي الجوارح قادمه من جرودها---- تا ينهشو في قصابها وكبودها
صاد الصقر صامد الصخر صمودها--- والقاف قلي قريش قدّم قودها
والرا ربّى رعب رعد رعودها------ قلوب الارانب فمزّقنا جلودها
حيث الارانب في مجالات الصقور ---ممنوع تتخطى خطوط حدودها

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف محمد محاميد في 8/16/2008, 8:36 pm

صقر وانا وفواز وكل الشعار---زجاله الشعر بليل ونهار
نحنا اليالي والشعر والاقدار---ونحنا رجال والنا طوله االاعمار
وياليل لم انوار على انوار---ونقلبت والدنيا ونقلبت الاقدار
الطفل اليوم عم يضحك على الختيار--والخشب عم بقص بلمنشار
انا محمد قمر ضاوي على المنتدى---والقمر بمعاويه ساكن بلأيجار

محمد محاميد

عدد الرسائل : 3
العمر : 26
تاريخ التسجيل : 14/08/2008

http://s7amon.freehyperspace3.com/vb/index.php?styleid=1

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/18/2008, 12:28 am

ياكاسر الأشعار يكسر رقبتك = ما صار عنا الشعر ضحك على اللحى
ياعدّلو من الكسر يقبر نكبتك = يمـــــــا رح تشوفو من الحرف انمحى
============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف محمد محاميد في 8/18/2008, 2:46 pm

صقر وأنا ... وكثير ناس وعايشين
منهم بسيطين وبعضهـم ملهميـن
في ناس بيكونوا البلاغـة مالكيـن
ومن الشّعر طهر الفصاحة ناهليـن
لكن بكونوا بالوزن مـش عالميـن
معلشّ لو جبرت شماليّـة اليميـن
وفي ناس بيكونوا وزنهم باصميـن
وعالليبـرة وزن المعنّـى طابعيـن
لكن مَ إلهم بالشّعر خبـرة ويقيـن
مِنقول كلّ الإحتـرام ... وصادقيـن
أما المصيبة مع جماعـة فاشليـن
لا بالـوزان بيفهمـوا وْلا بالحنيـن
غير البهادل في الدّني مش لاقييـن
وبشرشف بليلـة شتـا متغطّييـن
حرف مثال ..وْحَيّ..بيـن القارئيـن
شوّه بإسمه طهر إسمك يـا جنيـن
وكلّ اللي موسى عمّره بطول السّنين
جيت بذنيك تخرّبه ..عظمك عجيـن
ومش واقفة عا كون اسمك مستعين
بكلمة حرف الزفت حيشا السّامعيـن
يقطع حروف تاجها من الخارصيـن
وتحيا حروف سيدها الحـرّ الأميـن
عالي مقامك يا زجل فـي فلسطيـن
وبدّك تضلّك فوق روس الواطييـن
الخطّاب لو قلّه حدا عـن هلاحرف
كان استحى يخلّف أميـر المؤمنيـن





اهلا وسهلا في منتديات الشاعر محمد محاميد
[ندعوك للتسجيل في المنتدى أو التعريف بنفسك لمعاينة هذا الرابط]

محمد محاميد

عدد الرسائل : 3
العمر : 26
تاريخ التسجيل : 14/08/2008

http://s7amon.freehyperspace3.com/vb/index.php?styleid=1

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف فواز محاجنه في 8/19/2008, 5:42 am

7arf كتب:
ياكاسر الأشعار يكسر رقبتك = ما صار عنا الشعر ضحك على اللحى
ياعدّلو من الكسر يقبر نكبتك = يمـــــــا رح تشوفو من الحرف انمحى
============================
أرهاب هالجواب نرفض رهبته = تهجم على طالب بدايه رُتبته
طالب مدارس اعداديّه عتبته =محمد بدرجه وَلَو فَكزت ركبته
هالطالب الممتاز كانت رغبته =يطلع عمسرح هالفنون وخشبته
ما تخاف من الله تتطلب نكبته =بكسر الشعر تتمنّى يكسر رقبته
شو هالقساوه يلّي عطفك نهبته = طبعاٌ أحاسيسك لقلبك ندبته
خساره ويا عيب الشوم عهالمستوى=فنّ الزجل منّك ما بقبل نُخبته

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/19/2008, 10:12 pm

إرهاب لو رهبك جوابي من صاروخ = اربخ تخبـّــى الراجمـــة منها ربــــــوخ

وياألف عيب الشوم ع العندو شـموخ = يرضى بشعر مكسور في سكبو شـــروخ

فواز سكب الشعر مش تمسيح جـوخ = ودلعة وميـــعة ومنــبر يربّي فــــــــروخ

الطالب العنو عم تحامي بضعف كوخ = بيدخل بصـــف جديــد مابيهجي الشيوخ

ولوكان لونو عــــــــاجبك تا ما يبـوخ = ع موقعـــــــــــك ودّيــــه حتى مايدوخ

هون الشعر والمرجـــلة وفن الزجــل = بدو فطــــاحل شعر بتــــوزّع مخــــوخ

===============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف فواز محاجنه في 8/20/2008, 8:16 am

وقع الصاروخ التايه بهالبحر طاخ -- لمّا ما صاب الهدف اتلولح وداخ
مرفوض طبع الغطرسه من شيخ شاخ -- طنّش آذانه حتّى ما يسمع لآخ
دلع ومياعه وغشمنه من ساخ باخ -- كالشحم كل ما قرّب من النار ساخ
لا تبدّل التوراة بكتاب التـناخ -- توضع شريعه بالنسخ والأنتساخ
في باحة بيوتي جمل حمّال ناخ -- قمح وملح كل الهدايا والجواخ
ليلي من النهار عمل الأنسلاخ -- تتميّز بروج العوالي من الكواخ
أرجم ابليس وازرع بعينه سياخ -- لا ترجم الأنسان تعمل انفساخ
ما دام بتوزّع مخوخ على الفراخ -- مالك بدأت منافره وتصرخ صراخ
طالب بأول طقس ما عرف المناخ -- قاعد على الأبواب تنصب له فخاخ
كالأفعى كل ما حدّ منها يقترب -- تنفخ لهب وبـتـنـتـفخ بالأنتـــفاخ


عدل سابقا من قبل فواز محاجنه في 8/21/2008, 7:13 am عدل 3 مرات

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف محمد محاميد في 8/20/2008, 3:15 pm

عالعافية منيح اللي عدنا نسمعك=إحساسك بغُلبَك يَ حرف رَجّعَك
لا تحطّ راسك مع محمد بينزعك=عن مقعد تعوّد بكذبة يطمّعك
بعرف أنا الصّدمة اللي صابت مدمعك=لمّا التحمنا وصار سوطي يلسعك
ما فكّرت إنّي بِمرّة أشلعك=وْلا هي لآمة وبالعكِسْ ما بقطعك
كونك يَ حرف لا صاحبي ولا وبمزح معك=مَا كنت عارف هيك إنتِ مطبعك
لمّا حدا يهزّك ويعلى موضعك=بتصير تحكي مريض راسه أوجعك
قلّي من الأوّل مَ بدخل موقعك=بتضلّ نافش والشّباب تدلّعك
شاعر أنا فلتة دماغي بتمنعك=تنطق بكلمة أو تلبّي مطمعك
ومش عنترة...ياما ذكايي وقّعك=بْتعرف شو بحكي مش بحاجة أقنعك
وخلّيك عا إسمك محافظ يا أسَد=محاميد إذا ما نزّلك مَ بيرفعك

محمد محاميد

عدد الرسائل : 3
العمر : 26
تاريخ التسجيل : 14/08/2008

http://s7amon.freehyperspace3.com/vb/index.php?styleid=1

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/20/2008, 10:02 pm

فواز محاجنه كتب:وقع الصاروخ التايه بهالبحر طاخ -- لمّا ما صاب الهدف اتلولح وداخ
مرفوض طبع الغطرسه من شيخ شاخ -- طنّش آذانه حتّى ما يسمع لآخ
دلع ومياعه وغشمنه من ساخ باخ -- كالشحم كل ما قرّب من النار ساخ
لا تبدّل التوراة بكتاب التـناخ -- توضع شريعه بالنسخ والأنتساخ
في باحة بيوتي جمل حمّال ناخ -- قمح وملح كل الهدايا والجواخ
ليلي من النهار عمل الأنسلاخ -- تتميّز بروج العوالي من الكواخ
أرجم ابليس وازرع بعينه سياخ -- لا ترجم الأنسان تعمل انفساخ
ما دام بتوزّع مخوخ على الفراخ -- مالك بدأت منافره وتصرخ صراخ
طالب بأول طقس ما عرف المناخ -- قاعد على الأبواب تنصب له فخاخ
كالأفعى كل ما حدّ منها يقترب -- تنفخ لهب وبـتـنـتـفخ بالأنتـــفاخ

=====================================

فكرت يافواز في عندك ديــــباج = وطعم الشعير فرقت عن طعم الكماج
تاريك دشرت البحر لو يوم هـاج = وفزعت ضمنو تبلعك دغري المـــواج
حرف الأسد بالمملكة والشعر تاج = وتايلتهمكم مادفع كوشــــــــــان بـــاج
بجين الخلايا رحت استنسخ نعاج = جينك وجينو متل صيصان الدجــــــاج
ولما مع الافعى علقتو ع السـياج = منفوخ بطني شفتني وصعب المــــزاج
ردات خصمك حرف متل القنـبلة = وردّاتــــــكــم ميكروب والنار العلاج
=============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف salomon في 8/20/2008, 10:22 pm

حلوو يا فواز وحلووووووووووووووووووووو يا حرف
ورجاء بنطلب من الاخ محمد محاميد يكتب بغير صفحة ويترك ها الصفحة لشاعرينا الجميلين
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف فواز محاجنه في 8/21/2008, 7:07 am

فكرت يافواز في عندك ديــــباج = وطعم الشعير فرقت عن طعم الكماج
تاريك دشرت البحر لو يوم هـاج = وفزعت ضمنو تبلعك دغري المـــواج
حرف الأسد بالمملكة والشعر تاج = وتايلتهمكم مادفع كوشــــــــــان بـــاج
بجين الخلايا رحت استنسخ نعاج = جينك وجينو متل صيصان الدجــــــاج
ولما مع الافعى علقتو ع السـياج = منفوخ بطني شفتني وصعب المــــزاج
ردات خصمك حرف متل القنـبلة = وردّاتــــــكــم ميكروب والنار العلاج
اليك الرد يا حرف

غوّاصة النوويّه فيها غايصين=====فيها صواريخ وقنابل جاهزين
بسلاح كيماوي وبيولوجي لعين====تندمّر بروج الأعادي الغاصبين
ورسينا عبرّ الأمان وآمنين ===== وركبنا عخيول الأصايل باحثين
صيد وقنص نبحث عن العجل السمين== او عغزال مربرب وحتّى هجين
طلّت نعاج مبندقه من وين جين=== من حرف شبه المنحرف يسرى ويمين
مستنسخات بلا مناعه مهزّلين====أخذوا جيناتك عالغنم ومجرّبين
ولقينا فخّه صايده وكانت كمين === ثعبان عمره على الواحد واربعين
شلنا القفص للناس تيتفرّجوا ==== بحديقة الحيوان تيظلّوسجين

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/22/2008, 5:14 am

مازال صابك عدوةّ التغيير غِـــــيــر = ونادى محاميدك على التكسير سـيـــــر

ومشيت خلفو حفرت للتدبير بـيـــــــر = وفدان صرتوا وناقصو التنوير نيــــــر

تاتسبّ إم العـــجل بالتبطير طيـــــــر = ع العـجل فتّش روح بالتبصير صيـــر

لكن توعى سلاح للتديير دِيــــــــــــر = نطحات عجل الحرف للتجير جـيــــــر

لاتحمل سلاح الإلو التدمير ميــــــــر = كفوفك بيجرح عيب بالتبشير شـــيــــر

وصوب القفص ماخفت حط الكير كير = وإوثب وإطلع سبع للتخيير خِـــــــيــر

فواز مهما تصير بالأوهام هــــــــــام = ماسمعت طول العمر عن خنزير زير

===============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف فواز محاجنه في 8/22/2008, 5:41 am

يا لللأسف على الشتائم والرشق فالكلام صفة المتكلم
الشعر يروق ويثير الشعور وليس يجرح الشعور واذا كنت شاعرا فاسحب كلامك يا من بدأت بالتعدّي
بامكاني الرد بالمثل ولكن افضل عدم متابعة هذا المستوى.........................
أفتح آذان القلب وتسمّع أيا =معمي القلب مرهق واعياه العيا
قرّرت أقطع أتّصالي مع حرف=مقطوع منّه الذوق مع شرش الحيا

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/22/2008, 7:23 am

خليك ضمن الشعر عم ترشـق سهام = ممنوع تكتب نــثر بقبالي الكــــــــلام

فكرت حالك انت مــنـــــــــقذ ياغلام = تحمي محاميــدو وصقر هيذا منـــام

ولما الحرف شـدلّـك بســـاحو اللجام = قيقبت ليش ومــاعرفت تضرب فرام

وبلشت من قـامـــوسك البل علم خام = تلتلت حكــي والمرجلة عليكم حـرام

بعدك ولد طـفـّــــول افضل روح نام = احلا مافصـفـص لحمك وردك عظام

نحنا العِظام ومــــــامنرضى الأنتقام = نحنا رجــال الحرب ورجال الســلام

إلنا الأدب والذوق خلقوا بشكل عام = وع قد مابتســتاهل عطيتك مقــــــــام

عن حرف قلت المنحرف قبل الختام = وعجل السمــين وقرد بقفاص الذمام

ولمـــــــا مناخيرك فركها وعن وئام = فزعت مــنو يجـــــرّد عليك الحسام

هـلّـــــــــق انا بطلّت ردّلــّك ما دام = قلبك رقيــق وماقدرت تحمـل ألآلآم

بالـــــــــون جاييني ماعندك إحتشام = فجرّت جهلك من طلق صاروخ سام

وكثــــــــار قبلك جربوا حرف وقوام = هجوا وتـاهوا هـرولة ولقيوا الملام

بدك بعــــــد تدريب شي خمسين عام = تاتصــير تفهم ع الورق تلقي القلام

ووقت الصلا بتشــــوفني بخط الامام = ماشي بدرب الصدق وبصدقي إمام

وقطعطها مع حـــــرف خفت يقطعك = تا يعلمك ع الذوق أو ع الإحـترام

===============================

اخ فواز لاتغلط مع حرف وخليك ضمن الشعر والشعر بدو مخاصمة وبدو وئام
وبكتفي بهالرد ونصيحة ماحدا يجرب مع حرف يتحدى بعتقد افضل بتربح يمكن
مديح مني وبتكون ممنون اكثر وبعدين انا ماتعديت عليك حضرتك اللي بديت
بالتحدي والتعدي وفيك تراجع الصفحة وتشوف مين ابتدى ورغم اني نصحتك
ماتدافع عن ولاد وكنت بتمنى انك تدافع عن الشعر بس وبدون تحييز عنصري
لكن ماقبلت ويمكن اخذت القصة انا لبناني وانتوا فلسطينية بس بحب قلك اني
انا مابكون عدو إلا لعدوين الشعر فقط وانا بكبر بكل شاعر واعتبره اخ وصديق
ورغم ماحصل مازلت احبك ولكن اعتذر عن المتابعة لأنك لست بند .
ارجو المعذرة ودمت بخير

اتوجه بطلب خاص من الإدارة الكريمة بإقفال هذا الموضوع
harf


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف salomon في 8/24/2008, 2:15 am

له له له له ياشباب القصة ما وصلت لهون
بترجاكم تكملوا الموضوع والله ما في شي يحرز وانتو تنينكم شعراء مهمين
صحيح في قسا بس شوي شوي عا بعض ويا استاذ فواز بترجاك لا تزعل من حرف
حرف مسم بس قلبو ابيض متل التلج وطقو بالشعر ما بيزعل
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف salomon في 8/24/2008, 9:30 pm

فوّاز شاعر انا *بعرف قصيدو نور***وحرف المنابر ورد*والموقع مروجو
خلّو التحدي وعد*لا تجّرحوا ل شعور***انتو بحور الزجل*عا شطوطنا مووجوا


عليكم انا بالشعر والله ما اعتبت***ويا محاجني مطلوب تكميّل الحوار
غلّطت يا فوّاز جاهل شو كتبت***من هيك حرف احتّد واللي صار صار

وانتا يا حرف سماع مش قاصد اكيد***فوّاز يجرح بالمعنّى شعورنا
خلّو التحدّي يورّم خدود القصيد***وترجع البسمة عا مروج زهورنا


ويا محمد الهاوي لا تزعل من ردود***حرف الما مسّح جوخ حتى للأسود
بدّو عا وزن قصايدك تتعب كتير***تا تصير شاعر منبري وخرج الصمود

ايّاك تزعل ليش ما تحاور معك***من حيث قاسي ومر جرّب يصفعك
ومني نصيحة سماع يا ابن الحلال***كل البيحبك بالزجل بيوّجعك
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف 7arf في 8/25/2008, 2:26 am

سليمان مشرف متل كاهن ديرنا = وشاعر كبير وعبقري وشعرو كـــــــنوز
وفــــــواز يمكن فايز على غيرنا = وبمنتدانا ماحــــــــــدا علينا بيـــــــفوز
==============================

تسلم ياســــــيد القافية الواقف حكم = وع الموت لو تومـــــــــي بعود بثانية
واللي هرب من حرف بالعركة انحكم = مش رح يجــــــرّب بعــد مرة ثانية

=============================
بتعرف حرف نفناف قلبو وعاطفة = من الشعر مابيزعل على المنبر حريص
محوّش بلاغة بالعلم والفلســــفــة = وبيوجع البيكون تفـــــــــــكيرو رخيص
=============================

وع سيرةّ محمد محــــاميـدو = 13 عمــرو وربــنــــــــــا يزيدو

غنوج بعدو بالزجل دلـــــوّع = ومخجــول عــرق الخس من ايدو

ولما دخل ع صفحتي المنزوع = ينزع الشــــــــعر بعكس مابريدو

اتحشد إلو فواز بالموضـــــوع = ومتوقعين ! مجــمــّـــع البحرين

للطفل جايب مجمع النيدو
==========


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

طلة الصقر Empty رد: طلة الصقر

مُساهمة من طرف rabeaa في 8/29/2008, 3:14 am

اتحشد إلو فواز بالموضـــــوع = ومتوقعين ! مجــمــّـــع البحرين

للطفل جايب مجمع النيدو


هههه الله عليك يا حرف بس
حلو حلوو
rabeaa
rabeaa
عضو فعال

عدد الرسائل : 116
تاريخ التسجيل : 31/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى