منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كلمه الى الشاعر حرف

اذهب الى الأسفل

كلمه الى الشاعر حرف Empty كلمه الى الشاعر حرف

مُساهمة من طرف صقر في 6/27/2008, 6:50 am

يا كلمه بالمهد بعدك زغيره ---- تعي تربي على عزّي وصيري
مبادي ودين تتصلى بمعبد ----- وامشي للعلا خلفي وسيري
واذا بدك عمق او مدى ابعد --- وع كل نقطه بحرف خمسين ديره
بزرع روح بالحرف المجسّد --- عمرها من عمر اول عشيره
مرّت ع عصر عنتر الاسود --- وكليب التغلبي ملك الجزيره
وحفيد الزير كلثوم الّي خلدّ --- على الكعبه معلقته الشهيره
وع شعر التغلبي الاخطل المنجد --- وعلى شعر الفرزدق والجريري
ومرّت ع ابو الطيب الاحمد ----- وع بن رومي ذو الحكمه الغزيري
وعبر اجيال تتقمص وتولد ------ وتقطع في بحر عقلي و ضميري
وبحر عقلي ضحك ع حرف جرّد --- حروف الشعر و حوّلها اسيره
اسيرة جهل من شاعر معقّد ------ هرب مني بظروفه العسيره
فلو شفت الصقر صوبك تودد ----- انتبه لا تفرح الفرحه الكبيره
بكمينه لو بتعلق ما بتسعّد ------- تودد بس غفاّته خطيره
ولا تتحدى شعر ابدع وجدد------ بكم شطره بفحواها فقيره
ألف شطره اذا هالحرف صّمد--- ورمى بغربالنا حبوبه الكثيره
بعد الغربله حبه ما زوّد --------خبز المعرفه بقمح وخميره
لانه لخرج نوع طيور نقوّد ------ حبوب مسوسه وبتقول عنها
بتسوى درة التاج الاميري

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 6/28/2008, 12:45 am

ياطــــــير الليل لاتعــلا بسمايي = لغير نسور مابحـــــــكي حكاية
اسمك صقر لكن صــوت ضفدع = نقيقك سامـــــعو بـــقلـب القناية

حرف مـــابتعرفو الشـعّـار أبدع = وكورس فيــك مــــابقبل ورايي
لأنو شعرك مكـسّــــــــر مخيدع = برسالة خاصة عطيتك عنـــــاية

ولأني ماعتدت أطفــــــال إردع = دليتك على دروب الهدايـــــــي
صرت تتحجج اللهــــــجة مودّع = وتتهم لهجتك من دون آيـــــــي

انت مافيك ركن الشــعر تصـدّع = ولاحتى فيك تعلى لمســـــتوايي
وانا ضعاف الشعر مابحب إردع = ولا شي مبتدي وعندو هــــواية

الكلمة بتعرف البشعر أكـــــــدع = الحرف بيعرف العـاالخير جايي
الشمس بتعرفو البـــــــنور مبدع = الليل بيعرف البدر بمســـــــايي

انكنك مودعة وبتحب تــــــــودع = حبوبي مسبحة بإيدك جنـــــــاية
وشاهد زور فيها كنت بجــــــدع = لوما بيكسر الشـــــــــعر البحبو
كنت كفيت تاجبلو النهاية
==========================
ههههههههههههههههه روح تعلم عمو وبعدين رجاع


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف صقر في 6/28/2008, 5:36 am

يا عمو حرف تا توازي جوابي --------تعلّم الف عام على حسابي
لانه الصقر صعبه كثير ينزل ------- لادنى مستوى بفن الخطابه
--------------
الشعر بدو مبادي وفكر موّل ------- ثقافه وزِنِد يصبر ع الكتابه
بَدال القلم عبيحمل المعوّل -------- تينحت كلمته بصخر الصلابه
وما بدو جاهل من الحجر اخمل----- بنفسه مدعي وعامل رقابه
ع نفسك من زجل لبنان اخجل ----- بعصرك صار شعره قول نابي
وبقيد الغشمنه تكبّل تبهدّل----- --- وعليه تسلطت شله عصابه
وعصر الولدنه فرّخ وسنبّل ----- ---الف حَرّوف ما صابو اصابه
----------------
في لبنان موسى زغيب اول -------- وسيد مصطفى سبع الروابي
والزغلول في اسمه ترَسمَل --------و اسعد عتّق حروفه بخوابي
وابو شادي طليع الشعر منهل ------ ويرحم بو علي نسر السحابِ
جَنِب منهن فكّر حرف يطوّل ------ بحجة عاصر ملوك الكتابه
اذا الضبع ال اصل اصله بيجهل ---- بين سباع كان العمر رابي
لا تحلم سبع بتشوفه تحول ------- ولا بتزيد في نفسه الايهابه
---------------
يا حرف السم في عروقك استفحل ----- وصابك مرض ما بدو طبابه
غرورك قاتلك يا ولد اعقل ------ النمس ما فيه يصبح ملك غابه
ولحتى نعالجك قرّب توّسل ---------- اركع وانحني قدّام بابي
علاجك يدعسك سنبك محجّل --------ومرمغ راسك اليابس بايدي
--------------- لحتى نذوّب غرورك اذابه-----------

صقر

عدد الرسائل : 7
العمر : 36
تاريخ التسجيل : 17/06/2008

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 6/29/2008, 12:06 am

ياطير الشوؤم لاتحتك فيـي = انا حرف الشعر والأبجديـــــة
الكلمة بينها وبيني صداقـــــة = ووعي قدموس عيطلي يابـيي

ياقاصد مع حرف تعمل خناقة = وناسي منين أصلك بالهويــــة
ع روحك إشهد بساعةّ فراقــة = ياقرقة هاجمة لديك المــــــنية

انت مينك ياسطل بلا علاقـــة = تاتتهجّم ع حرف الشاعريـــــة
وبملوك الشعر مالك علاقــــة = لاتفتن بين شعّار الأبـــــــــــية

وبقلب المنتدى الشعار باقــــة = جمعها ربنا اخـــــــــوي سوية
وانت جايي بلا دعوة وعراقـة = فتت خلسة وصفي قتلك ع ديي

انكنك صقر مــــــاعندو اناقـة = ومـــــــــــابتعلى بجو الفلسفية
دقنك نتف بنتف مـــش حلاقـة = الحرف مااحتاج صابونة وميي

ياحاطط سنبك بإجرك وساقــة = وبدك بيـطرة مـــــــــتل البقية
ونفسك أصلها مقطّع زنــــاقـة = ولكعبي مالطخ راســك خطية

ذكرت أرباب منبرنا بلبـــاقــة = بأسياد وفطــــــــــاحل منبرية
وناسي وين مضيولا وراقـــــا = بجـــــــــــنة فلسفية وسرمدية

كل شعّار لبنان وميثاقـــــــــة = من لبنان إفهم هالوصــــــــية
وانت ع مجادنا معربش بطاقة = على سـلــــــّم قوافي مهترية

انكنك بالدرس عندك طلاقــــة = راجــع بالدروس المدرســية
خلّي موضع الكلمة بسياقــــــا = لأنك بالزجـــــــل مافيك ليي

فكرك مالمت عندك إعــــــاقة = وانــــا مافي حدا يربح عليي
وراسو بكسّر بسرعة ورشاقـة = البدو الحرف يسلخ عن وطنا
تايعمل شاعر بفكرة غبية
=======================
قحّط عمو قحط ههههههههههههههههههههههه


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 6/29/2008, 5:37 am

لماذا تم طرد المدعو صقر ؟
قبل السؤال حابب جاوبكم وانتوا حكموا
==================

شوفوا الرسالة الاولى مني لصقر وشو رد

مرحبا اخ صقر
تحية وبعد :
اهلا وسهلا بك بين اخوتك واخواتك في اسرة منتدى الزجل اللبناني
ارجو منك تعديل قصيدتك في الشروقي في مساهمتك الاولى
مع انها رائعة ولكن يلزمها بعض التعديل في الوزن
وذلك حفاظا على سمعة المنتدى وسمعتك الشعرية ...
دمت بخير
اخوك حرف

الأربعاء يونيو 25, 2008 9:13 am موضوع: رد: تصليح غلطة

--------------------------------------------------
رد صقر
تحيه الى الشاعر عمار ( حرف)
انا من قرية دالية الكرمل من جبل الكرمل , منطقة حيفا . يجوز وقد وقعت اخطاء في قصيده الشروقي حبذا لو اشرت اليها.
انا لست بشاعر بل ما اكتبه هو محاولات ارجو ان تقيّمها بموضوعيه وبدون مجامله. انا من مناصري ومتابعي الزجل اللبناني واحترم واقدر كل انسان يحافظ على هذا التراث الراقي. هل لديكم جوقة زجل؟ ومن اي منطقه من لبنان انتم؟ اذا كنتم تروون ما اكتبه في منتدى الارتجال اساءه للمنتدى فاني اعتذر وسوف انسحب حالا اذا طلبتم ذلك لانني لست سوى ضيفا في منتداكم الكريم ويتوجب علينا احترام ضيافتكم لنا.ولكن كما قال الشاعر موسى زغيب لكل شاعر مملكه وعليه ان يرفع رايتها.
انتظر ردكم وشكرا.
الأربعاء يونيو 25, 2008 11:12 am موضوع: رد: تصليح غلطة

================================
رد حرف

اهلا فيك اخ صقر
اولا انا مش عمار اما بعرفو لعمار وفيك تسألو ومابحب قول مين انا
بتحب صحبتي اهلا وسهلا
تانيا نحنا بنشجع الأقلام الواعدة وانت عندك مستقبل
بس بنترجاك رح نرجع نعدل بيوتك لأنو فيها كسر وشوف الرابط تبع الأوزان
موجود بالمنتدى اما من جهة الكسر اللي عندك شوف مثلا الشروقية تبعك
ومن هيك حابب انقلهن وانت بعد ماتعدل فيهن منرجع من ضيفهن اما حاليا
قبل التعديل رح يكونوا بمنتدى الشعر الحر
===============================
قال البحر يا وهج الشمس بهواك ------ غزلتلك عصدري بيوت مكتوبه
اولا لازم هيك تكون
وغازل ع صدري إلك ابيات مسكوبة1
وياوهج يمكن صرت ابعد من الافلاك2
تاخذ قصايد غزل تاتمطر عذوبة 3
هيك لازم تكون والخ
وتحية الك
===============
رد صقر
توضيح:
قد تبدو الاوزان مكسوره وذلك بسبب الاختلاف في اللهجه واللفظ بين لبنان ومنطقتنا. مثلا:
وغَزَلتِلَك ع صَدري بيوت مكتوبه (بفتح الغين والمد في الاداء بينما في اللهجه اللبنانيه
تكون ساكنه وكسر التاء بينما في اللهجه اللبنانيه تكون ساكنه).فهذا الوزن يتطابق مع
وغازل ع صدري الك ابيات مسكوبه .
وصُرِت يا وَهِج من ابعد الافلاك (الراء مكسوره مع المد في الاداء وليس ساكنه وكذلك
في كلمه وهج الهاء مكسوره)
وهذا يطابق وزن : يا وهج يمكن صرت ابعد من الافلاك.
الشعر العامي هو شعر يعتمد على الاداء وقد تختلف اوزانه حسب اللهجه والاداء .
لذلك نجد احيانا صعوبه في التعبير كتابيا ولكن اداءا قد تكون الصوره مغايره .
وشكرا الك استاذ حرف
================================
وكان لهلق كل شي مقبول حتى لقيتو واضع رد ع القصيدة اللي رادد فيها استاذنا وشاعرنا
عمار البراضعي على الشاعر علي محاجنة وشوفوا الأفتراء

صقر
الى حرف و غير حرف:
اراد السيد حرف ان يصلح الكسور في ابياتي , لماذا اذن لا تصلح الكسور في ابيات الاخرين؟
لقد كتب عمار البراضعي ردا على الشاعر فواز محاجنه: ما زال كتبت حرف الابجديه =
وبتحكي بلغة يعربيه. فهذا العجز ناقص ومكسور , هكذا يجب ان يكون: وبتحكي بلغتنا اليعربيه .
================================
يعني قبلنا منو التحدي قبل موافقة الطرف الآخر وهيذا مابيتماشى مع قوانين منتدانا الموجودة
عند التسجيل ومتل مابتعرفو حرف على عادتو بيكسر روس نزلتلو ولما فآجاني بشي ما معو حق فيه يعني غشيم ومدعي وبيقول عن بيت مكسور ومابيفهم بالكسر وطبق المثل تفلسف ال.... affraid فشنهق
لذلك تكلمت مع الإدارة واتخذنا
قرار بطرده أفضل لأنو مشاكس وليس بشاعر وهذا ما حصل .
ووقت اللي بيحب يتعلم ازوان الشعر اهلا وسهلا فيه المنتدى مفتوح لكل الشعار الكبار وللمبتدئين ايضا
ولكن ليس لغيرهم
تحياتي لكل اعضاء المنتدى ونحنا مابنا كمية فقط نوعية

اخوكم
harf


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف salomon في 6/29/2008, 11:38 pm

وبتحكي بلغة يعربيه

ها البيت على البحر الوافر إلي أصلو


مُــ /فـَـا / عَـ / ـلـَ / ــتـُــنْ ....... مُــ /فـَـا / عَــ / لـَ / تـُــنْ ......... فـَـ /عُـو / لـُنْ

ب.../..ــ.../ ب../ ب / ـــ .........ب.../..ــ.../ ب../ ب / ـــ ........ب.../..ــ.../ ـــ
1.../...2.../..3../..4./..5........6...../..7../.. 8../..9../..10.....11../..12../..13..

لاحظ أخي صقّور أصل البحر الوافر 13 مقطع

وبعد ما يصيب العصب أول تفعيلتين إلي هني ( الحشو )
العصب ***مُــفـَـاعَــلـْــتـُــنْ اي تسكين الخامس المتحرك

قبل العصب مفاعلتن بتتكون من خمس مقاطع

مُــ /فـَـا / عَـ / ـلـَ / ــتـُــنْ
ب.../..ــ.../ ب../ ب / ـــ
1..../...2.../..3../..4./..5
بعد العصب مفاعلتن بتتكون من 4 مقاطع

مُــ /فـَـا / عَــلـْ / ــتـُــنْ
ب.../..ــ.../ ..ـــ.. / ـــ
1..../...2.../..3../..4.
بيصير البحر الوافر 11 مقطع


مُــ /فـَـا / عَــلـْ / ــتـُــنْ ....... مُــ /فـَـا / عَــلـْ / تـُــنْ ......... فـَـ /عُـو / لـُنْ
ب.../..ــ.../ ..ـــ.. / ـــ .......ب.../..ــ.../ ..ـــ.. / ـــ .......ب.../..ــ.../ ـــ

1..../...2.../..3../..4..........5.../...6.../..7. .../..8...........9../..10../.11

أ..../.نا ..../ عَـل / لا....... نـِ ../.هـا..../ ..يه ../.إر.........تــِـ /ــكا / زي

هيدا تقطيع
ا لبيت وفيك تقيس باقي الأبييات على نفس المقياس مع مراعاة الكتابه العروضيه

أذا حبيت نخلي النقاش عام وتكون الأمثله من شعر كبار الشعراء منعاً للأحراج
أنا جاهز وبسرني إتعمق بهالموضوع معك إنت بالذات
وهي قاعده لنبدى فيها
( ينضم القصيد في الزجل على البحر الوافر كما في المثال أعلاه )
مع تحياتي لسعة صدرك صقور افندي


أنا أدعي إني صاحب رساله وكل مشاركاتي بكتبها على هالأساس حبيت وضح هالنقطه ورسالتي بأختصار

( ألزجل شعر أصيل مبني على شروط وقواعد ومقاييس الشعر العربي بشكل عام وخصوصاً من ناحية الوزن والقواعد العروضيه)
ما عدا زياده حرفين ( متحرك ثم ساكن ) في بداية البيت الشعري غالباً ما يكون الحرف الأول همزه وصل والحرف الثاني ساكن .
وهيدا الحكي محقق ومستنبط ( بلأستقراء والمشاهده والتطبيق العملي ) إلي هيي أقوى الأدله العلميه على الأطلاق .

وهالحكي خضع للنقاش في أكثر من محفل منها


جامعة دمشق
جامعة بيروت العربيه
نادي أسره القلم في الأردن
الجامعه الأردنيه
مجمع اللغه العربيه ( جمعيه بحوث الحضاره العربيه الأسلاميه ) إلي هيي أقوى مؤسسه تعنى بعلوم اللغه العربيه في العالم .

وتم الأتفاق والأجماع من كل هالجهات أنو
( ألزجل شعر أصيل مبني على شروط وقواعد ومقاييس الشعر العربي بشكل عام وخصوصاً من ناحية الوزن والقواعد العروضيه)
اما طردك انا بيعرف الأستاذ حرف انو كان رأي الشاعر عمار ورأيي انا شخصيا
ضد طردك ولكن شروط المنتدى لازم تحترم وهيك صار مع عضو اسمو العقيد مش شي شخصي بس منشان يبقا المنتدى للأفادة مش للمشاكسات وعلى اييّا حال اذا اي شاعر عندو هفوة شعريي مش معناتا مش شاعر وفي كل انسان يبعت عا الخاص منعا للأحراج
تحياتي[
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف امير في 8/15/2008, 6:37 am

قال السيد حرف:
يا طير الشؤوم لا تحتك فيي -----انا حرف الشعر والابجديه
الكلمه بينها وبيني صداقه ------وعي قدموس عيطلي يا بيي
---------------------------------------------
رد من صقر:
وعي قدموس عمّر كون عامر---------وحيو خد صخر جبيل حافر
اب و جد لحروفو حقنها ------------ خلود وفلسفه وفيها يفاخر
وبعد ما ترّبت بعزّو شحنها ----------بأساطيل اللغه تبرم تسافر
تودّع بيّها الصدرو حضنها ---------- وتركب بحر اول بلا اخر
تسرد قصة شعوب و مدنها ----------ضياع ,قلاع وملوك وقياصر
نص الدين في نصو عجنها --------- وخمر الشعر خمّرها مشاعر

خلق من نسلها وانسلخ عنها---------حرف مبندق الافكار فاجر
عن قدموس قال انه ابنها ---------- نكر اصلو وفضل البيّ ناكر
و تا بيّو يدّفعو الغلطه ثمنها -------- بعثلو من سما الالهام شاعر
صقر ,السابعه شعرو سكنها --------شمخ ع قبّة نجوم وازاهر
فوق الكائنه جناحه كأنها ----------قواس النصر مرفوعه قناطر
وحطّت في زمن مالو زمنها -------الارانب جّخت وعملت عناتر
تعدّت ع حما الفكره وحصنها ------ بسفاهه ومهزله وخفه ومساخر
انجبرنا انثقّل الفكره وزنها ----------قالوا ثقلها الميزان كاسر
درّت لبوة فكاري لبنها ------------ ملّت قرب ع ضرغام كاسر
سباع الفلسفه بايدي رسنها ----------العجاج صفوفها شطرين شاطر
وحروف الغشمنه عقلي امتحنها ------ كبسها بمكبس الافكار عاصر
وكسّر روسها وما طلع منها --------الا حرف افكارو عقيمه
-------------بعدو في مجال الشعر قاصر-----------

ليش يا سيد حرف؟
وع قصة طردنا عملتو قضيه --------- مجرم صقر والسيد ضحيه
كأنو الصقر بالاجرام اخطر ----------من وحوش العصور البربريه
وقلتو شعرنا مخلع مكسر ----------- وكأنو جرمنا اكبر خطيه
ومنعتو رأينا يدافع يبرر ----------- سبب ردة فعل كانت غبيه

بشعرك يا لبناني عم بتفخر ----------وانا بفخر بشعرا لبنانيه
ملوك الشعر في لبنان جوهر -------- ولا تنسى بلادنا فيها حميّه
بشعّار الحدا نحنا منكبر -----------شعر الارتجالي عبقريه
ابن حطين مرجع شعر مصدر ------- بسنين الانتداب الاوليه
و ريناوي منبع الازجال فجّر --------ملك رب العتابا السرمديه
واسعد سعيد من لبنان يحضر --------سكن في بلادنا وغنا سويه
مع شعار بالاعراس يسهر -------- كانو يعمّروا ليالي هنيه
وعوني سبيت من اقرث تهجر ------ وبعدو حامل بشعرو القضيه
بكنيسة اقرث الابداع صوّر --------بشعرو نوّر عقول البريه
نصيحه يا لبناني لا تستهتر --------بفكرة شعرنا الصارت جليه
ورغم الطرد راسي ما تكسّر -------- لانه عقولنا خزنه غنيه
انتهى ردي وخلي الرد يظهر -------- حتى يكون حكم الناس فينا
-------------- مبني ع اساس وموضوعيه--------------

هذه اخر مشاركه لي في هذا المنتدى ولكم حرية شطب او حجب او نشر هذه المشاركه, بالنسبه للطرد قد اتفهم ذلك ,ربما اخطئت ولكن لست الوحيد من اخطأ .اولا كانت ردة معنى في موضوع طله الصقر ولم اتهجم فيها على اي شاعر بشكل خاص فرّد عليّ حرف وسلمون بدون اعلامي بذلك مسبقا وهذا بحد ذاته خرق لقوانين منتداكم.ثم نقل حرف الموضوع الى الشعر الحر مدعيا بأن الاوزان غير صحيحه, فكتبت له قصيدة "رساله الى حرف" فردّ عليها وكرر فكرة الاوزان مع تعليق في نهاية القصيده (هل هذه التعليقات مشروعه حسب قوانين منتداكم وليست تهجم؟)
بعد ذلك حصل ما حصل...قد اتقبل الطرد ولكن لا اتقبل التشهير بعد الطرد ونشر الرسائل الخاصه ومحتواها من معلومات فأرجو حذفها , وكلمات: شنهق, صقور افندي, وغيرها من تعابير, فلو كانت في سياق قصيدة اتقبل ذلك بروح رياضيه فهذا امر مشروع بين الشعراء.ففي جميع رسائلي النثريه لم اتهجم على احد (سوا واحده جاءت كردة فعل غير مدروسه ).
لست مشاكسا ولا متطفلا انما اردت ان ادافع عن موقفي وهذا حق مشروع بعد ما نشر عني.
انا لست شاعرا ( ليرتاح السيد حرف )ولن اشارك في اي منتدى بعد الان.
اترك لكم حريه النشر, وشكرا.

امير

عدد الرسائل : 22
العمر : 35
تاريخ التسجيل : 14/08/2008

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف salomon في 8/15/2008, 9:20 pm

هذه اخر مشاركه لي في هذا المنتدى ولكم حرية شطب او حجب او نشر هذه المشاركه, بالنسبه للطرد قد اتفهم ذلك ,ربما اخطئت ولكن لست الوحيد من اخطأ .اولا كانت ردة معنى في موضوع طله الصقر ولم اتهجم فيها على اي شاعر بشكل خاص
فرّد عليّ حرف وسلمون بدون اعلامي بذلك مسبقا
وهذا بحد ذاته خرق لقوانين منتداكم.ثم نقل حرف الموضوع الى الشعر الحر مدعيا بأن الاوزان غير صحيحه, فكتبت له قصيدة "رساله الى حرف" فردّ عليها وكرر فكرة الاوزان مع تعليق في نهاية القصيده (هل هذه التعليقات مشروعه حسب قوانين منتداكم وليست تهجم؟)
بعد ذلك حصل ما حصل...قد اتقبل الطرد ولكن لا اتقبل التشهير بعد الطرد ونشر الرسائل الخاصه ومحتواها من معلومات فأرجو حذفها , وكلمات: شنهق, صقور افندي, وغيرها من تعابير, فلو كانت في سياق قصيدة اتقبل ذلك بروح رياضيه فهذا امر مشروع بين الشعراء.ففي جميع رسائلي النثريه لم اتهجم على احد (سوا واحده جاءت كردة فعل غير مدروسه ).
لست مشاكسا ولا متطفلا انما اردت ان ادافع عن موقفي وهذا حق مشروع بعد ما نشر عني.
انا لست شاعرا ( ليرتاح السيد حرف )ولن اشارك في اي منتدى بعد الان.
اترك لكم حريه النشر, وشكرا.
يا صقر افندي اذا ردي بيزعجك بطلب من الأداة نقل مشاركتي عا منتدى المحفوظات لسبب واح انا ما بحب حدا يحذفلي شعري
ثانيا يا اخ صقر الادارة ما حذفتلك شعرك ولا بيت من شعرك بس حذفت
كلام النثر اللي كاتبو رغم ما الاخ حرف رجع نشرو حين قلت اراد السيد حرف...الخ
انتي البلشت تنشر الرسائل الخاصة ما كان حدا عارف شو عم بيصير
انا من جهتي وجهة عمار ما عنا مانع تكتب بس لا تكتب نثر بالمنتدى بترجاك بالشعر
كتوب اللي بدك ياه لأنو هون منتدى الزجل
ولمّا نحنا ردينا عا بيتك لأنو فتت تطلب التحدي اول بيت كان موفق وملفة للنظر
بس رجعت بلشت تهبط بالمستوا
وبعدان نحنا مش عم نحكي مناطقيا لأنو اذا مش عارف نحنا اعضاء بملتقى الشعر المحكي الفلسطيني
وهيدا الرابط
[ندعوك للتسجيل في المنتدى أو التعريف بنفسك لمعاينة هذا الرابط]
لذلك لا تزايد بوطنيتك اكتر منا لأنو فلسطين قضية مشتركي مش اشتراكية
ولا تنسا اذا مش عارف قدموس من عنّا
تحياتي ولا تزعل بعدنا بنحبك
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف عمار البراضعي في 8/15/2008, 11:54 pm

أهلا وسهلا فيك يا اخ امير او صقر
انا ماعندي سوى رسالة للمواهب الصاعدة وكان رأيي بعدم طردك والشاعر سليمان بيعرف
هالشي .
امّا الخلاف اللي وقع بينك وبين الشاعر حرف منتمنى ينحل وتكفوا المباريات
وتقنعونا مع مين الحق وهالشي بيرجع إلكم اذا بتحبوا لأنو انا شخصيا
سامحتك اول ماقريت ردك وخاصة عن قصيدتي للأخ والشاعر فواز محاجنة
( وبتحكي بلغة يعربيـة)
رغم ان ردك لايخلو من بعض الإدعائات او عدم المعرفة بالأوزان الشعرية ومع ذلك مقبولة منك
واهلا وسهلا بعودتك اذا حابب فيك تكمّل والمنتدى مفتوح للجميع ولك صدر المنتدى
بكل احترام

عمار البراضعي
=======================
عمار البراضعي
عمار البراضعي
المدير العام

عدد الرسائل : 1125
العمر : 53
Localisation : لبنان - ضهر الاحمر
تاريخ التسجيل : 22/01/2007

https://7arf.editboard.com

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 8/15/2008, 11:59 pm

رجعنا بعد ماكنــــــــــــا انتهينا = طيور الغشمنة ننـتـف ع ديـــــــنا
وعن علمي انتهـينا بشكل عـادي = رجعوا فقسوا وعدنــــــــــا ابتدينا

ابتـــــــدينا انقطّـش ونفرم ايادي = البدها تمد اصبعها عليــــــــــــنـا
وعــــادتنا فرك ذيـنين الأعـادي = وغير الجهل نحنا مـــــــــــا عدينا

ياطير الليل ضلك ع حيــــــادي = نحنا نســــــــــور ع المنبر سطينا
بفنيقي من خشب أرزةّ مجــادي = قال الكـــــــــــــون والـعالم غزينا

ملــوك الشعر خلـقوا في بلادي = وببلادك الشعرة مــــــــــــاهجيــنا
هجـيـــــــنا ضعـفك المالو إرادة = وبعد عليك سدّق مــــــــــانوينـــا

واذا نوينا تعــــا ع الدرب دادي = وفطاحل شعر جمّعها بمــــــــيــنا
انا حلم العتابا بلا وســــــــــادي = وريناوي جيب والأقوى يجــيــــنا

وتاتفهم مـــارح بداري ولادي = وشو عطـيناك تاقـلّـــــــــو عطـيـــنا
بصوتو بتسمع وصوتك ينادي = انت ياحرف ع المـنـــــــــبر نبـيــــنا

ومازالك راجــــع وبدك شهادي = وهاوي الشعر مش شاعر هاويـــنا
لاسليمان ماضيلك إفــــــــــادي = ولا جمهورنا بيرضى انمضيــــنــا

ولا حتى الحرف بي تيـم وادي = بيرضى بمنبرو تقـــــــول اعتلـيــنا
جبان محيت الشروقي وبــــادي = تتهمنا على الكــــــــــسر اعتدينـــا

نصيحة بنصحك خليك هـــــادي = ولا تحكي كذب مــــامرة افتريــــنا
فتت صقر ومــافي عندك مبادي = تانكسرجانحـــك خردق هرينــــــــا

أمير رجعت ع صفوف القيادي = تتناوط وتحــــــــــــكي مااهتدينـــــا
وآخر حرف من اسمك زيادي = حرف رح يحذفو تاتــــعود أمــــــــي
وتتعلم ماتبقى تدّق فينا

============================

أولا شوفوا كيف ابتدى صقر ومابدو حدا يرد عليه تايضل رضيان
ومايآخذ على خاطرو هههههههههههههههههههههههههههههههههههه

===========
من الكرمل طل صقر الموهبه--------شمس وقمر خلفي الكواكب موكبي
لاجم الدهر مطّبعو في ملعبي ------و بجوانحي محاصر الريح الغاضبه
يا شعّار اتحصني و اتأهبي ---------- الصقر حايم في جحورك اختبي
بحيث الصقر لو غفّ من سابع سما ----- بمخالبو لا بد تعلق ارنبه
=================================
وبعد ماردينا عليه يانوسو زعل وكان بلّش يكتب بالشروقي المكسور ويزت اتهامتو شمال ويمين
وهيك صارت القصة

=====================
ثانيا واخيرا
الى الأخوة عمار وسليمان المحترمين
انا وضعت الرسائل الخاصة اللي كانت بيني وبين صقر افندي حتى انتوا وكل الاعضاء الكرام
يشوفوا ويحكموا .... ويكون الكل عرفان شو صار بيناتنا
وماحدا يقول حرف ظلم حدا وبنفس الوقت مابحب مسّح جوخ واللي مش عاجبو الله مع دواليبو
وبحب إلفت نظركم لو كان في عندي نوايا سيئة متل ما عم يتهمني كنت مابقبل
فعّل الإشتراك لأنسان مابعرفو ومع كل يللي صار ماشي الحال..اما انا مابرضى عدت حاور انسان
ماعندو ثقة بشعرو ومافي ولا اي قرار اداري بيجبرني اقبل بهالشي .

ومع احترامي لقرارات إدارة المنتدى
harf
============================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف فواز محاجنه في 8/17/2008, 7:15 am

تحيه طيبه للقراء والمشرفين من الشاعر فواز محاجنه
لأول وهله يخيّل للقارئ بأن الذي أخطأ في الوزن هو الشاعر فواز محاجنه- فيجب توضيح الأمر
بأن أقحام اسم الشاعر فواز محاجنه هو في الرد عليه وليس في قصيدته-
لدرجة اني بدات اشكّ اذا كنت أخطات بالأملاء والطباعه- على كل حال يجب عدم تداخل الحابل بالنابل وارجو ان ينتهي الجدال بالنثر والأنتقال للكتابه بالزجل والشعر
وارجوا ان يعود الأخ صقر للمنتدى وعندما يخطئ فعليه التصحيح وتقبّل الرأي فجلّ من لا يسهو

وأخيرا للأخ حرف الذي كتب عن توفيق الريناوي(وريناوي جيب والأقوى يجينا) - فأنه مرحوم وقد كان من فطاحل الزجّالين(الحدّايه) في فلسطين فعليك الأنتباه يا من تريد أحضار الموتى !!!


عدل سابقا من قبل 7arf في 8/17/2008, 11:52 pm عدل 1 مرات (السبب : تكبير الخط وتوسيط النص)

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 8/17/2008, 11:39 pm

شكرا على التحية والف شكر لجميع الشعراء والقراء والزوار الكرام
بداية يخطئ من يظن باننا احياء !!!
------------------------
فنحن ايضا اموات من ساعة ما ولدنا ولكن مشكلتنا اننا نعتبر انفسنا أحــــياء
والفرق هنا أريد ان اوضح ماقصدت بعبارتي لأنني معتبر نفسي بين الأموات
وبصدد التحدي وعدم الخوف من اي شاعر وليس بقصد التجريح بأحد......

ورغم انني لم اكن اسمع بأسم الشاعــــر المرحـــــــــــــوم توفيق الريناوي
رحمه الله واسكنه فسيح جناته.


اما بالنسبة للشعر اظن ان الخطأ يقع على صقر الذي دخل باســـم امير وذكر
اسم الشاعر بين اسماء شعرائنا المعاصرين وهذا مادفعني للرد عليه بعبارتي

"ريناوي يجيب والأقوى يجينا "
معتبرا انه قد هدد به ولهذا كــــــــــــــــان الرد على سبيل التحدي ليس إلا.

واتمنى من صقر افندي ان يهدد مرة اخرى بشعراء فطاحل وامــــوات مثلنا
ولكن لم يدفنوا بعد وقبل عودتي للشعر

ارجو عدم المؤاخذة وان يتفهم الشاعر فواز محاجنة ماقصدت به وشكرا

============================

الشعر تايكبر بأرقى سماتـــو = عليــــــــــنا واجب نبيعد جنــاتو
من صقر وامير بجهل اخطر = الدخلوا منبرو وبالضعـف فاتــوا

انا ماحكيت عنا مين أشـــطر = وزجل لبـــــــنان لو اذكر زواتو
يمكن الف صفحة والف دفتر = مابيكفوا مواقعــــــــــــــنا وناتـو

واذا قررت بالشعار افـــــخر = بخاف الشعر إهــــــمل واجباتو
برشيد وأسعد وروكز الأشـعر = والقماطي وزين على ســـــواتو

ويافواز نقدك ليش بـــكـّـــــر = على الحرف وقصايد مكرمــاتو
انفكر ابن ريناوي محـضـّـــر = وشاعر طييب وبعدو بحياتــــــو

الغلط مش منك ومني ياأسمر = الغلط من صقــر منتوفة ريشاتو
الذكر اسمو وحطو ع المكـبر = الحرف تايخـدع بإسمو وصـفاتو

والله يرحمو بحكم المقــــــدر = توفيق الكان شاعر ميزاتــــــــو
مش عارف بانو الكون دشــّر = ورحل عنا وتركنا في سباتـــــو

ان كنت نسيان ياخاطي تذكـّـر = حِكَم حفّار القبور ورفـاتـــــــــو
بيغلط كل شخص نهار فكــّــر = البشر أحياء مش دريان ماتـــوا

انا بجبلك مثل بالكون مشـــهر = من جبران وعرايس هــــبــاتـو
خلقنا مييتين وع المســــــوكـر = ندفن بعضنا ونلحق غفــــــاتــو

وعلى كل حال تا ابقـى الغضنفر = ومشرف صاين الموقع بذاتـو
وتانقشع مين بالساحات أقــــــدر = تركـولي الميتين بألف رحمة
وفطاحل شعر متل الحرف هاتوا
==================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف rabeaa في 8/18/2008, 2:00 am

لك كبير يا خيي كبير حلوي يا حرف الثقافي يا قدموس
ابداع من ابداع

انا بجبلك مثل بالكون مشـــهر = من جبران وعرايس هــــبــاتـو
خلقنا مييتين وع المســــــوكـر = ندفن بعضنا ونلحق غفــــــاتــو

وعلى كل حال تا ابقـى الغضنفر = ومشرف صاين الموقع بذاتـو
وتانقشع مين بالساحات أقــــــدر = تركـولي الميتين بألف رحمة
وفطاحل شعر متل الحرف هاتوا
....
لــــي عندو قلة افكار ...وبالامثال الشعبيـــي
يقصد قدموس الاشعار...لحرف بارض بنانيي
rabeaa
rabeaa
عضو فعال

عدد الرسائل : 116
تاريخ التسجيل : 31/05/2007

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف فواز محاجنه في 8/18/2008, 7:21 am

  • فتت بالمنتدى وكثار فاتو = تأرشف من قواريره وفراته
    دخلت المنتدى صدفه ونا اسهر= طرقت الباب استأذن ساداته
    لمحت ولاحظت ديوان نوّر = جذبني صوت موّال وأوفاته
    عتـابا وأوف يا بويي تحضّر = هلا بالضيف صبّوله كاساته
    قـهـــوه بشرب وْليس مخمّــر = ثلاث فناجين والعربي عاداته
    انا ما جيت اتعدّا وأشخر = عمر الضيف ما لوّح عصاته
    بأرض ام الفحم العلم أزهر = نفح تيعيد غايب من شتاته
    انـا فـواز ابـو سـلطان أفـخر = بشعب الّي رفض يقبل مماته
    صـنـائـعـنا البيض تظل أطـهر = من الثلج الّي بندف من غيماته
    مرابـعـنا بهيجه بلون أخضـــر = خصاب ومرج ابن عامر بذاته
    وقـــائعنا شـديـده بلون أسمـــر = من الفــحم الّي بتهربج ناراته
    مواضــينا صبغها دمّ أحمر = من الغاصب ومن شايف حلاته
    صحارينا النقب في جوّ أصفر = عمى عيون الحواسد وشكالاته
    وأقصـــانا صرخ الله أكـــــبر = ونواقيس القيــامه مرافقــــاته
    ما زال القلب في العالم تحجّر = وْضميره ميّت وْأعلن وفـــاته
    ولا بد الوضع حتماٌ يــغــــيّر = قدير الله يعمل تبديلاته
    زمان بننتظر لشخص يظهر = يأمر بمعروف وبالعداله= حتّى نصير نحلف في حياته


    مع تحيات الشاعر فواز محاجنه وتفضلوا في موقعنا [ندعوك للتسجيل في المنتدى أو التعريف بنفسك لمعاينة هذا الرابط]
[list=1][*]

فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 8/18/2008, 11:02 pm

انزلي ياملهمةّ شعــــــري الفطينة = مابدي ع كلامي تواخــــــــذيني
عزفتك بكر إلهامي بدفــــوفـــــــي = وطبعتك ع جبين المجد زيــــنـة

طلي واقشعي بعينك وشــــــــوفي = فرافير القوافي واعـــــــــذريني
بحكيهم بوجـــداني الشــــــــغوفي = وبلغةّ تفرقة كبيرن حكيـــــــنـي

اتبعيني بتعرفي سدقي وظـــروفي = واذا غيري حدا قال اتبعــــيــني
خذي ع جنبك قرابي وسيـــوفـــي = اقطعي راس الحيايا وعيـشـيــني

انا ماقصدت توجعهن كفـــــــوفي = ولا فهموا على نغمةّ حنيــــــني
ماعرفوني حرف صاحب عطـوفة = وسلطان وسبــع حامي عرينــي

خلقت بالشعر من صغري عطوفي = وحملت الدل من أول سنـــيــني
وبقلب المنتدى بكرّم ضيــــــــوفي = قبل ماتقـول من شعرك سقيــني

وساعات الحرب مـــاببقى رؤوفي = ولابراعي حدا بشكّي ويقــيــنـي
ومتل ما ذبحت لضيوفي خاروفي = عنقو بقطع البدو يعــــــادينــــي

انا بالحرب مــــــــابخشى ألوفي = وأذا كد العرق مــــــــرة جبيـني
ندي بيسقسق بـصخـــرةّ شـاقوفي = وع صخر الصم إزميلي غنينـي

انا مابفرّق بّصرة وكوفـــــــــــي = ومنايي بلادنا ترجع أميــــــــــنة
ولابرضى بلبناني بصـفـــــــوفي = يقلّي انت غيـر الفلسطــــــــينــي

انا خي الفلسطيني بحــــــتوفي = مدافع عن قضياه الثــــــمـــــينة
حملت بدل الحجر بقجةّ حروفي = بشعر مقاومة متلي أبيــــــــــــة
الماحامل متلها عيبة يجيني
=============


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف فواز محاجنه في 8/19/2008, 6:46 am

يا حامل سيف عباب المضافه = بعيونك شرّ ما عندك مخافه
ارمي سيفك ورحّب بضيفك = قبل ما يشارعك حقّ الضيافه
استشير المشرف وشاور عريفك= تتحدّث باسلوب اللطافه
قبل ما يا قلم نسمع صريفك = تحكّم فيه يا فكر الثقافه
ما كان القصد بزياره نخيفك = تتذبح شاه وتجزّ الخراف
ولكن لو ردت تحكي عكيفك = برشق ونبر وتضيع الظرافه
صعب كثير أن أبقى حليفك = أفضّل قول يعطيك العوافي
اجمع صحبتك واجمع لفيفك =وأعزم ع ملوك الأرتجالي= تتسمع من فرافير القوافي


فواز محاجنه

عدد الرسائل : 8
العمر : 58
تاريخ التسجيل : 22/06/2008

http://www.fwaz.net

الرجوع الى أعلى الصفحة اذهب الى الأسفل

كلمه الى الشاعر حرف Empty رد: كلمه الى الشاعر حرف

مُساهمة من طرف 7arf في 8/19/2008, 10:26 pm

انا بالمرتجل لو صرخت آخــــي = بربّي القمل ع منبر فـــــــــراخي
الأذاعة فاتح وصوت المذيعـــــة = عم تحذّر وقوعــك ع فخـــــــاخي

بضيفي مرحب بمرجة وسيعـــــة = وبدك بعد خلّي الحبل راخــــــــي
وصاروا يـــمرقوا تكتك شي تيعة = فراريــج القوافـي ع سيــــــــاخي

بيراعي ورقــــةّ النعـــــوة بذيـعا = جبيني مكتبي رافع شمـــــــــاخي
حملت السيف تاإحمي الوقـــــيعة = غبار الجو مازعجوا منــــــــاخي

ومحال انجيت ع القـلعة المـنيعة = الصواخي بطقّك بّظهر الصـواخي
انا ثاني حمورابي بشريعـــــــــة = خلقت للشـــــــــعر خلدّلو شـرايع
عداوة ومكرمة وحب وتـئآخي
===================


عرفت الحياة بتجربة وكُبـــــر الجراح ... فيها فشل فيها أمل فيــــها نجاح

وطقم السعــــادة اللي عقِل مابيخلـــعو ... لولا استفاد من الخطأ بعد الكفاح

============================
7arf
7arf
admin

عدد الرسائل : 1125
العمر : 53
تاريخ التسجيل : 01/11/2006

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى