منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================



انضم إلى المنتدى ، فالأمر سريع وسهل

منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

واللي تبعوا ما بينتبعوا

اذهب الى الأسفل

واللي تبعوا ما بينتبعوا Empty واللي تبعوا ما بينتبعوا

مُساهمة من طرف salomon 5/26/2007, 2:38 am

بالإلفة بيكبر تاريخك
بالحكمة بتقوّي زندك
عن نحلم نطلع مريخك
تا نشوف الدنيا من عندك

لاتقلع زهرة وتتزرّع
عنتزرع أرزة وتنحّي
اللي بيخنق نسمة ما بيزرع
واللي بيكتب ما بيمحّي
شوف الغنيّي اللي بتدفع.
حق الحريي والمدفع
واللي بيتحرّر بيضحّي


تعودنا عانجوم الحمرا
.نشوفا بعز الضهر ونفرح
البارودي ما إلها مطرح
والقلب بيعشق والسمرا
ومازال الكلمة والمسرح
بنتربّع بأعلى مطرح

ولو بنشوف نجوم الحمرا
من هوني مش لح نتزحزح

عميتخطوا حدود الكلمة
لفيها ألله كان موصّى
في كلمة بتطلع من غصا
.وفي كلمة بتخلق منقصّى
مكتوبي بقلام الظلمة
الي ما بتحمل دعسة زلمي
ما بتستاهل تكتب قصة

بتزكر خبريي بحبّا
عن تاريخك يا حريي
خبرها جدي لبيي
ربيت معنا وعاشت فيي
وما في خبريي بتتخبّا
ولاشجرة بتوصل لربا
مهما تعلى ويتخن كعبا
بدا تدبل بالبريي
ول ما ترباّ لح يتربّا

لاتفزع يا أرزبلادي
مها ينادي بوم الأسود
موج البحر العالي بيجمد
اللبناني ما بدو شهادي
بدبكة وغنيي والمشهد
بيخلّي تاريخك يشهد
لبيكي يا أرض بلادي .
ولا مرة بنقعد عاحيادي

دفعنا الغالي ومش لح نسأل
بدنا نطالب بالحريي
اللي ما بيرض لعمرو يزعل
مش مفروض ليومي نقبل
كلما بتتفلسّف شخصّيي
وبتعلمنا عا الحريي
مش لح نترك وردة تدبل
نحنا الماضي والمستقبل
وأرزتنا بتبقا دهريي

زهّر حلم الماضي قبالي
وبلغربة عنطفّي الفرقة
ويمكن بعدا بقلبي حرقة
لما استشهد إبنو الخالي
يما سرقنا الدمعة سرقة
.ويلي استشهدتوا كرمالي
انشالله بجنة الله الزرقا
تعيشو وتضلو بالعالي


ما بنستاهل منك أكتر
يا غيمة الله المشحوني
يا موجات اللي مجنوني
بمدخل نهر الكلب بنفخر
يما عليها روس تكسر
ولما تكسر لح يتكسر

يلي مسافر برا بيهرب.
عميستورد حكمة جارو
حاروا داروا مافي مهرب
مابيستاهل ياخد تارو
مبارح ضدك كانوا وصاروا
عامصلحتك عمبيغاروا
مين القلك خمرةتشرب.
وتنيم عامخدي العقرب

عميتخزّق توب العفة
رجع اختار الدرب الأصعب
عبّا حالو وفضّى الملعب
مش لح نعرف وين بنصفّي
بدرب الحريي ما بنتعب.
حتى آخر نقطة تصفي
وبللي بقيوا لح بنكفي

مهما بسّر علينا اجتمعو
ولولا اتفقوا ما بيعنينا
مرة قالوا مش لح فينا
لعبوا علينا ويما طمعوا
ومركبنا وصّل عالمينا
والله وحدو اللي بيحمينا
واللي تبعوا ما بينتبعوا
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى