رجاء من الصديق حرف !

من طرف **عمار البراضعي** 12/22/2008, 2:26 am

أطالب الأخ حرف بحذف الرسائل الخاصة

***************************

نـــــار الحقد ياحرف طفيـــــها = ولمبـــة الكلــــــــــمة بنور ضويــها
انا وبو شربل سليمان شـلـــــي = قضاة ومحكــــــــــمة بلجنة نزيهــــا

وحتــــى إحـسبك خلو و خِــلي = الرسـالة واضــحة عرفنا شو فيـــــها
خيــــالي بيتهـموك وإنت ضلي = مني سمــــــــــاع وبسرعة لغــيــهــا

بتـــــرم أعــــياد للمعبود صلـي = العذر مقـــــبول والصفحة اطويهــا
برهوم اعتذر تاجــــــــاب حــلة = يا احلا ناس للحكمة وذويهـــــــــــا

لها الأسباب باعتلك تمـــــــــلي = بكلمة أو طلب تمــــــي حكـــــــيها
القصايد كـلها ياحـــــــرف خللي = وطلب بالشعـــــر لا تخيـيب أمــلنا
الرسايل فوت وبسرعة محيهــــا

============

من طرف rawad 12/22/2008, 6:10 am

اسمحولي يا حبابي بهالقصيدة
قبل ما نفشخ الخطوة الجديدة
نشالله كل عام بخير انتو
تضلوا بعيشة الالفة السعيدة

أنا قريت الرسايل والرسلها......عرفت شو مقصدو لما رسلها
طبعّها بمنتدانا وهيك طبعو......ويمكن طبع غيرو ما قبلها

وتحتى يبرر مواقف لربعو.....عملها وما عرف قيمة عملها
وساح الشعر فكرو يكون سبعو......بغابة بكل ميلة أسود الها

أنا ابراهيم خيي الشعر نبعو.....واذا شعّار عقلو ما حملها
أسود القافية بعدن ما شبعو.....نصيحة يروح يتخببى حملها

وحرف ما بيملك من الشعر ربعو.....اذا ما حس بالعملة العملها
بقدر لبسو بالشعر قبعو.....وبربعو بلحقو بلا طول سيرة
وبمحي قصايدو وبعلن فشلها

و يا عمار الذكا عذرني شويي......اذا اتدخلت بالعركة القويي
أنا ناطق حرف من كل كلمة......وأنا الناطق باسم الشاعريي

عرفت الشعر من حلمك وحلمي.....يوصل للنجوم العالميي
وبنور قصايدو يشعشع الظلمة.....ويعمل كل ردة مزهرية

وبدو بكل ردة حرف سلمي.....بلا جنون وبلا وقعة خطية
و اذا بشعر المعنّى كان زلمي.....بيقدر ينطح الغيمة العليي

وتعو تا نفسر بأسلوب علمي.....شو قيمة هالرسالة المعنويي
الرسالة البتجينا بحد علمي.....تا نعرف شو قصد هالحرف فيها
حملوها بجيبكن متل الهوية

ويا شعّار العناتر والأصالي.....شو بدي بعد احكي بهاليالي
منكم زادها بالشعر قيمة..... ومنكن زادها شوية رزالي

ومنكم عامل عليها وليمة.....وجايي يواجه الريح الشمالي
أنا ما بحب نقيل النميمة.....واللي بيفتو بين الغوالي

والبي خربطو فكار السليمة.....والبيقلنا بو زيد خالي
و حليمة راحت ورجعت حليمة.....و سكرت عا عناقيد الدوالي

ما بدنا نقول حرفو وابرهيمي.....و تعو تانحل عنهم يا معالي
هنّي يحددوا لمين الهزيمة.....و اللي بيربح نقلو برافو
ربحت معنا حرف من هالرسالة

من طرف salomon 12/22/2008, 8:51 pm

ما زال يا حرّوف عن بتخاف***وبيت المعنى راعبك تا ترد
زكّرتنا عن جد بالصحّاف***وبهيك عركي بنزكرو عن جد

شو باك خايف بالزجل تنشاف***راكع نصب بالمنتدى ولا بد
قدّي التحيية لشاعر الشفّاف***برهوم ناطر تا ترد وشوف
نحنا ظرف يوميين بدنا نعدّ
هههههههه
بدنا نعدّلك اذا ما رديّت خسران العركة ه

من طرف **7arf** 12/23/2008, 2:06 am

معي مش فارقة معنى وقصيدي = ياناوي تـّعـد مش شغلة جديدي
كل عمرك تــعد وع المكـــــــبر = وتخسر مع حرف جولة عتيدي

انا قبلت الرسايل شيل أبكـــــــر = وفوق بيادري خـلـّي الحصيدي
بعد كم يــــــوم بدي عود احضر = وكـفــــــي جولة معنى أكـيدي

بإسم صحاف عم إعتز وافخــــر = مابيخاف من لــــــون العبيدي
وحرف ماخاف مع برهوم يخسر = بس بخاف ياسلمـــــون إرجع
وراسك إكسر وإفقش بإيدي

===================

وهاي رشة ملح للمرحوم لبينما كنت رجعت وأهم شي مايزعل يخاذها بمحبة عم نتسلى ولوه ههههههههههههه

حرف الرسالة شالها وتقدير نال = فقعت بوجك ضاوية وراسك انشــال
بالمنتدى حضنناك عنّا يا غزال= صفيّت يا برهــــــــوم متل الإحـتلال
حردبتك لو شفـــــتها متل الجمال = بتفك يمـــــكن رقبتك ع كل حــــــال
وحيثك ولد بتضل تلعب بالكــــلل = ومن هيك مش رح رد يا إبن الحلال

====================

رجاء من الصديق حرف !

رجاء من الصديق حرف !

رد: رجاء من الصديق حرف !

رد: رجاء من الصديق حرف !

رد: رجاء من الصديق حرف !