منتديات الزجل اللبناني الشاعر: عمار البراضعي

أهلا وسهلا بزائرنا الكريم
عليك بالتسجيل لكي ترى كافة المواضيع المخفية
=====================
الزائر رحبنـا برسمــــو = وع التسجيل دعينا يفوت
وغير اللي مسجّل إسمو = عنو منخفي يقـــرا بيوت
=====================

منتديات الزجل اللبناني الشاعر: عمار البراضعي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فن الهجاء

اذهب الى الأسفل

فن الهجاء Empty فن الهجاء

مُساهمة من طرف salomon في 1/29/2009, 6:48 am


من حبّي لفن الهجاء رح بلّش نزّل كل قصيدة هجاء ولو كانت ضدّي وها القصيدة للشاعر نمر شبّو موجّهة للأخ علي\






يا علي حاجي تمسّح جوخ
دشّر عِصام وفن هندستو
الشعر بدّو فكر بدّو مخوخ
الأجيال تتلمذ بمدرستو
شوقصتك من دون خمر بتدوخ
من قبل ماكاس الغبا بستو

بالله شو معبّا بها لنافوخ
تا متل راس الفجل روّستو
وكعب جمجمتك طلع منفوخ
ليش بالدّبّوس نفّستو ؟؟؟؟
قديش بدّو حف بالرابوخ
تايصير ناعم مطرح الدعسي
وماتنزج أجرك إذا دعستو
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/1/2009, 5:47 am

انه الشاعر عصام يوسف في قصيدة موجهّة للشاعر باسم القباني
فلنستمتع بنقد السخرية


يا راكب بنــــــــــيسان ألتـــــيما
و رايح من المكسيك عَ ليــــما
عَ فيتــــــــــنام اليوم أوعى تمر
بيشقّفك إعـــــــــــــصار لــيكيما

بسيخ الدبـح عندك ولع شو السر
ســــــمالله متل أرنولد بالســيما
و من كتـــــر ما عقلك زكا بيشر
بتلعـــــــب مع الصيصان بَفليما

ان كنّك على دبح البـشر مضطّر
جوز الحـــــــــمام دباح لَ ريما
و أن ضلّت بقلـــــــبك نوايا الشر
كان لازم من بـــــــــعد شارون
تكـــــــون الزعيم بحزب كاديما
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/1/2009, 6:17 am

ونبقا مع عصام



يا باســـــــــــم الواطي عن القِمّي *** شبرين أو أكتر مـــــــــش مَهمّي
بس انتبه لا تـــــكون واطي كتير *** بفزع يصفّي اســـــــــــمك مْذمّي

واطي عن الإبــــــــداع و التفكير *** واطي عن الأخــــــلاق و الزمّي
واطي عن الخلْق و عن التصوير *** واطي عن القــــدرة و عن الهمّي
واطي عن التصـــــغير و التكبير *** واطي عن الكسره و عن الضمّي
واطي عن التشـــــــييد و التعمير *** واطي عن البـــــــركان و الحمّي

ومنْشان ما توطى لَ حتّى تصير *** أوطى مـن رفاقــــــــــــك بهاللّمّي
رح إرفعك عَ زر ورد صــــغير *** حتّى إذا برفع كمـــــــــــــامي زر
تِعــــــــلى يا واطي زر عَ كمّي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/1/2009, 6:27 am

ونبقا مع روائع عصام يوسف

يا كلمه من خمور الشعر صبّي *** و فضّي جرّتـــك و الكاس عبّي
أنا شاعر بأفـــــــــكارو تسامى *** بغــــــيـــر الورد مَ بْرِدْ المسبّي

يا باسم ماحدا عـــــــنكن تعامى *** إذا كــــــــل واحد بوكرو مخبّي
إنتوا حد منّي حـــــجار ضامى *** عَ ذوقي بشيل طَبّي , بحط طبّي

علق فاتـــــح على زر الخزامى *** و إنتوا ما علقــــتوا بْ زر قبّي
تَأمّل في كلامـــــــــــي الدايلاما *** و كَتب عنّي أناشــــــيد المحبّي

إذا باســــــــــــم برفقاتو تحامى *** عَ بو الطيّــــــــب مَ بيفيد التنبّي
و كل رفاقـــــــك جداد و قدامى *** تَ كبّشهـــــن بايدي قرص كبّي

يا ما انصـــحتك من زمان يا ما *** و برجع إنصــحك تنضب ضبّي
طفّي المنـــــتدى و إلبس بيجاما *** و حتّى بالحلم ما تـــــشوف فاتح
شفلك صيــــــــدلي يعطيك حبّي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/1/2009, 6:31 am

تابع عصام يوسف


فاتح لأهل المنتــــــــــــدى بيوتي *** و فاتح بأجـــــــمل مطلع بيوتي
هون زهره , هون تــــــــم انباس *** هون لــــــــوحه , هون منحوته
هون شمــــــــعه , هون في قدّاس *** هون عبقة عــــــــــطر مفتوتي
هون تكّاية قــــــــــــمر و جراس *** بيحرّروا شّــــــــــــعار مكبوتي
الكلمه في إلها بالشــــــعر مقياس *** و فيها نســـــــــب إبداع مثبوتي
كلمه انحفرت عَ حــــــجر الماس *** و كلمه انكتبـــــت عَ ورق توتي
عطونا شعر يدخل قلـــوب الناس *** يا باســــــــــم ويا رومل النوتي
منحكي معن من قلب شفّه و كاس *** بيــــــــجاوبوا من قلـب جيبوتي
لا تفكّروا إنــّوقمـــــــــــــرنا ناس *** نحنا قنابل شــــــــــــعر موقوتي
لْ بيعيش تَ يشـبع من الإحساس *** لو ضل صايم تَ يـــشيب الدهر
ما بيكسر صــــــيامو عَ بسكوتي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/1/2009, 6:35 am

لَ باسم كمان عصام يوسف

يلّي علـــــــيّي كتيــــــــر كنفشتو ***و عا كتـــــــــاف الوهم عربشتوا
مين اللّي منكن مَ استـغل الظرف *** و بـلّش علـــــــــيّي يهز مشمشتو

لكن أنا حبّيــــــت غض الطَرف *** و قلت عِـــــــشتوا للشعر عشتوا
تاري الـــلّي عندو بالنّداله عِرف *** يا ريت لو خــــــنقتو و لا عيّشتو

يا شاعر انْ ما كنـت رب الحَرف *** و شَعر القصيــده بْ دَيْك فلفشتو
مفروض عنقك نقطشوا عالحرف *** مطرح ما بـــــيت الشعر قطّشتو

باسم لا تحكي بالنــحو و الصرف *** و لابقيمة الـــشعر اللّي خربشتو
بالشعر ما بتجيب ســـعر الصرف *** لولا علـــــــــــى الدولار قرّشتو

ضلّوا غْرفوا من عنــفواني غَرف *** و حوّشوا أكــــــــــتر ما حوّشتو
و لاتحرفوا خط القصــــيده حَرف *** بْ نظم الشعر لو إلكن مْن سنين
اعتبــــــــــروا بإنّو اليوم بلشتوا
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/2/2009, 11:20 pm


محمد الخطيب كتب


سليمان.. وصل ل انهل دبس وقللو...
بانو هالقصايد اللي عم يحذفها ومنهن القصيدة الاخير.. اي والله ماني شايف فيها شي يخليه يحذفها.. لانو الثنين ردو بنفس الاسلوب علي واللي كتب القصيدة
معناتو الثنين رضيانين عن هالشعر.. ليش ل حتى ينحذف؟؟؟

كثَر خيرك ياللي عم تنقللها اياها لهون لانو كل هالروائع عم تنحذف هونيك...


تحياتي وشكرا كثيير...... محمد خطيب


تسلم يا شاعر ولعيونك رح خلّي ها المنتدى رمز الحريّة وكل الشاعر يفرجي شخصيّتو وشوف ها التحفة للشاعر
ساجي


حــاجي يافــــاتح زنبــــق تشــتّي **** صار الشعر من بعـــدك مهتّي
مــــن شــــفيق لقـــــــــد بتيـــتين **** هــــّديت بتّـــي وتركــــت بتّي
وأبـــن الخطيب لكنفش الجنـــــحين **** قــــّديش طلعت ردتــــو مـرتّي
ضـــــل يتشـــقلب عـــلى الميـــلين **** حتّى مــرق عنقــو عالمــكتّي
ورومل عا هيكي شكل يخزي العين **** بيـوتو معتّ وشـــوفتو معتّي
ماكـــان عالموقـــــع خـــرس يومين **** لوما عملتـــو بالشـــــعر فتّي
وباســــم القبـــــــــاني ألو سنتين **** حتـــّى يبت بهــــالأمـــــر بتّي
عاســطح قبّــــانك طليــــــع رطلين **** رطـــل عجّـــور ورطــــل قتّي
وشـــادي لعمـــل حــالو طليع وزين **** عالأرض زتيتــو بفـــرد زتّـــي
الظــــاهر توحّــــــم عاغـــراب البين **** تاصــا ر بكتاب الزجــــل عتّي
لـــولا ســـــألتو مجمــــع البحـــرين **** بيشهق ناصيف اليازجي وحتّي
عن هالشــعر رح يكتبو ســـــطرين **** (لّي بيســكرو من الخـمر المعتّق
غيـــرل لي ســــكرو من ضرب متّي
********************
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/2/2009, 11:39 pm

ونبقا مع روائع ساجي


يافاتــح وســـاجي ويا ســـاطي **** لّي صار أسـمك لامع وسـاطي
بترسم صور شعرك الحلوة رسم **** بريشة دافنشي وفكر سـقراطي
*****
حاجي يارومل تبرم على الأســم **** وتنسى غياب الشمس عالشاطي
بالأســم أســمك ماطـــلع عالكسم **** وبالفعـــل شعرك شعر قرباطي
****
من لهفتو اللــه عطـــاك الجســـم **** يـــاريت ذرة موهبـــي عــاطي
ولحــد هلــّق مــا دفعـت الرســم **** يمكـــن لأنــّو عقـــلك شبــاطي
منشـــان أحســملك أمورك حسم **** مـــازالنــي عـــالي وواطي أنت
ببقى أنا عالي وأنت واطي
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/2/2009, 11:41 pm



القصيدة للشاعر نمر شبّو موجّهة للأخ علي


يا علي فتّح عينيك وشوف

كيف الشعر متل النّبع بيطوف

شوف الحلا بقصايد سليمان

مش متل عبقة وجهك المخطوف

شوف شادي الشاعر الفنّان

بيمشي طريق لبالخطر محفوف

متل النحل بيحوم عا لألوان

تايقطف الشهد لّي مش مقطوف

بيمشي الطريق لما مشيها الجان

بيرجع طريقو بالعطر مرصوف

مش متلك معبّا بقلب شقبان

وعابواب الله عم تمد كفوف

مابتستحي مابتنخجل تنهان

لمّا الشعر يحكي على المكشوف

مش عيب تغفا بفرشتك جوعان

تشكي الطفر من شعرك المألوف

روح جيب كيس وبحبش البستان

ولا تخلّي عا طرافو لوف

وأرعى الحبق والفل والريحان

والقرنبيط والخس والملفوف

ولاتقول إنّي بالشعر حفيان

معتّر فقير مشلحف ومنتوف

من بيدق تعلم درس أوزان

وكلّك من ( محمّد ) شي جوز كفوف

وضلّك عند( فراس ) شي عدّان

حتّى تصفّي بالشعر مشغوف

مرقلك على ( عصام ) شهر زمان

هالأسم يلّي بالكَرَم موصوف

بيمرنّك مع أشجع الفرسان

كيف بالشوكة تصد سيوف

وميّل عَ جعفر حيدرلخلقان

شاعر بيشيّب بالمعنّى ألوف

بيعلّمك روح الشعر منشان

ما تضل بكتاب الشعر محذوف

ومرتو لّي عم بترصّع المرجان

من شعرها تخبّى القمر مكسوف

بتعلّمك من ذوقها التحنان

تا تميّز الواصف عن الموصوف

ورح عامشتى الحلو بنيسان

ميّل عَ أنهل دبس يا مكفوف

بيعلّمك من رقّة الوجدان

كيف بقصيدك تفتخر لحروف

عيب استحي بكرا بيجي الديّان

وبتوقفو قبالو صفوف صفوف

حفيان بالي مشرشح وعريان

وخلف قضبان الغبا موقوف

وبطلع أنا قبالك ( نمر) شجعان

والآلها قبالي رفوف رفوف

منشان يفدو بدمّن الأ نسان

بيناتنا سكنو وتركو الروف

تيباركو شعري بسما القصدان

وينزلو ببيوت شعري ضيوف
***
شافوك ياعامر بهالأكوان

خاروف من عقم الزمن معلوف

ومنشان يرضي زهوتي الرحمان

ويعمل معي بالآخرا معروف

شاهد بعينيي ( نمر) غضبان

قلّن لآلهتو بعدو من الدرب
وخلّو النمر يبطش بهالخروف
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/6/2009, 3:33 am



وهون حبيّت نزّل قسم من افتتاحية
[color=red] الشاعر حرف بعد شد عصب مع الشاعر ابراهيم ياسين
انشالله تعجبكوم
وبنتمنّى غياب حرف ما يكون بعيد رغم أنو ما وفرني بها الأفتتاحية هههههههههههههه

وينك يا ابراهيم يلا ...........
===================


بـشهر أعياد باعتلك تهــــــاني = يامشــــــــــــرف برابيتا الأولانـي
غزلت قصايدي ع فـرد مغزل = وع نول المنتـدى سحبت المـعـاني

قلّي صاحبي سليمان إقبــــــــل = حــــاور شاعر بصف الحــضاني
من تعليق ليلى صـار يجــــفـــل = مـــــــــابدو نـقدها وعايش أنـاني

وانا ما كنت حاورتك بـمـــعـزل = عن اللي قــال عمرو ما هجـاني
بس بخاف كلما الحرف أقــــــبل = تلحق ضعف غيرك بالجـبـــاني

ولولا بيعتبوا عليي بمــحـــفـــل = لشــــو يا حرف تهــبـط بالمعاني
قلت معليش بدي الشعر أجــمــل = من مروج الربــيــــع الأقحــواني

مع غـوار في ياسـين مثّـــــــــــل = القهــــوة يزقها ويحمل صـواني
وجنب الحرف يابرهــــوم إعقل = أوعـى تصير متلو بّدور ثــانـي

مرة بحاور الأعـــقل وأثقــــــل = وبعض مرات من ضعفن بعاني
ومرّة باكل بحربي مـــتــــــــبّل = ووجـــوه بشوف متل البتنجـاني

ولها المستوا مـــا بحـب إنـــزل = لأنــــو كتــــير قاسي يا حنـاني
أنا رح إعترف ضلـيّت أعـــزل = لأنو الشعـــــر يا برهــوم بــدو
سواعد متل عنتورة وهاني

============

يا واقع ليش ما بتكبح غرورك = ليلى كتير .؟جرحتلك شعــورك
يا جايي عا التحدي وقلت قدّي = وبــــــــعد العيد بتظبّط إمـــورك

انا بدّي خصم بالحرب قـــــدي = وبـــقلب المنتدى تلــمــع بدورك
وبعد ما قص رقبتكن بيــــــدّي = لا في شـــاعر يدافــع يا روحي
وما في شيخ رح يقبل يزورك

============

وحياة ربك خبّر البعـــــتــوك = أنو حرف ع الذبح بدو ديـوك
من منتدى سليمان أو عمّـــار = شعّار طلعوا بدون أيّا شــكوك

إياك تقرب ع خطــــوط النار = خليك مـطـرح ما إلي دفـشوك
ان عصّبت بدي دوّر المنشار = وقطّش بقلب المنتدى رقبــات
كل اللي دخلو لهون من فايس بوك

============

وقــبل ما اقبل العركة الجمـــــيلة = انا معروف عنـّـــي بيـن جيـــــلي
واذا رح ارحمك انتي مفـــــــــكّر = طويلي علــيك يا روحي طويــلي

تشكر حرف والخالق تشــكـّــــر = اللي جــابــك هون تا تسمّع متيلي
يمكن فوت عا الموقع منــكــــــّر = ع ظهر حمار مش ظهر الأصيلي

هون بمنتدى الكلمة تذكـــــــــــر = بــــــــــــــدنا رجال فكرتها نبيلي
بدّك تنرعب وتصير اصفـــــــر = هزيـــــــــــل وما إلك باليد حيلي

اركع غصب وتعلّم تحضـــــّر = وخــفـــــــــّف جبلتك حاجي تقيلي
انا ما كان بدّي اليوم تزغــــر = بس حرقـــــت ديني من الرسايل
وجايي اليوم تا إشفي غليلي

==========

بيخبّروني شــــــاعر مهـــذّب = وكل اللي قلّي هـــا الحكي كذّب
مرجي زهـور موّردي أطباق = وزهري جميل بمنــتـدى مشذّب

لكن إنت عن جـــد ما بتنطاق = ولحرب حرف مصـــمم مجذب
قبلك إجاني شي ألف عملاق = وما رجع واحد طيّب من الموت
من هيّك قلّي ليش متعذّب

===========

يا بطيّخ المنابر بالتـحـــــــدّي = مين القــــال إنك صرت قـدي
انا سليمان طقيّتو قصــــــــايد = ودموعــــــو بلّلو وج المخـدي

وِل عمار ربحتو قلايــــــــــد = وراسو بكسرو لو صار ضدي
وعوايد حرف ما يغيّر عوايد = بدو دجـــــــاج بلدي كل مـــدّة

لكن إنت يازيز الحصـــــــايد = جايي محردب ومن عمر جدي
وبعدك شب بس للخلف عايد = طفـل محتار واقــع تحت شـدة

أنا القصـدان بعطيها زوايــد = وصرت رب المعنى بالتصـدي
وثقل الدم صاير فيك زايــــد = وعطوك الدعـــم تنزل للتعـدي

الرسالة بعثتها حاجي تحايـد = تاتجــرّب معي صعـــبة تهـدي
وانا بالمنتدى رح ضل قـايد = جيـبو بو أســــامـــة ليـوم ذاتو
وأبو شربل لحتى يبوس يدّي

===================
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

فن الهجاء Empty رد: فن الهجاء

مُساهمة من طرف salomon في 2/7/2009, 3:34 am


تعو نرى الشاعر ابراهيم ياسين كيف يتألق مع الشاعر حرف
ويا ريت بيكون حرف عم يستمتع معنا بالأفتتاحية





افتتاحيية ابراهيم ياسين



بلا يا حرف..هات أقوى ما عندك
أووووووف أووووووووووف

غمزت النجم من طاقة عيوني----و طلَقْت الليل من محنة سْجوني
و رحت فتّش على شاعر تبارى----يلاقي كلمتي و يرعب حصوني

شفت عالغيم ...عم تلمع منارة----لْحقتو.. صرت عا جنّة فنوني
بإيدي السيف و يعيني الجسارة----و يا مين يقرّبو و يبارزوني...!
و ما عندي قلب إتحدى العذارى----ولا أنصاف العذارى بيقنعوني

و بعد ما قفزت عاتاني مغارة----سمعت نقّاد عم يستغيبوني
سبع نقّاد... طلعو يا خسارة----بحجّة يِنِقدوني..ينَقُدوني
واحد قال:.. لازملي حرارة----شحيح و بالصدف عم يسمعوني
وواحد قال:.. طلاتي زيارة----بيمرّ شهور حتى يسمعوني
قلت لا تواخذوني يا شطارى----ما فيكن بالقلبل تعيّروني
لإنو قد ما تزيد الغزارة...----بغابة تشربكت.. تا يضيعوني
بكفيها.. من لساني شرارة----يا ويل ال جرّب يشرقط جنوني!!

رجعت و سْحبت عا لساني العبارة----و لعنت بليس و تعدّل سكوني
و قلت معليش.. إحكو يا غيارى----و متل ما بتحسبوني.. إحسبوني
احسبوني خيال تا شقّ الصحارى----و شردق رملها بدفقة عيوني!!
احسبوني مِحْل.. تا خلّي الكوارة----مداها يغص من "عبرا"ل"جونيه"
احسبوني كوخ.. رح بطلع عمارة----احسبوني جليد رح بطلع سخوني
احسبوني رماد... رح فجّر حرارة----احسبوني إجر كرسي و انطروني
تارجّ الأرض.. من مبنى الوزارة----بألف دعسة على البيعارضوني!!

يا نقّاد الدعاية... و التجارة----ما فيكن قد شعرة تزحزحوني
لأنو بعد تاتطالو الجدارة...----ألف هكتار..عِدّو و الحقوني
الجدارة مش أسامي مستعارة----و جبان تْلتّم "بحرف" الليوني
ولا تبطين.. من خلف الستارة----و متل بخّ الأفاعي تلطشوني
الجدارة.. طعنة الغارة بغارة----و حارة تقابل الحارة بخشوني
و إذا بيناتكن(بوشهاب حارة)----تا كنتو بذات إسمي واجهوني

و إلك مني التحية.. يا إدارة----و على المصحف إذا بتحلفوني
ما بدي بمستشار و مستشارة----بعد نصري عا نصري تكرّموني
ما بدي غير عا عيد البشارة----إذا ناقص ببرحليون شاعر...
عليّي تِكْرمو..و تْبرحلوني..!

هناك ملحق يتبع


و



يلا هات تانشوف....
salomon
salomon
عضو مميز
عضو مميز

عدد الرسائل : 1087
تاريخ التسجيل : 23/05/2007

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى